Healthy Korrala Payasam in Telugu : నేటి ఆధునిక జీవనశైలిలో చాలా మంది ప్రజలు మిల్లెట్స్ ఆహారం డైట్లో భాగం చేసుకుంటున్నారు. ఈ క్రమంలో రాగులు, జొన్నలు, సజ్జలు, కొర్రలతో చేసిన ఆహారం తింటున్నారు. మిల్లెట్స్లో కొర్రలకు ప్రత్యేకమైన స్థానం ఉంది. కొర్రలు చూడడానికి చిన్నగా నలుసంత ఉంటాయి. కానీ వీటిలో ఎన్నో రకాల పోషకాలున్నాయని నిపుణులు చెబుతున్నారు. కొర్రలను ఎప్పుడూ ఒకే రకంగా ఉడికించి తింటే బోర్ కొడుతుంది. అలాంటి వారు ఒక్కసారి ఇక్కడ చెప్పిన విధంగా కొర్రల పాయసం ట్రై చేయండి. టేస్ట్ ఎంతో బాగుంటుంది. ఈ కొర్రల పాయసం రుచికి రుచి, ఆరోగ్యానికి ఆరోగ్యం. బెల్లంతో చేసిన ఈ పాయసం పిల్లలు కూడా ఎంతో ఇష్టపడి తింటారు. మరి సింపుల్గా కొర్రల పాయసం ఎలా చేయాలో తెలుసుకుందాం.
హోటల్ చట్నీ టేస్ట్ సీక్రెట్ ఏమీ లేదు! - పల్లీలను ఇలా చేసి చూడండి చట్నీ కోసమే టిఫిన్ తినేస్తారు!
కొర్రల పాయసం తయారీకి కావాల్సిన పదార్థాలు:
- అర కప్పు - కొర్రలు
- బెల్లం తరుగు - కప్పు
- నెయ్యి - 2 టేబుల్స్పూన్లు
- జీడిపప్పు - 10
- బాదం -10
- కిస్ మిస్ - 15
- అరటీస్పూన్ - యాలకుల పొడి
- అరచిటికెడు - పచ్చకర్పూరం
- పాలు - కప్పు
- నీళ్లు - కప్పు
కొర్రల పాయసం తయారీ విధానం
- ముందుగా ఒక మిక్సింగ్ బౌల్లో అర కప్పు కొర్రలు తీసుకుని రెండు మూడు సార్లు నీటితో కడగండి. ఆపై అందులో సరిపడా వాటర్ పోసి 4 గంటలపాటు నానబెట్టుకోవాలి.
- అనంతరం స్టవ్ వెలిగించి పాన్ పెట్టి కప్పు నీళ్లు పోసి మరిగించండి. నీళ్లు మరుగుతున్నప్పుడు నానబెట్టిన కొర్రలు నీళ్లు వంపేసి తీసుకోండి.
- స్టవ్ మీడియం ఫ్లేమ్లో అడ్జస్ట్ చేసి కొర్రలు మెత్తగా ఉడికించుకోవాలి. కొర్రలు సాఫ్ట్గా కుక్ అవ్వడానికి 10-15 నిమిషాల టైమ్ పడుతుంది. అంత వరకు మధ్యమధ్యలో కలుపుతూ ఉడికించుకోవాలి.
- ఈలోపు మరొక స్టవ్పై కడాయి పెట్టి కప్పు పాలు పోసి మరిగించుకోవాలి. పాలు ఒక పొంగు వచ్చిన అనంతరం గిన్నె పక్కన పెట్టుకోండి.
- కొర్రలు చక్కగా ఉడికిన తర్వాత వేడివేడి పాలు పోసి కలుపుతూ ఉడికించుకోవాలి.
- పాయసం కాస్త దగ్గరగా అయ్యాక కప్పు బెల్లం తరుగు వేసి లో ఫ్లేమ్లో కలుపుతూ ఉడికించుకోవాలి.
- కొర్రల పాయసం చిక్కగా మారిన తర్వాత అరచిటికెడు పచ్చకర్పూరం చేతితో కాస్త నలిపి వేసి బాగా కలపండి.
- చివరిగా అరటీస్పూన్ యాలకుల పొడి వేసి మిక్స్ చేసి పాయసం పక్కన పెట్టుకోవాలి.
- ఇప్పుడు స్టవ్పై కడాయి పెట్టి 2 టేబుల్స్పూన్లు నెయ్యి వేసి కరిగించుకోవాలి.
- వేడివేడి నెయ్యిలో కిస్మిస్, బాదం, జీడిపప్పు వేసి ఫ్రై చేయండి. డ్రై ఫ్రూట్స్ చక్కగా వేగిన తర్వాత పాయసంలో వేసి బాగా కలపండి.
- అంతే ఇలా సింపుల్గా ప్రిపేర్ చేసుకుంటే కమ్మని కొర్రల పాయసం మీ ముందుంటుంది.
- ఈ కొర్రల పాయసం వేడిగా తిన్నా, చల్లారిన తర్వాత తిన్నా ఎంతో రుచిగా ఉంటుంది.
- టేస్టీ అండ్ హెల్దీ కొర్రల పాయసం తయారీ విధానం నచ్చితే మీరు ఓసారి ఇంట్లో ఇలా ప్రయత్నించండి.
క్యాటరింగ్ స్టైల్ "గోబీ 65" - స్పైసీ టేస్ట్తో కరకరలాడుతూ భలే రుచిగా ఉంటుంది!
కరకరలాడే "కొబ్బరి పాల అప్పాలు" - కారం లేకుండా ఇలా చేయండి - పిల్లలు ఇష్టంగా తింటారు!
