క్రంచీ "బియ్యప్పిండి అప్పడాలు" - ఎక్కువ శ్రమ లేకుండా ఈజీగా పెట్టుకోవచ్చు - టేస్ట్​ అదుర్స్​!

Easy Rice Flour Papad Recipe : "అప్పడం" - పప్పు, చారు, పెరుగన్నంలో సైడ్​ డిష్​గా నంజుకొని తినడానికి సూపర్​ కాంబినేషన్​. కేవలం అన్నంలోకి మాత్రమే కాదు ఈవెనింగ్​ స్నాక్స్​గా కూడా వీటిని తినొచ్చు. అందుకే సమ్మర్​ వచ్చిందంటే మెజార్టీ అమ్మలు ఎక్కువ మొత్తంలో అప్పడాలు తయారు చేసి ఏడాదంతా స్టోర్ చేసుకుంటుంటారు. అయితే, వీటిని తయారు చేయడం వచ్చిన వారు పెద్దగా ఇబ్బంది పడరు. కానీ రానివారు ఇంట్లో అప్పడాలు చేయడమంటే చాలా పెద్ద ప్రాసెస్​గా భావిస్తుంటారు. కానీ అలాంటి వారు కూడా చాలా సింపిల్​గా, నిమిషాల్లో వీటిని ప్రిపేర్​ చేసుకోవచ్చు. పైగా ఎవరి సహాయం లేకుండా ఒక్కరే చాలా ఈజీ​గా బియ్యప్పిండితో అప్పడాలు చేసుకోవచ్చు. మరి, తేలికగా, కరకరలాడుతూ ఉండే అప్పడాలను ఇంట్లోనే సులభంగా ఎలా ప్రిపేర్ చేసుకోవాలో ఇప్పుడు చూద్దాం.

Rice Flour (Getty Images)

కావాల్సిన పదార్థాలు:

• బియ్యప్పిండి - 1 కప్పు
• నీళ్లు - 8 కప్పులు
• జీలకర్ర - అర టీ స్పూన్​
• రెడ్​ చిల్లీ ఫ్లేక్స్​ - 1 టీ స్పూన్​
• కొత్తిమీర తరుగు - కొద్దిగా
• ఉప్పు - రుచికి సరిపడా

Rice Flour Papad (ETV Bharat)

తయారీ విధానం:

• స్టవ్​ ఆన్​ చేసి మందపాటి గిన్నె పెట్టి అందులో సుమారు 6 కప్పుల వరకు నీళ్లు పోసుకోవాలి.
• పిండి ఏ కప్పుతో అయితే తీసుకున్నామో, అదే కప్పు కొలతతో నీళ్లు తీసుకోవాలి.
• ఆ నీటిలో జీలకర్ర, ఉప్పు, చిల్లీ ఫ్లేక్స్​, కొత్తిమీర తరుగు వేసి కలిపి మరిగించాలి.
• ఈలోపు మరో గిన్నెలోకి బియ్యప్పిండి తీసుకోవాలి. అందులోకి మిగిలిన నీళ్లు అంటే రెండు కప్పుల నీరు పోసి ఉండలు లేకుండా కలుపుకోవాలి.
• నీరు మరుగుతున్నప్పుడు సిమ్​లో పెట్టి బియ్యప్పిండి మిశ్రమాన్ని కొద్దికొద్దిగా పోసుకుంటూ ఉండలు కట్టకుండా మిక్స్​ చేసుకోవాలి.
• మధ్యమధ్యలో కలుపుతూ సుమారు 5 నుంచి 8 నిమిషాలు పిండిని ఉడికించాలి. పిండి ఉడికి కొంచెం చిక్కగా మారిన తర్వాత స్టవ్​ ఆఫ్​ చేసి పక్కన ఉంచాలి.

Rice Papad (ETV Bharat)

• ఈలోపు మేడ మీద తడిపిన కాటన్​ క్లాత్​ సెట్​ చేసుకోవాలి. ఓసారి పిండిని కలిపి చిన్న స్పూన్​ లేదా గరిటె సాయంతో కొద్దిగా తీసుకుని క్లాత్​ మీద వేసి లైట్​గా స్ప్రెడ్​ చేసుకోవాలి. మరీ పల్చగా చేసుకోకూడదు. అప్పడాల సైజ్​లో పిండిని వేసుకోవాలి. ఇలా పిండి మొత్తాన్ని అప్పడాలుగా పెట్టుకోవాలి. క్లాత్​ లేదనుకుంటే ప్లాస్టిక్​ షీట్​ కూడా ఉపయోగించవచ్చు. అయితే ప్లాస్టిక్​ మీద పిండిని వేసేటప్పుడు అది గోరువెచ్చగా ఉండాలనే విషయం గుర్తుంచుకోవాలి.
• ఇలా పెట్టుకున్న అప్పడాలను ఎండకు బాగా ఆరబెట్టాలి. అస్సలు మెత్తగా ఉండకూడదు.
• పూర్తిగా ఎండిన తర్వాత క్లాత్​ నుంచి తీసేసుకోవాలి. అందుకోసం క్లాత్​ వెనకవైపు కొంచెం తడి చేసుకుంటూ ఓ ప్లేట్​లోకి తీసుకోవాలి.
• ఇలా అన్నీ తీసిన తర్వాత మరో రోజు ఎండలో ఆరబెట్టాలి. పూర్తిగా ఎండిన వీటిని తేమ లేని, గాలి చొరబడని డబ్బాలో స్టోర్​ చేసుకుంటే సరి. ఎంతో క్రంచీగా ఉండే అప్పడాలు రెడీ. వీటిని సంవత్సరం వరకు నిల్వ చేసుకోవచ్చు.
• బాగా ఎండిన అప్పడాలను ఎన్ని కావాలో అన్ని ఓ ప్లేట్​లోకి తీసుకుని బాగా కాగే నూనెలో వేసి వేయించుకుంటే సరి. నచ్చితే మీరూ ఓసారి ట్రై చేయండి.

Rice Papad (ETV Bharat)

చిట్కాలు:

• బియ్యప్పిండి మార్కెట్లో కొన్నదానికంటే ఇంట్లో తయారు చేసినది వాడితే మంచిది. మరీ ముఖ్యంగా రేషన్​ బియ్యంతో తయారైన పిండి వాడితే అప్పడాలు రుచిగా వస్తాయి.
• అప్పడాలను ఒకేసారి ఎక్కువ మొత్తంలో కాకుండా ఓ కప్పు కొలతతో చేసుకోవాలి. ఎందుకంటే అధిక మొత్తంలో చేసినప్పుడు సరిగ్గా కుదరకపోతే పిండి మొత్తం వేస్ట్​ అవుతుంది. కాబట్టి ముందుగా తక్కువ మొత్తంలో చేసుకుని పర్ఫెక్ట్​ అనిపిస్తే ఎక్కువ మొత్తంలో చేసుకోవచ్చు.
• జీలకర్ర, చిల్లిఫ్లేక్స్​, కొత్తిమీర వంటివన్నీ వద్దనుకుంటే నార్మల్​గా నీళ్లు మరుగుతున్నప్పుడు బియ్యప్పిండి, ఉప్పు వేసుకుని ప్లెయిన్​గా చేసుకోవచ్చు.

Rice Papad (Getty Images)

నాలుగే పదార్థాలతో అద్దిరిపోయే "బియ్యం పిండి స్వీట్" - పిల్లలకు సూపర్ ఇమ్యూనిటీ బూస్టర్ - నిమిషాల్లో రెడీ!

కందిపప్పు, చింతపండు లేకుండానే "హోటల్​ స్టైల్ ఇడ్లీ​ సాంబార్​​" - ఈ కొలతలతో చేస్తే కిర్రాక్​ టేస్ట్​!