హాఫ్​ డే స్కూల్​ నుంచి రాగానే "ఎగ్​ పకోడీ" పెట్టండి - స్నాక్స్ గోలకు ఇలా నిమిషాల్లో చెక్ పెట్టండి!

- బడి నుంచి వచ్చే పిల్లలకోసం అప్పటికప్పుడు ప్రిపేర్ చేయొచ్చు!

How to Make Egg Pakoda : పిల్లలు ఉంటే ఇల్లు ఎంతో సందడిగా ఉంటుంది. అయితే ఇది నాణేకి ఒకవైపు మాత్రమే! రెండోవైపు ఇల్లుపీకి పందిరి వేయడంతోపాటు స్నాక్స్ కోసం నానా రభస చేస్తుంటారు. ఇలాంటప్పుడు వీళ్లను డీల్ చేయడం అమ్మలకు సవాల్​గా ఉంటుంది. అందుకే మీకోసం ఈ సూపర్ ఫాస్ట్ రెసిపీ తీసుకొచ్చాం. పిల్లలు అలా స్నాక్స్ అడగ్గానే, తల్లులు ఇలా వెంటనే ప్రిపేర్ చేసేయొచ్చు. ఇంకా అద్భుత టేస్ట్​తో అందరూ కలిసి ఆరగించేయొచ్చు. అదే "ఎగ్ పకోడి" రెసిపీ. మరి, దాన్ని ఎలా ప్రిపేర్ చేయాలి? ఎలాంటి పదార్థాలు కావాలి? అన్నది ఇప్పుడు చూద్దాం.

Egg Pakoda (ETV Bharat)

తయారీ విధానం:

• కోడిగుడ్లు - 5
• బియ్యప్పిండి - 3 టేబుల్​ స్పూన్లు
• శనగపిండి - అర కప్పు
• పచ్చిమిర్చి - 3
• ఉల్లిపాయలు - 3
• స్ప్రింగ్​ ఆనియన్స్​ - కొద్దిగా
• కొత్తిమీర తరుగు - కొద్దిగా
• కారం - అర టీ స్పూను
• పసుపు - చిటికెడు
• జీలకర్ర - ఒక స్పూను
• ధనియాల పొడి - 1 టీ స్పూన్​
• వాము - అర టీ స్పూన్​
• అల్లం వెల్లుల్లి పేస్ట్​ - 1 టీ స్పూన్​
• కరివేపాకు - కొద్దిగా
• ఉప్పు - రుచికి సరిపడా
• సోడా ఉప్పు - చిటికెడు
• వేయించడానికి సరిపడా - ఆయిల్

Eggs (Getty Images)

తయారీ విధానం:

• ఉల్లిపాయలను సన్నగా, పొడుగ్గా కట్​ చేసుకోవాలి. పచ్చిమిర్చి, కొత్తిమీర, కరివేపాకు, స్ప్రింగ్​ ఆనియన్స్​ను సైతం సన్నగా తరిగిన పక్కన ఉంచాలి.
• ఓ బౌల్​లోకి కోడిగుడ్లు పగలగొట్టి తీసుకోవాలి. వీటిని సుమారు 5 నుంచి 10 నిమిషాల పాటు బీట్​ చేసుకోవాలి.
• ఆ తర్వాత అందులోకి శనగపిండి, బియ్యప్పిండి మరో 5 నిమిషాలు కలుపుకోవాలి. అనంతరం ఉల్లిపాయ, పచ్చిమిర్చి, స్ప్రింగ్​​ ఆనియన్స్​, కరివేపాకు, కొత్తిమీర, జీలకర్ర, కారం, పసుపు, ఉప్పు, వాము, ధనియాల పొడి, సోడా ఉప్పు, అల్లం వెల్లుల్లి పేస్ట్​ వేసి పకోడీలకు సరిపడే విధంగా బాగా కలిపి ఓ 5 నిమిషాలు పక్కన పెట్టాలి.

Egg Pakoda (ETV Bharat)

• పిండిలో బియ్యప్పిండి కలపడం వల్ల క్రిస్పీగా వస్తాయి. ఒకవేళ పిండి ఏమైనా లూజుగా అనిపిస్తే మరికొంచెం శనగపిండి కలుపుకోవచ్చు. అలాగే నీళ్లు కావాల్సి వస్తే లైట్​గా చిలకరించుకోవాలి.
• ఈలోపు స్టవ్​ ఆన్​ చేసి కడాయి పెట్టి డీప్​ఫ్రైకి సరిపడా నూనె పోసి వేడి చేసుకోవాలి. ఆయిల్​ కాగిన తర్వాత కలుపుకున్న పిండిని కొద్దికొద్దిగా తీసుకుంటూ పకోడీలుగా వేసుకోవాలి.
• గరిటెతో కలుపుతూ రెండు వైపులా ఎర్రగా కాల్చుకోవాలి. ఇలా పిండి మొత్తాన్ని పకోడీలుగా వేసుకుని ఫ్రై చేసుకోవాలి.
• వీటిని ఓ ప్లేట్​లోకి తీసుకుని టమాటా కెచప్​ లేదా గ్రీన్​ చట్నీతో సర్వ్​ చేసుకుంటే సూపర్​ టేస్టీ అండ్​ క్రిస్పీ ఎగ్​ పకోడీ రెడీ. నచ్చితే మీరూ ట్రై చేయండి.

Besan Flour (Getty Images)

టిప్స్​:

• ఎగ్స్​ను ఎంత ఎక్కువ సేపు బీట్​ చేసుకుంటే పకోడీలు అంత టేస్టీగా వస్తాయి.
• క్యారెట్​, క్యాప్సికం తురుము కూడా వేసుకుని పకోడీలు చేసుకోవచ్చు.