ఎండుమిర్చి నానబెట్టి, ఉల్లిపాయలు మిక్సీ పట్టి - ఇలా "కోడిగుడ్డు గ్రేవీ" కర్రీ చేసుకోండి! - టేస్ట్ అద్భుతం!

Different Style Egg Gravy Curry in Telugu : కోడిగుడ్డుతో ఎలాంటి వంటకాలు చేసినా పిల్లల నుంచి పెద్దల వరకు అందరూ చాలా ఇష్టంగా తింటారు. ఈ క్రమంలోనే మెజార్టీ పీపుల్ త్వరగా అయిపోతుందని ఆమ్లెట్, ఎగ్ బుర్జీని చేసుకుంటుంటారు. మరికొందరు మాత్రం చిక్కని గ్రేవీతో 'గుడ్డు పులుసు' చేసుకుంటారు. అయితే, ఎప్పుడు ఒకేలా​ కాకుండా ఈసారి న్యూ స్టైల్​లో "ఎగ్ గ్రేవీని" ట్రై చేయండి. గ్రైండ్ చేసుకున్న ఉల్లిపాయ మిశ్రమంతో చేసుకునే ఈ కర్రీ రుచి మైమరిపించేలా ఉంటుంది. అన్నం, జీరా రైస్, బిర్యానీ, బగారా రైస్, చపాతీ, రోటీ ఇలా దేనిలోకైనా సైడ్​ డిష్​గా అద్దిరిపోతుంది. ఒకసారి తింటే ఎప్పుడూ ఇదే పద్ధతిలో చేసుకోవడానికి ఇంట్రెస్ట్ చూపిస్తారు. మరి, లేట్ చేయకుండా అందుకు కావాల్సిన పదార్థాలు, తయారీ విధానంపై ఇప్పుడు ఓ లుక్కేద్దాం.

Eggs (ETV Bharat)

కావాల్సిన పదార్థాలు :

ఉల్లిపాయ పేస్ట్ కోసం :

• ఎండుమిర్చి - 10
• అల్లం - అంగుళం ముక్క
• వెల్లుల్లి రెబ్బలు - ఆరు
• మీడియం సైజ్ ఉల్లిపాయలు - రెండు
• జీడిపప్పు పలుకులు - పది
• పుదీనా - కొద్దిగా
• కొత్తిమీర - కొద్దిగా
• పెద్ద సైజ్ టమాటా - ఒకటి

ఎగ్స్ వేయించడం కోసం :

1. బాయిల్డ్ ఎగ్స్ - ఐదు
2. నూనె - రెండుటీస్పూన్లు
3. పసుపు - పావుటీస్పూన్
4. కారం - అరటీస్పూన్
5. ఉప్పు - అరటీస్పూన్

మిలిటరీ స్టైల్​ "చికెన్ ఫ్రై" - ముక్క మిగల్చకుండా తినేస్తారు!

Egg Gravy Curry (ETV Bharat)

తయారీ విధానం :

• ఈ డిఫరెంట్ స్టైల్ ఎగ్ కర్రీ ప్రిపరేషన్ కోసం ముందుగా ఒక గిన్నెలో కొద్దిగా నీళ్లు తీసుకొని అందులో ఎండుమిర్చిని వేసి కొద్దిసేపు నాననివ్వాలి.
• ఆలోపు స్టవ్ మీద పాన్ పెట్టుకొని ఆయిల్ వేసి వేడి చేసుకోవాలి. నూనె లైట్​గా వేడయ్యాక బాయిల్డ్ ఎగ్స్, పసుపు, ఉప్పు, కారం వేసుకొని గుడ్లు కొద్దిగా రంగు మారే వరకు లో ఫ్లేమ్​లో వేయించుకొని ఒక ప్లేట్​లోకి తీసుకోవాలి.

Egg Gravy Curry (ETV Bharat)

• అనంతరం అదే పాన్​లో మరో టేబుల్​స్పూన్ నూనె వేసుకొని వేడి చేసుకోవాలి. ఆయిల్ కాస్త వేడయ్యాక అల్లం ముక్కలు, పొట్టు తీసిన వెల్లుల్లి రెబ్బలు, సన్నగా కట్ చేసుకున్న ఉల్లిపాయ ముక్కలు, జీడిపప్పు పలుకులు వేసి ఆనియన్స్ కాస్త మెత్తబడే వరకు వేయించుకోవాలి.
• ఆవిధంగా వేయించుకున్నాక అందులో పుదీనా, కొత్తిమీర వేసుకొని వాటిని కాసేపు వేయించాలి. అవి వేగిన తర్వాత టమాటా ముక్కలు వేసుకొని సాఫ్ట్​గా అయ్యేంత వరకు మగ్గించుకోవాలి.
• మిశ్రమం మొత్తం చక్కగా వేగిన తర్వాత స్టవ్ ఆఫ్ చేసుకొని దాన్ని చల్లారనివ్వాలి.
• అనంతరం మిక్సీ జార్ తీసుకొని అందులో చల్లారిన ఉల్లిపాయ మిశ్రమం, నానబెట్టుకున్న ఎండుమిర్చి, కొద్దిగా మిర్చి నానబెట్టిన వాటర్​ని పోసుకొని మెత్తగా గ్రైండ్ చేసుకొని పక్కనుంచాలి. ఇప్పుడు కర్రీని ప్రిపేర్ చేసుకోవాలి.

Egg Gravy Curry (ETV Bharat)

కర్రీ కోసం :

• నూనె - 4 టేబుల్​స్పూన్లు
• బిర్యానీ ఆకు - ఒకటి
• లవంగాలు - నాలుగు
• యాలకులు - రెండు
• దాల్చినచెక్క - అంగుళం ముక్క
• షాజీరా - అరటీస్పూన్
• పసుపు - పావుటీస్పూన్
• ధనియాల పొడి - ఒకటీస్పూన్
• జీలకర్ర పొడి - అరటీస్పూన్
• గరంమసాలా - అరటీస్పూన్
• ఉప్పు - రుచికి సరిపడా
• కసూరి మేతి - ఒక టీస్పూన్
• ఫ్రెష్ క్రీమ్ - రెండు టేబుల్​స్పూన్లు

"మామిడికాయ పప్పు" చేసుకునే అసలైన పద్ధతి ఇదే! - ఇలా చేస్తే కమ్మని సువాసనతో నోరూరిస్తుంది!

Onion Paste (ETV Bharat)

• ఇందుకోసం స్టవ్ మీద పాన్ పెట్టుకొని నూనె వేసుకోవాలి. ఆయిల్ ​కాస్త కాగిన తర్వాత బిర్యానీ ఆకు, దాల్చినచెక్క, లవంగాలు, యాలకులు, షాజీరా వేసుకొని లో ఫ్లేమ్​లో వేయించాలి.
• మసాలా దినుసులు లైట్​గా వేడయ్యాక ముందుగా గ్రైండ్ చేసుకున్న ఉల్లిపాయ మిశ్రమాన్ని వేసుకొని లో టూ మీడియం ఫ్లేమ్​లో కంటిన్యూస్​గా కలుపుతూ అందులో నుంచి ఆయిల్ సెపరేట్ అయ్యేంత వరకు ఉడికించుకోవాలి.
• ఆ మిశ్రమం బాగా వేగి ఆయిల్ సెపరేట్ అవుతున్నప్పుడు పసుపు, ధనియాల పొడి, జీలకర్ర పొడి, గరంమసాలా వేసుకొని అవన్నీ చక్కగా కలిసేలా కలుపుకోవాలి.

Different Style Egg Gravy Curry (ETV Bharat)

• తర్వాత అందులో గ్రేవీకి సరిపడా వాటర్(ఒక గ్లాసు) పోసుకొని, రుచికి తగింత ఉప్పు వేసి అంతా బాగా కలిసేలా మిక్స్ చేసుకోవాలి.
• ఆపై మూతపెట్టి మీడియం ఫ్లేమ్​లో రెండుమూడు నిమిషాల పాటు ఉడికించాలి. అనంతరం వేయించి పక్కనుంచిన ఎగ్స్​, కసూరి మేతి, ఫ్రెష్ క్రీమ్ వేసుకొని మరోసారి మొత్తం కలిసేలా బాగా కలిపి మూతపెట్టి లో ఫ్లేమ్​లో ఇంకో నాలుగు నిమిషాలు ఉడికించుకోవాలి.
• కర్రీ చక్కగా ఉడికి ఆయిల్ సెపరేట్ అవుతున్నప్పుడు చివర్లో కొత్తిమీర తరుగు వేసుకొని కలిపి దింపేసుకుంటే చాలు. అంతే, ఎంతో రుచికరంగా ఉండే న్యూ స్టైల్ "ఎగ్ గ్రేవీ కర్రీ" రెడీ!

Egg Gravy Curry Recipe (ETV Bharat)

టిప్స్ :

• ఎండుమిర్చిని నార్మల్​ వాటర్​లో కాకుండా వేడి నీటిలో నానబెట్టుకుంటే పదినిమిషాల్లో చక్కగా నానుతాయి. అదే, చల్లని నీటిలో అయితే కాస్త ఎక్కువసేపు నానబెట్టుకోవాలి.
• ఉల్లిపాయ మిశ్రమం పేస్ట్​ని వేయించేటప్పుడు అడుగంటకుండా కంటిన్యూస్​గా కలుపుతూ నూనె సెపరేట్ అయ్యే వరకు వేయించాలి.
• ఈ రెసిపీలో ఫ్రెష్ క్రీమ్ వేయడం ద్వారా టేస్ట్ చాలా బాగుంటుంది. ఇది లేకపోతే పాల మీద మీగడ వేసుకున్నా కర్రీ మంచి రుచికరంగా వస్తుంది.

ఘుమఘుమలాడే "చింతచిగురు ఎండురొయ్యల కూర" - ఇలా చేశారంటే రుచి అద్భుతం!