How to Make Dharakshi at Home : నోట్లో వేసుకోగానే కరకరలాడుతుంది. ఒక బైట్ తర్వాత జ్యూసీగా ఉంటుంది. సూపర్ టేస్టీగా ఉంటుంది. అదే మన "ధారాక్షి స్వీట్". కేవలం పెసరపప్పుతో చేసే ఈ రెసిపీ, స్వీట్ లవర్స్ను మెస్మరైజ్ చేస్తుంది. ఫెస్టివల్స్ టైమ్లో, ఏదైనా స్పెషల్ డేస్లో సూపర్ ఆప్షన్. జంతికల మాదిరిగా రకరలాడే ఈ స్వీట్, మీ హ్యాపీ మూడ్ను డబుల్ చేస్తుంది. మరి, దీన్ని ఎలా ప్రిపేర్ చేయాలో ఇప్పుడు చూద్దాం.
కావాల్సిన ఇంగ్రీడియంట్స్ :
- పెసరపప్పు - ఒక కప్పులో 3 వంతులు
- మిన పప్పు - మిగిలిన 1 వంతు
- పంచదార - 2 కప్పులు
- నీరు - ఒకటిన్నర కప్పులు
- యాలకుల పొడి - పావు స్పూన్
- నిమ్మరసం - అర చెక్క
- ఫుడ్ కలర్ - (ఆప్షనల్)
- ఉప్పు - తగినంత
పాలు, షుగర్ లేకుండా "రవ్వ లడ్డూ" తయార్ - ఇదే ఈ రెసిపీ సీక్రెట్! - అమ్మా ఇంకో లడ్డూ అంటారు!
తయారీ విధానం:
- ముందుగా ఒక బౌల్లోకి పెసరపప్పు, మినప గుళ్ళు తీసుకొని శుభ్రంగా కడగాలి.
- ఈ పప్పులను ఫ్రెష్ నీళ్లలో పోసి కనీసం 6 గంటల పాటు నానబెట్టాలి. పప్పులు ఎంత బాగా నానితే పిండి అంత మెత్తగా వస్తుంది.
- ఇప్పుడు నానిన పప్పుల్లోని నీటిని వంపి, గ్రైండ్ చేసుకోవాలి. స్పూన్తో కొద్ది కొద్దిగా నీళ్లు పోస్తూ మెత్తగా రుబ్బుకోవాలి.
- పిండి పలుచగా ఉండకూడదు. గట్టిగానే ఉండాలి.
- ఇప్పుడు గ్రైండ్ చేసుకున్న పిండిని గిన్నెలోకి తీసుకొని, ఉప్పు వేసి మిక్స్ చేసి పక్కన పెట్టుకోండి.
చక్కెర పాకం తయారీ:
- ఒక గిన్నెను స్టవ్ మీద పెట్టి, అందులో చక్కెర, వాటర్ వేయండి. స్టౌ మీడియంలో ఉంచాలి.
- చక్కెర పూర్తిగా కరిగి, పాకం కొంచెం బంకగా వచ్చే వరకు ఉంచాలి.
- మరీ తీగ పాకం అవసరం లేదు. చేతికి బంకగా అంటుకుంటే సరిపోద్ది.
- పాకం ఓకే అనుకున్న తర్వాత యాలకుల పొడి, అర చెక్క నిమ్మరసం పిండి, దింపి పక్కన పెట్టుకోవాలి.
స్వీట్ తయారీ :
- ఇప్పుడు డీప్ ఫ్రై కోసం ఒక పెద్ద కడాయి స్టౌ మీద పెట్టి, కావాల్సినంత నూనె పోసి వేడి చేయాలి.
- ఆ తరువాత, ఒక పాల ప్యాకెట్ వంటి ప్లాస్టిక్ కవర్ ఒకటి తీసుకుని, దానికి ఒకవైపు చివరన కాస్తంత రంధ్రం చేసుకోవాలి. ఈ రంధ్రం నుంచే పిండిని నూనెలో వేయాల్సి ఉంటుంది. (మరో వైపు నుంచి పిండిని కవర్లోకి వేసుకోవాలి.)
- మంటను మీడియంలోనే ఉంచి, జంతికల ముక్కల మాదిరిగా చిన్న రంధ్రం నుంచి పిండిని నూనెలో వేయాలి.
- అలా వేసిన పిండి గోల్డెన్ కలర్లోకి మారేంత వరకు వేయించాలి. వేగిన వాటిని తీసి వెంటనే వేడిగా ఉన్న చక్కెర పాకంలో వేసుకోవాలి.
- దాదాపు 5 నిమిషాలు ఆ పాకంలో ఉంచితే అవి పాకాన్ని బాగా పీల్చుకుంటాయి.
- ఒకవేళం పాకం మధ్యలో చల్లారితే మరోసారి వేడి చేసుకొని, మిగిలిన స్వీట్ మొత్తాన్ని ఇలా తయారు చేసుకోవాలి.
- అంతే, పైన కరకరలాడుతూ, లోపల జ్యూసీగా ఉండే "ధారాక్షి స్వీట్" రెడీ అయిపోతుంది. నచ్చితే తప్పకుండా ట్రై చేయండి.
వయసొచ్చిన అమ్మాయిలు, పీరియడ్స్లో స్త్రీలు తప్పక తినాల్సిన "సున్ని సంగటి" - పాతకాలంలో ఇదే తినేవారు!
