Make Delicious Coconut Sweet at Home : నేటి రోజుల్లో అంటే స్వీట్ షాప్స్ అందుబాటులో ఉన్నాయి. అందులో రకరకాల స్వీట్స్ దొరుకుతున్నాయి. కానీ, 90స్ టైమ్లో అలాంటివేమి లభించేవి కాదు. విలేజ్లలో ఇంటి వద్దే సింపుల్గా, హెల్దీగా కొన్ని రకాల స్వీట్స్ తయారు చేసుకునేవారు. అలాంటి వాటిలో "కొబ్బరి మిఠాయి" రెసిపీ ఒకటి. చాలా ఈజీగా ప్రిపేర్ చేసుకునే ఈ స్వీట్ ఎంతో మధురంగా ఉంటుంది. ఆ పద్ధతిలో ఒకసారి చేస్తే నేటి తరం పిల్లలు కూడా ఎంతో ఇష్టంగా తింటారు. పైగా దీని తయారీకి ఎక్కువ పదార్థాలు అవసరం లేదు. ఇంట్లో ఉండే వాటితో చాలా క్విక్గా 10 నుంచి 15 నిమిషాల్లోనే రెడీ చేసుకోవచ్చు. మరి, ఈ సింపుల్ అండ్ టేస్టీ మిఠాయిని ఎలా చేసుకోవాలో ఇప్పుడు చూద్దాం.
ఈ టిప్స్తో పర్ఫెక్ట్ టేస్ట్ :
- ఈ మిఠాయికి బాగా ముదిరిన కొబ్బరికాయ అయితేనే టేస్ట్ బాగుంటుంది.
- అలాగే, కొబ్బరి ముక్కలను కట్ చేసుకునేటప్పుడు ఒకటి మందంగా, మరొకటి పల్చగా కాకుండా అన్ని ఒకే థిక్నెస్ ఉండేలా కట్ చేసుకోవాలి.
- ఇక్కడ ఒక కప్పు కొబ్బరి ముక్కలకు కప్పు పంచదార సరిపోతుంది.
- మీరు కావాలనుకుంటే ఈ రెసిపీని పంచదారకు బదులుగా బెల్లంతో కూడా చేసుకోవచ్చు.
- అలాగే, ఈ మిఠాయికి మీరు పచ్చికొబ్బరిని ముక్కలుగా కట్ చేసి వేసుకోవడమే కాకుండా తురిమి కూడా వేసుకోవచ్చు.
కావాల్సిన ఇంగ్రీడియంట్స్ :
- నెయ్యి - 1 టేబుల్స్పూన్
- సన్నని పచ్చికొబ్బరి ముక్కలు - 1 కప్పు
- పంచదార - ఒక కప్పు
- యాలకుల పొడి - పావుటీస్పూన్
పిల్లలు స్వీట్ అడిగితే - ఇలా "తియ్యటి పూరీలు" చేసి పెట్టండి! - కనీసం 15 రోజులు నిల్వ!
తయారీ విధానం :
- ఇందుకోసం ముందుగా స్టవ్ మీద పాన్ పెట్టి నెయ్యి వేసుకోవాలి. అది కరిగి కాస్త వేడయ్యాక సన్నగా కట్ చేసుకున్న పచ్చికొబ్బరి ముక్కలు వేసి మీడియం ఫ్లేమ్ మీద రెండు మూడు నిమిషాల పాటు కలుపుతూ వేయించుకోవాలి.
- కొబ్బరి ముక్కలు కొంచం వేగిన తర్వాత అందులో పంచదార, అర కప్పు నీళ్లు యాడ్ చేసుకొని మీడియం ఫ్లేమ్ మీద కలుపుతూ ఉడికించుకోవాలి.
- పాకం ఉడికి నురగలు రావడం స్టార్ట్ అయ్యాక యాలకుల పొడి వేసి ఒకసారి కలుపుకోవాలి.
- ఆ తర్వాత పాకం వచ్చిందో లేదో నీళ్లలో వేసి చెక్ చేసుకోవాలి. పాకం అనేది పర్ఫెక్ట్గా వచ్చిందని ఎలా తెలుసుకోవాలంటే, మరుగుతున్న పాకాన్ని గరిటెతో కొద్దిగా తీసుకొని ప్లేట్లో ఉన్న నీళ్లలో వేస్తే అది ఒకే చోట ఉండలా ఫామ్ అయి వాటర్లో కరిగిపోకుండా గట్టిగా ఉంటుంది.
- అలా ముదురు పాకం వచ్చే వరకు ఆ మిశ్రమాన్ని మరిగించుకోవాలి.
- సరైన పాకం వచ్చేలోపు ఫ్లాట్గా ఉండే ఒక ప్లేట్ మీద నూనె లేదా నెయ్యి రాసుకొని పక్కనుంచాలి.
- ఇప్పుడు పర్ఫెక్ట్ పాకం వచ్చాక స్టవ్ ఆఫ్ చేసుకొని ఆ మిశ్రమాన్ని వెంటనే నెయ్యి రాసుకున్న ప్లేట్లో పోసి పాకం అంతటికి కొబ్బరి ముక్కలు వచ్చేలా గరిటెతో సర్దుకోవాలి.
- పాకం చాలా త్వరగా బిగుసుకుపోతుంది కాబట్టి ఫాస్ట్గా కొబ్బరి ముక్కలను పాకం మొత్తం వచ్చేలా సరిచేసుకోవాలి.
- అనంతరం దాన్ని పూర్తిగా చల్లారే వరకు అరగంట పాటు పక్కనుంచాలి.
- చల్లారిన తర్వాత మిఠాయి ఈజీగా రావడానికి ఒక క్షణం పాటు ప్లేట్ని స్టవ్ మీద ఉంచి వేడి చేస్తే సరిపోతుంది.
- అనంతరం ఆ మిఠాయి చెక్కను చిన్న చిన్న ముక్కలుగా కట్ చేసుకొని సర్వ్ చేసుకుంటే చాలు. అంతే, కమ్మని నోరూరించే 90స్ స్పెషల్ "కొబ్బరి మిఠాయి"మీ ముందు ఉంటుంది!
- దీన్ని ఎయిర్టైట్ డబ్బాలో స్టోర్ చేసుకున్నారంటే కనీసం వారం రోజుల పాటు తాజాగా నిల్వ ఉంటుంది!
బియ్యం, బెల్లంతో అరిసెలను తలదన్నే "స్వీట్" - పాకం లేకుండానే ఈజీగా చేసుకోండిలా!
బూందీ గరిటె లేకుండానే - పావుగంటలో కమ్మని "మోతీచూర్ లడ్డూలు"! - సూపర్ సాఫ్ట్ అండ్ కిర్రాక్ టేస్ట్!
