సండే స్పెషల్​ "చికెన్​ కర్రీ" - ఇలా చేస్తే "గరం మసాలా" అవసరం లేదు - టేస్ట్​ వేరే లెవల్​!

Chicken Curry Recipe: సండే వచ్చిందంటే లంచ్​ లేదా డిన్నర్​లోకి నాన్​వెజ్​ ఉండాల్సిందే. అందులోనూ చికెన్​ అంటే పిల్లల నుంచి పెద్దల వరకూ ఇష్టంగా తినేస్తారు. ఈ క్రమంలోనే చికెన్ కర్రీనే వివిధ రుచుల్లో ట్రై చేస్తుంటారు. అలాంటి వారి కోసమే ఈ సండే ఒక ప్రత్యేకమైన చికెన్ కర్రీని మీ ముందుకు తీసుకువచ్చాం. చాలా తక్కువ మసాలాలతో, ఘుమఘుమలాడే వాసనతో తయారు చేసే ఈ కూరతో ఎంత తింటున్నామో తెలియకుండా తినేస్తారు. ఈ కూర అన్నం, చపాతీ, పూరీ, బగారా వంటి వాటిల్లోకి పర్ఫెక్ట్​గా సూట్​ అవుతుంది. బ్యాచిలర్స్​ కూడా చాలా సింపుల్​గా, టేస్టీగా ప్రిపేర్​ చేస్తుంటారు. మొదటిసారి చేసినా పర్ఫెక్ట్​గా వస్తుంది. మరి లేట్​ చేయకుండా చికెన్​ కర్రీ ఎలా చేసుకోవాలో చూసేయండి.

Chicken (Getty Images)

కావాల్సిన పదార్థాలు:

• చికెన్​ - 1 కేజీ
• నూనె - 4 టేబుల్​స్పూన్లు
• జీలకర్ర - అర టీస్పూన్​
• ఉల్లిపాయలు - 2
• పచ్చిమిర్చి - 3
• అల్లం వెల్లుల్లి పేస్ట్​ - 2 టేబుల్​స్పూన్లు
• పసుపు - అర టీస్పూన్​
• ఉప్పు - సరిపడా
• కారం- తగినంత
• ధనియాల పొడి - 1 టేబుల్​స్పూన్​
• కసూరీ మేథీ - కొద్దిగా
• కొత్తిమీర తరుగు - కొద్దిగా

Chicken Curry Recipe (ETV Bharat)

తయారీ విధానం:

• చికెన్​ను ఓ గిన్నెలోకి తీసుకుని రెండుమూడుసార్లు శుభ్రంగా కడిగి నీళ్లు లేకుండా పూర్తిగా వంపేసి పక్కన పెట్టాలి.
• కూరలోకి అవసరమయ్యే ఉల్లిపాయలను పొడుగ్గా, సన్నగా కట్​ చేసుకోవాలి. అలాగే పచ్చిమిర్చి పొడుగ్గా చీల్చి ముక్కలుగా కట్​ చేసుకోవాలి.

Chicken Curry Recipe (ETV Bharat)

• స్టవ్​ ఆన్​ చేసి అడుగు మందంగా వెడల్పుగా ఉన్న గిన్నె పెట్టి నూనె పోసుకోవాలి. నూనె వేడెక్కాక జీలకర్ర వేసి చిటపటలాడించాలి.
• జీలకర్ర వేగిన తర్వాత ఉల్లిపాయలు, పచ్చిమిర్చి వేసి మీడియం ఫ్లేమ్​లో లైట్​ గోల్డెన్​ కలర్​ వచ్చే వరకు వేయించాలి.
• ఇలా ఉల్లిపాయ ముక్కలు మగ్గిన తర్వాత అల్లం వెల్లుల్లి పేస్ట్​ వేసి పచ్చి వాసన పోయే వరకు మగ్గించుకోవాలి.

Chicken Curry Recipe (ETV Bharat)

• అల్లం పచ్చి వాసన పోయిన తర్వాత కడిగి పెట్టుకున్న చికెన్​ ముక్కలు వేసి కలిపి మీడియం ఫ్లేమ్​లో 5 నిమిషాలు వేయించుకోవాలి.
• ఆ తర్వాత రుచికి సరిపడా ఉప్పు వేసి కలిపి మూత పెట్టి చికెన్​ ముక్కలను నూనెలో మగ్గించుకోవాలి.
• చికెన్​లో నీరు ఊరి ముక్కలు కాస్త లైట్​గా రంగు మారిన తర్వాత పసుపు వేసి కలిపి మరికొద్దిసేపు మగ్గించుకోవాలి.

Chicken Curry Recipe (ETV Bharat)

• చికెన్​ ముక్కల్లోని నీరు ఇంకిన తర్వాత రుచికి సరిపడా కారం వేసి బాగా కలిపి మూత పెట్టి లో ఫ్లేమ్​లో మగ్గించుకోవాలి.
• కారం మగ్గిన తర్వాత మీ గ్రేవీకి సరిపడా వాటర్​ పోసి కలిపి మంటను సిమ్​ టూ మీడియం ఫ్లేమ్​లో ఉంచి కూర దగ్గరపడేవరకు ఉడికించుకోవాలి.

Chicken Curry Recipe (ETV Bharat)

• సుమారు పావు గంట నుంచి 20 నిమిషాల తర్వాత మూత తీసి కలిపి ధనియాల పొడి, కసూరీ మేథీ వేసి మరో 5 నిమిషాలు కుక్​ చేసుకోవాలి.
• చికెన్​ ముక్కలు మంచిగా ఉడికి, కూర దగ్గరపడిన తర్వాత స్టవ్​ ఆఫ్​ చేయాలి. కొద్దిసేపటి తర్వాత సర్వ్​ చేసుకుంటే సూపర్​ టేస్టీ చికెన్​ కూర రెడీ. నచ్చితే మీరూ ట్రై చేయండి.

Chicken Curry Recipe (ETV Bharat)

చిట్కాలు:

• ఈ కూర కోసం స్కిన్​ లేదా స్కిన్​లెస్​ చికెన్​ రెండూ బాగుంటాయి. ఒకవేళ మీరు స్కిన్​ ఉన్నది ఉపయోగిస్తే కాల్చిన చికెన్​ తీసుకుంటే టేస్ట్​ బాగుంటుంది.
• స్కిన్​ ఉన్న చికెన్​ ఉపయోగిస్తే కూరలో నూనె కాస్త తగ్గించి పోసుకోవాలి. ఎందుకంటే చికెన్​ తోలు నుంచి నూనె ఊరుతుంది.
• ఉల్లిపాయలు గోల్డెన్​ కలర్​ వచ్చే వరకు మగ్గించుకోవాలి. లేదంటే కూర తియ్యగా ఉండే అవకాశం ఉంటుంది.
• చికెన్​ ముక్కలు నూనెలో మగ్గేదాన్ని బట్టే కూర రుచి ఆధారపడుతుంది. కాబట్టి ముక్కలు నూనెలో సరిగా వేగిన తర్వాత మాత్రమే కారం వేసుకుంటే మంచిది.
• మీరు తినే గ్రేవీని బట్టి నీరు పోసుకోవాలి. చిక్కగా కావాలనుకుంటే తక్కువ నీరు, పులుసుగా కావాలంటే కొంచెం ఎక్కువ నీరు పోసి ఉడికించుకోవచ్చు.

బ్యాచిలర్స్ కోసం అద్దిరిపోయే "చికెన్ ఫ్రై" - తక్కువ పదార్థాలతోనే ఘుమఘుమలాడిపోతుంది!

సరికొత్త పద్ధతిలో ఘుమఘుమలాడే "చికెన్ ఫ్రైడ్ రైస్" - బిర్యానీ టేస్ట్​తో కమ్మగా ఉంటుంది!