Best Chutney for Breakfast: టిఫెన్​ ఏదైనా అందులోకి పల్లీ చట్నీ ఉండాల్సిందే. నచ్చిన టిఫెన్​ను రుచికరమైన చట్నీలో ముంచుకుని తింటుంటే ఆ ఫీలింగ్​ వేరే లెవల్​. అయితే ఈ చట్నీలో మెయిన్​ పదార్థం పల్లీలు. మరికొందరు పల్లీ, కొబ్బరి కాంబినేషన్​తో కూడా చేస్తుంటారు. అయితే ఈ రెండూ కొందరి ఒంటికి పడవు. ఈ క్రమంలోనే టమాటా, మామిడికాయ పచ్చడితో కానిచ్చేస్తుంటారు. అయితే ఇకపై వాటితో పనిలేకుండా చాలా సింపుల్​గా చట్నీ చేసుకోవచ్చు. దీని రుచి చాలా బాగుంటుంది. టిఫెన్​ ఏదైనా ఈ చట్నీతో తింటే అద్భుతంగా ఉంటుంది. మరి లేట్​ చేయకుండా ఈ మదురై తన్నీ చట్నీ ఎలా చేసుకోవాలో చూసేయండి.

కావాల్సిన పదార్థాలు:

• నూనె - 2 టీస్పూన్లు
• ఉల్లిపాయలు - 2
• వెల్లుల్లి రెబ్బలు - 6
• పచ్చిమిర్చి - 10
• పుట్నాల పప్పు - అర కప్పు
• ఉప్పు - రుచికి సరిపడా

Madurai Thanni Chutney (ETV Bharat)

తాలింపు కోసం:

• నూనె - 1 టేబుల్​స్పూన్లు
• ఆవాలు - అర టీస్పూన్​
• మినప్పప్పు - అర​ టీస్పూన్​
• ఎండుమిర్చి - 1
• కరివేపాకు - 2 రెమ్మలు
• చిన్న ఉల్లిపాయ - 1

Madurai Thanni Chutney (ETV Bharat)

తయారీ విధానం:

• ఉల్లిపాయను మీడియం సైజ్​లో ముక్కలుగా కట్​ చేసుకోవాలి. స్టవ్​ ఆన్​ చేసి పాన్​ పెట్టి నూనె పోసుకోవాలి.
• ఆయిల్​ హీటెక్కిన తర్వాత ఉల్లిపాయ ముక్కలు, వెల్లుల్లి రెబ్బలు, పచ్చిమిర్చి వేసి మీడియం ఫ్లేమ్​లో కలుపుతూ మగ్గించుకోవాలి.
• ఉల్లిపాయ కాస్త మగ్గిన తర్వాత స్టవ్​ ఆఫ్​ చేసి పూర్తిగా చల్లారనివ్వాలి.
• మిక్సీజార్​లోకి ఉల్లిపాయ మిశ్రమం, పుట్నాల పప్పు, రుచికి సరిపడా ఉప్పు వేసి ఓసారి గ్రైండ్​ చేసుకోవాలి.

Madurai Thanni Chutney (ETV Bharat)

• ఆ తర్వాత తగినన్ని నీళ్లు పోసుకుని వీలైనంత మెత్తగా గ్రైండ్​ చేసి పక్కన పెట్టాలి. ఈ చట్నీ కోసం తాలింపు ప్రిపేర్​ చేయాలి.
• అందుకోసం స్టవ్​ ఆన్​ చేసి కడాయి పెట్టి నూనె పోసుకోవాలి. ఆయిల్​ హీటెక్కిన తర్వాత ఆవాలు, మినప్పప్పు వేసి ఎర్రగా వేయించుకోవాలి.
• అనంతరం ఎండుమిర్చి, కరివేపాకు వేసి ఫ్రై చేసుకున్న తర్వాత సన్నగా తరిగిన చిన్న ఉల్లిపాయలు వేసి లైట్​ గోల్డెన్​ కలర్​ వచ్చే వరకు ఫ్రై చేసుకోవాలి.

Madurai Thanni Chutney (ETV Bharat)

• ఉల్లిపాయ ముక్కలు వేగిన తర్వాత గ్రైండ్​ చేసిన చట్నీ వేసుకుని బాగా కలుపుకోవాలి. ఆ తర్వాత మూడు గ్లాసుల వాటర్​ను కొద్దికొద్దిగా పోసుకుంటూ బాగా కలిపి స్టవ్​ ఆఫ్​ చేసుకోవాలి.
• ఈ చట్నీని నచ్చిన టిఫెన్​తో సర్వ్​ చేసుకుంటే సూపర్​ టేస్టీగా ఉంది. నచ్చితే మీరూ ఓసారి మదురై తన్నీ చట్నీ రెడీ చేసుకోండి.

Madurai Thanni Chutney (ETV Bharat)

చిట్కాలు:

• ఈ చట్నీ కోసం ఉపయోగించే ఉల్లిపాయలు కాస్త మెత్తబడితే సరిపోతుంది. రంగు మారే వరకు వేయించుకుంటే చట్నీ రుచి మారుతుంది.
• ఈ పచ్చడి కాస్త పల్చగా ఉంటేనే బాగుంటుంది. ఒకవేళ మీకు పల్చగా వద్దనుకుంటే నీళ్లు యాడ్​ చేయాల్సిన అవసరం లేదు.

Madurai Thanni Chutney (ETV Bharat)

పెసరట్టు వేసుకోవడం ఇప్పుడు చాలా ఈజీ! - ఇంట్లో ఈ పొడి ఉంటే చాలు - తినాలనిపించినప్పుడు వేడివేడిగా సిద్ధం!

కాల్చిన పచ్చిమామిడితో నోరూరించే "రోటి పచ్చడి" - ఇలా చేస్తే అన్నం ఓ ముద్ద ఎక్కువే తింటారు!