అరటి పండు - ఓట్స్​తో అద్దిరిపోయే "కుకీస్"! - ఓవెన్ అవసరం లేకుండానే రెడీ

Banana Oats Cookies Recipe : పిల్లలు ఇష్టంగా తినే చిరుతిళ్లలో కుకీస్ కూడా ఒకటి. అయితే, బయట షాప్స్​ లేదా బేకరీల్లో దొరికేవి అంత ఆరోగ్యకరమైనవి కాకపోవచ్చు. అందుకే, మీకోసం ఇంట్లోనే ఈజీగా ప్రిపేర్ చేసుకునే ఒక సింపుల్ కుకీస్ రెసిపీని తీసుకొచ్చాం. ఓట్స్, అరటిపండుతో చేసుకునే ఇవి మంచి రుచికరంగా ఉంటాయి. పిల్లలకు కూడా చాలా బాగా నచ్చుతాయి. అంతేకాదు, ఈ కుకీస్ ఒక్కసారి చేసుకుంటే కనీసం 15 నుంచి 20 రోజుల పాటు తాజాగా నిల్వ కూడా ఉంటాయి! పైగా ఈ కుకీస్​ని ఓవెన్ అవసరం లేకుండానే చాలా సింపుల్​గా స్టవ్ మీదనే ప్రిపేర్ చేసుకోవచ్చు. ఇందుకు అవసరమైన పదార్థాలు కూడా తక్కువే! మరి, ఈ సూపర్ టేస్టీ బనానా ఓట్స్ కుకీస్​ని ఎలా ప్రిపేర్ చేసుకోవాలో ఇప్పుడు చూద్దాం.

అరటిపండ్లు (Getty Images)

అవసరమైన పదార్థాలు :

• బటర్ - 65 గ్రాములు
• పంచదార - 65 గ్రాములు
• పాలు - 50ఎంఎల్
• అరటిపండు - ఒకటి
• ఓట్స్ - 50 గ్రాములు
• బేకింగ్ పౌడర్ - రెండు చిటికెళ్లు
• మైదా పిండి - 125 గ్రాములు
• చాక్లెట్ చిప్స్ - కొన్ని(గార్నిష్ కోసం)

రుచికరమైన "దద్దోజనం" - ఈ కొలతలతో చేస్తే పులుపు లేకుండా, గుడిలో ప్రసాదంలా ఉంటుంది!

ఓట్స్ (Getty Images)

తయారీ విధానం :

• ఈ రెసిపీ కోసం ముందుగా ఒక మిక్సింగ్ బౌల్ తీసుకొని అందులో బటర్, పంచదార వేసుకొని అవి రెండు చక్కగా కలిసి క్రీమ్​లా అయ్యేలా చేతితో బాగా ప్రెస్ చేస్తూ మిక్స్ చేసుకోవాలి.
• ఆవిధంగా ప్రిపేర్ చేసుకున్నాక అందులో అరటిపండుని తొక్క తీసి చిన్న చిన్న ముక్కలుగా కట్ చేసి వేసుకోవాలి.
• తర్వాత అరటిపండు ముక్కలు ఆ క్రీమ్​లో కలిసిపోయేలా కలుపుకోవాలి. అనంతరం ఆ మిశ్రమంలో పాలు పోసుకొని మరోసారి చక్కగా మిక్స్ చేసుకోవాలి.
• ఆ మిశ్రమం చక్కగా మిక్స్ అయిన తర్వాత ఓట్స్​ని​ యాడ్ చేసుకొని గరిటెతో మొత్తం కలిసేలా కింది నుంచి కలియతిప్పుతూ కలపాలి.

పాలు (Getty Images)

• అనంతరం బేకింగ్ సోడా వేసి కలిపి మైదా పిండిని జత చేసి మొత్తం కలిసేలా నెమ్మదిగా గరిటెతో కింది నుంచి కలియతిప్పుతూ బాగా మిక్స్ చేయాలి.
• తర్వాత ఒక బేకింగ్ ట్రే లేదా ప్లేట్​ తీసుకొని దానిపై సిలికాన్ మ్యాట్ లేదా బటర్ పేపర్ వేసి ముందుగా కలిపి పెట్టుకున్న పిండిని కాస్త గ్యాప్ ఇచ్చి కుకీస్ షేప్​లో ఒక్కో గరిటెడు వేసుకోవాలి.
• ఆ ట్రేలో సరిపడినన్ని వేసుకున్నాక ఒక్కో దానిపై అక్కడక్కడ కొన్ని చాక్లెట్ చిప్స్​ పెట్టి గార్నిష్ చేసుకోవాలి.
• అనంతరం ఆ బేకింగ్ ట్రేని ఓవెన్​లో ఉంచి 180 డిగ్రీల హీట్​లో పావుగంట పాటు బేక్ చేసుకోవాలి.

వరలక్ష్మీ వ్రతం వేళ కరకరలాడే " మినప మసాలా గారెలు" - నూనె పీల్చకుండా టేస్టీగా వస్తాయి!

చక్కెర (Getty Images)

• ఒకవేళ మీ వద్ద ఓవెన్ లేనట్లయితే ఇలా స్టవ్ మీద కుక్ చేసుకోవచ్చు.
• ఇందుకోసం స్టవ్ మీద అడుగు మందంగా ఉన్న ఒక గిన్నె పెట్టి అందులో ఒక చిన్న స్టాండ్​ ఉంచాలి. ఆ తర్వాత గిన్నెను మూతతో క్లోజ్​ చేసి హై ఫ్లేమ్​లో 5 నిమిషాలు ప్రీహీట్​ చేసుకోవాలి.
• అనంతరం మూత తీసి స్టాండ్​పై బటర్ పేపర్​ వేసి కుకీస్ పెట్టుకున్న ప్లేట్ ​ఉంచి మూత పెట్టి సిమ్​లో 20 నుంచి 25 నిమిషాల పాటు బేక్​ చేసుకోవాలి.
• మీరు ఓవెన్​ లేదా స్టవ్ ఎలా బేక్ చేసుకున్నా అవి చక్కగా కాలి లేత గోల్డెన్ కలర్​లోకి వచ్చాయనుకున్నాక వాటిని బయటకు తీసి ప్లేట్​లో పెట్టుకొని సర్వ్ చేసుకుంటే చాలు. అంతే, సూపర్ టేస్టీగా ఉండే "బనానా ఓట్స్ కుకీస్" రెడీ అయిపోతాయి!

బనానా ఓట్స్ కుకీస్ (ETV Abhiruchi)

రక్షా బంధన్ స్పెషల్ : గోధుమపిండితో అప్పటికప్పుడు చేసుకునే "స్వీట్" - ఎంతో టేస్టీగా, ఈజీగా!