Tiger Woods New Girlfriend Vanessa : అమెరికా అధ్యక్షుడు డొనాల్డ్‌ ట్రంప్ మాజీ కోడలితో ప్రేమలో ఉన్నట్లు గోల్ఫ్‌ సూపర్‌స్టార్‌ టైగర్ వుడ్స్ వెల్లడించారు. వెనెసాతో కలిసి దిగిన ఫొటోలను ఎక్స్లో షేర్ చేస్తూ ఈ విషయాన్ని స్వయంగా తెలిపారు. వెనెసా సైతం తన ఇన్స్టాగ్రామ్ ఖాతాలో టైగర్ వుడ్స్తో దిగిన ఫొటోలను షేర్ చేస్తూ ఈ విషయాన్ని ధ్రువీకరించారు. వెనెసాతో తాను డేటింగ్ చేస్తున్నట్లు టైగర్ వుడ్స్ పోస్ట్లో తెలిపారు. 'నీ ప్రేమలో ఉంటే గాల్లో తేలినట్లుంది. నువ్వు నా పక్కన ఉంటే జీవితం మరింత అద్భుతంగా ఉంటుంది. ఈ విషయంలో మా వ్యక్తిగత గోప్యతను గౌరవించినందుకు సన్నిహితులకు కృతజ్ఞతలు' అని టైగర్ వుడ్స్ రాసుకొచ్చారు. ప్రసుతం సోషల్ మీడియాలో ఈ పోస్ట్ వైరల్గా మారింది.
ట్రంప్ కుమారుడు డొనాల్డ్‌ ట్రంప్ జూనియర్‌కు ఆమె మాజీ భార్య కావడం వల్ల ఈ ఈ న్యూస్ హాట్‌ టాపిక్‌గా మారింది. ట్రంప్ జూనియర్ 2005లో వెనెసాను పెళ్లి చేసుకున్నారు. ఆ తర్వాత వీరి మధ్య విభేదాలు వచ్చాయి. దీంతో 13 ఏళ్ల తమ వైవాహిక బంధానికి స్వస్తి పలుకుతూ 2018లో విడాకులు తీసుకున్నారు. వీరిద్దరికీ ఐదుగురు పిల్లలు ఉన్నారు. ఆ తర్వాత 2020లో ట్రంప్ జూనియర్‌కు ఫాక్స్‌ న్యూస్ మాజీ హోస్ట్‌ కింబర్లీతో నిశ్చితార్థం జరిగింది. అయితే, డొనాల్డ్‌ ట్రంప్ జూనియర్ మరో అమ్మాయితో డేటింగ్లో ఉన్నట్లు తాజాగా వార్తలు వస్తున్నాయి. ట్రంప్ జూనియర్ ఓ అమ్మాయి చేయి పట్టుకొని నడుస్తున్న దృశ్యాలు అంతర్జాతీయ మీడయాల్లో కనిపించాయి. దీంతో కింబర్లీతో ఆయన నిశ్చితార్థాన్ని రద్దు చేసుకున్నారనే ప్రచారం జరుగుతోంది.
Love is in the air and life is better with you by my side! We look forward to our journey through life together. At this time we would appreciate privacy for all those close to our hearts. pic.twitter.com/ETONf1pUmI
— Tiger Woods (@TigerWoods) March 23, 2025
ఇక టైగర్ వుడ్స్ ప్రపంచ గోల్ఫ్‌లో 15సార్లు ఛాంపియన్‌గా నిలిచారు. 2004లో ఎలిన్ నోర్డెగ్రెస్ అనే మోడల్ను వివాహం చేస్తున్నారు. ఆరేళ్లకే(2010) విడాకులు తీసుకున్నారు. ఈ జంటకు ఇద్దరు పిల్లలు ఉన్నారు. అనంతరం లిండ్సే వాన్తో డేటింగ్లో ఉన్నట్లు 2013లో పోస్ట్ చేశారు. ఆ తర్వాత ఎరికా హెర్మెన్తో ఉన్నారని సోషల్ మీడియాలో వేదికగా ద్రువీకరించారు. ప్రస్తుతం వెనెసాతో ఉన్నట్లు పోస్ట్ చేశారు.
