'నా మొదటి భార్య అలియా భట్ కాదు' - రణ్​బీర్ కపూర్ షాకింగ్ కామెంట్స్ !

అలియా భట్​ తన మొదటి భార్య కాదన్న రణ్​బీర్​ కపూర్!​ - అసలేం జరిగిందంటే?

Ranbir Kapoor First Wife : బాలీవుడ్ స్టార్ కపుల్‌గా రణ్‌బీర్ కపూర్- అలియా భట్ మంచి పేరు సంపాదించుకున్నారు. వీరిద్దరూ 2022లో ప్రేమ వివాహం చేసుకున్నారు. అదే ఏడాది నవంబరు 6న వారికి పండంటి ఆడబిడ్డ జన్మనివ్వగా, ఆమెకు 'రాహా' అని పేరు పెట్టారు. ఈ జంట సోమవారం మూడో వివాహ వార్షికోత్సవం జరుపుకుంటున్నారు. అయితే గతంలో ఓ సందర్భంగా మాట్లాడుతూ.. రణ్​బీర్​ కపూర్​, అలియా భట్ తన మొదటి భార్య కాదు అన్నారు. అప్పుడు చేసిన కామెంట్స్ వారి పెళ్లిరోజు సందర్భంగా ఇప్పుడు వైరల్ అవుతున్నాయి.

'నా ఫస్ట్​ వైఫ్​ అలియా కాదు'
గతంలో ఓ హిందీ వార్త సంస్థకు ఇచ్చిన ఇంటర్వ్యూలో క్రేజీ విషయం చెప్పారు రణ్​బీర్​ కపూర్​. తనకు మొదటి భార్య అలియా కాదన్నారు. " నేను యాక్టింగ్ స్టార్ట్​ చేసిన కొత్తలో ఒక క్రేజీ విషయం జరిగింది. అప్పుడు ఒక లేడీ ఫ్యాన్​ పూజారితో వచ్చి నా ఇంటి గేటును పెళ్లి చేసుకుంది. నేను ఇంతవరకు ఆమెను కలవలేదు. మా ఇంటి వాచ్​మ్యాన్ ఈ విషయం నాతో చెప్పాడు. ఆ బంగ్లాలో నేను మా తల్లిదండ్రులతో కలిసి ఉండేవాడిని. ఈ సమయంలో గేట్​పై తిలకం, కొన్ని పువ్వులు ఉండేవి. ఆ సమయంలో నేను ఇంట్లో లేను. కాబట్టి అది చాలా క్రేజీగా అనిపించింది. నేను ఇంకా నా మొదటి భార్యను కలవలేదు. ఫ్యూచర్​లో ఏదో ఒక సమయంలో మిమ్మల్ని కలవాలని ఎదురు చూస్తున్నాను." అని రణ్​బీర్​ చెప్పారు.

నిజం ఒప్పేసుకున్న అలియా!
ఇదిలా ఉండగా, రణ్​బీర్​పై నాకు చాలా క్రష్​ ఫీలింగ్ ఉండేదని అలియా చాలాసార్లు బహిరంగంగానే ఒప్పుకుంది. ఆయన్నే పెళ్లి చేసుకోవాలని ఉందని డేటింగ్​కు ముందు కూడా పలుమార్లు తెలిపింది. తమ రిలేషన్​ ఎలా మొదలైంది అనే విషయం కూడా ఓ సందర్భంలో ఆలియా వెల్లడించింది. "మా అక్కాచెల్లిల్లు, స్నేహితులు రణ్​బీర్​ నేను కలిసిఉంటామని చెప్పేవాళ్లు. ఒకరోజు ఫ్లైట్​లో వెళుతుండగా మేము పక్కపక్కనే కూర్చున్నాం. అప్పుడే రణ్​బీర్​ సీటుకు సమస్య వచ్చింది. ఆ తర్వాత సీటును బాగుచేశారు. అప్పుడు మేము మొదటి సారి మాట్లాడుకున్నాం. ఆ వైబ్​ అలా స్టార్ట్​ అయింది. ఆ తర్వాత జరిగింది అంతా చరిత్రే" అని అలియా లిపింది.

మళ్లీ అలియా-రణ్​బీర్ రీల్​ జంట
అయితే, బ్రహ్మాస్త్ర పార్ట్​ 1 షూటింగ్ సమయంలో అలియా, రణ్​బీర్​ డేటింగ్​ మొదలైంది. వీరిద్దరూ లీడ్​ రోల్స్​ చేసిన బ్రహ్మాస్త్ర విజువల్ వండర్​గా నిలిచింది. బాక్సాఫీసు వద్ద మంచి కలెక్షన్లు సాధించింది. ఇప్పుడు ఈ రియల్ జంట మరో సారి రీల్​ జంటగా కనిపించనున్నారు. ప్రముఖ బాలీవుడ్ దర్శకుడు సంజయ్​ లీలా బన్సాలీ దర్శకత్వంలో వస్తున్న లవ్ అండ్ వార్​ సినిమాలో ఆడిపాడనున్నారు.