Vijay Devarakonda Kingdom Movie : రౌడీ హీరో విజయ్ దేవరకొండ హీరోగా తెరకెక్కుతున్న యాక్షన్ డ్రామా 'కింగ్డమ్'. ఈ మూవీకి గౌతమ్ తిన్ననూరి దర్శకుడు. పాన్ ఇండియా చిత్రంగా రిలీజ్ కాబోతున్న 'కింగ్డమ్' మూవీకి సంబంధించిన ఓ వార్త సినీ వర్గాల్లో చక్కర్లు కొడుతోంది. ఈ సినిమా జులై 4న ప్రేక్షకుల ముందుకు వస్తున్నట్లు చిత్ర బృందం గతంలో ప్రకటించింది.
అయితే అదే రోజు నితిన్ 'తమ్ముడు' మూవీ రిలీజ్ కానుంది. ఈ విషయాన్ని తమ్ముడు చిత్ర బృందం అధికారికంగా ప్రకటించింది. దీంతో కింగ్డమ్ మూవీ జూలై 25న రిలీజ్ అయ్యే అవకాశం ఉందన్న ఊహాగానాలు వినిపిస్తున్నాయి. అయితే దీనికి సంబంధించి చిత్ర యూనిట్ నుంచి అధికారికంగా ప్రకటన విడుదల రావాల్సి ఉంది.
స్పై యాక్షన్ థ్రిల్లర్గా 'కింగ్డమ్' :
గౌతమ్ తిన్ననూరి డైరెక్షన్లో 'కింగ్డమ్' మూవీ స్పై యాక్షన్ థ్రిల్లర్గా విడుదల కానుంది. ఈ సినిమాను సితార ఎంటర్టైన్మెంట్, ఫార్య్టూన్ ఫోర్ బ్యానర్ల పై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. ఈ సినిమాలో విజయ్ సరసన భాగ్యశ్రీ బోర్సే హీరోయిన్గా నటించింది. అనిరుధ్ సంగీతం అందించారు.
ఇప్పటికే 'కింగ్డమ్' మూవీ టీజర్ రిలీజ్ చేశారు. గ్లోబల్ స్టార్ ఎన్టీఆర్ ఈ టీజర్లో వాయిస్ ఓవర్ ఇచ్చారు. ఎన్టీఆర్ వాయిస్, విజువల్స్తో టీజర్ ప్రేక్షకులను మరింత ఆకట్టుకుంది. 'కింగ్డమ్'లో విజయ్ పవర్ఫుల్ పాత్రలో కనిపించనున్నట్లు టీజర్ చూస్తే అర్థం అవుతోంది. ఫుల్ యాక్షన్ మోడ్లో ఉన్న టీజర్ ఇప్పటికే 18 మిలియన్ వ్యూస్ దక్కించుకుంది. ఈ సినిమా నుంచి రిలీజ్ అయినా 'హృదయం లోపల' సాంగ్ 11 మిలియన్ వ్యూస్తో ప్రేక్షకులను ఆకట్టుకుంటోంది. ఈ ఫస్ట్ సింగిల్ యూత్ను బాగా అట్రాక్ట్ చేస్తోంది.
విజయ్ సినిమాలో స్టార్ హీరో- విలన్ రోల్ అయితే కాదు!
అడగ్గానే తారక్ అన్న ఓకే అన్నారు, డైరెక్టర్ లేకున్నా వాయిస్ ఇచ్చారు: విజయ్
