Samantha Top Movies Collections : దక్షిణాదితో పాటు బాలీవుడ్లోనూ తనదైన నటనతో ప్రేక్షకుల మనసుల్లో చోటు సంపాదించుకున్నారు స్టార్ హీరోయిన్ సమంత. ఈ ముద్దుగుమ్మ అనేక హిట్ సినిమాల్లో నటించారు. సోమవారం (ఏప్రిల్ 28న) 38వ పడిలోకి అడుగుపెట్టారు సామ్. ఈ సందర్భంగా ఆమె కెరీర్లో ఎక్కువ వసూళ్లు రాబట్టిన టాప్-10 సినిమాలేవో తెలుసుకుందాం.
1. మెర్సల్ : తమిళ హీరో విజయ్, సమంత హీరోహీరోయిన్లుగా తెరకెక్కిన సినిమా 'మెర్సల్' (తెలుగులో అదిరింది). ఈ సినిమాను రూ.120 కోట్ల బడ్జెట్తో దర్శకుడు అట్లీ తెరకెక్కించగా, రూ.257 కోట్లు వసూళ్లను సాధించింది.
2. రంగస్థలం : మెగా పవర్స్టార్ రామ్ చరణ్, సుకుమార్ కాంబినేషన్ తెరకెక్కిన మూవీ 'రంగస్థలం'. ఈ సినిమాలో సమంత హీరోయిన్గా నటించారు. రూ.80 కోట్ల బడ్జెట్తో రూపొందిన ఈ మూవీ రూ.217 కోట్ల కలెక్షన్లను రాబట్టింది.
3. తేరీ : దళపతి విజయ్, సమంత కాంబినేషన్లో తెరకెక్కిన మూవీ 'తేరీ' (తెలుగులో పోలీసోడు). ఈ సినిమాను అట్లీ రూ.75 కోట్లతో తెరకెక్కించగా రూ.153కోట్ల వసూళ్లను సాధించింది.
4. జనతా గ్యారేజ్ : యంగ్ టైగర్ ఎన్టీఆర్- కొరటాల శివ కాంబోలో తెరకెక్కిన మాస్ ఎంటర్ టైనర్ 'జనతా గ్యారేజ్'. ఇందులో సమంత హీరోయిన్గా కనిపించారు. ఈ మూవీ బడ్జెట్ రూ.60కోట్లు. బాక్సాఫీసు వద్ద భారీ ఘనవిజయాన్ని సొంతం చేసుకుని రూ.135 కోట్ల కలెక్షన్లను రాబట్టింది.
5. అత్తారింటికి దారేది : పవర్ స్టార్ పవన్ కల్యాణ్, సమంత హీరోహీరోయిన్లుగా తెరకెక్కిన సినిమా 'అత్తారింటికి దారేది'. త్రివిక్రమ్ ఈ మూవీని రూ.55కోట్ల బడ్జెట్ లో తీశారు. బాక్సాఫీస్ వద్ద పాజిటివ్ టాక్ తెచ్చుకుని ఏకంగా రూ.134కోట్లను వసూల్ చేసింది.
6. కత్తి : దళపతి విజయ్, సమంత కాంబోలో రూపొందిన మూవీ 'కత్తి'. ఈ సినిమాను తమిళ స్టార్ డైరెక్టర్ ఏఆర్ మురుగదాస్ తెరకెక్కించారు. రూ.65 కోట్లలో తీసిన ఈ మూవీ రూ.126 కోట్ల కలెక్షన్లను రాబట్టింది.
7. 24 : కోలీవుడ్ స్టార్ హీరో సూర్య, సమంత లీడ్ రోల్లో తెరకెక్కిన సినిమా '24'. ఈ మూవీని విక్రమ్ కె కుమార్ రూ.75 కోట్ల బడ్జెట్తో తీశారు. ఈ మూవీ పాజిటివ్ టాక్ ను దక్కించుకుని రూ.108 కోట్లను కొల్లగొట్టింది.
8. ఈగ : దర్శక దిగ్గజం ఎస్ఎస్ రాజమౌళి దర్శకత్వం వహించిన మూవీ 'ఈగ'. ఈ సినిమాలో నాని, సమంత, కిచ్చా సుదీప్ కీలక పాత్రల్లో కనిపించారు. ఈ మూవీ రూ.45 కోట్లతో తెరకెక్కి రూ.102 కోట్ల వసూళ్లను సాధించింది.
9. దూకుడు : సూపర్ స్టార్ మహేశ్, శ్రీను వైట్ల కాంబోలో తెరకెక్కిన మూవీ 'దూకుడు'. ఇందులో సమంత కీలక పాత్ర పోషించారు. ఈ సినిమా రూ.35 కోట్లతో తెరకెక్కి, ఏకంగా రూ.101 కోట్ల కలెక్షన్లను వసూల్ చేసింది.
10. సీతమ్మ వాకిట్లో సిరిమల్లె చెట్టు : సూపర్ మహేశ్, విక్టరీ వెంకటేశ్ కాంబోలో శ్రీకాంత్ అడ్డాల తెరకెక్కించిన మూవీ 'సీతమ్మ వాకిట్లో సిరిమల్లె చెట్టు'. ఇందులో సమంత, అంజలి హీరోయిన్లుగా నటించారు. ఈ ఫ్యామిలీ ఎంటర్ టైనర్ బాక్సాఫీసు వద్ద భారీ విజయం సాధించింది. రూ.45 కోట్ల బడ్జెట్ తో తెరకెక్కి రూ.92కోట్లు వసూల్ చేసింది.
'నా సమస్య ఎవరికీ రాకూడదు' - అనారోగ్యంపై సమంత ఆవేదన
లీడ్ రోల్ కంటే ముందు అతిథిగా మెరవనున్న సామ్! - ఆ సినిమాలో తన పాత్ర వెరీ స్పెషల్
