Oscars New Category: సినీ రంగంలో అత్యంత ప్రతిష్ఠాత్మకంగా భావించే అవార్డు ఆస్కార్. కెరీర్లో ఒక్కసారైనా ఆస్కార్ దక్కించుకోవాలని ప్రపంచ వ్యాప్తంగా ఉన్న నటీనటులు, సాంకేతిక నిపుణులు, కళాకారులు కోరుకుంటారు. అయితే ఈ అవార్డుల్లో ఇప్పుుడు మరో కొత్త కేటగిరీ యాడ్ అయ్యింది. ఇకపై 'స్టంట్‌ డిజైన్‌' విభాగంలోనూ అవార్డులు ఇవ్వనున్నట్లు అకాడమీ అధికారికంగా ప్రకటించింది. 100వ అకాడమీ అవార్డుల్లో ఈ కేటగిరీని అధికారికం చేయనున్నట్లు తెలిపారు.
దీనిపై అకాడమీ నిర్వాహకులు స్పందించారు. టాలెండటెడ్ టెక్నిషియన్లను ఈ విభాగంలో చేర్చడం గర్వంగా ఉందని వెళ్లడించారు. 'సినిమా ప్రారంభం నుంచి చిత్ర నిర్మాణంలో 'స్టంట్‌ డిజైన్‌' భాగంగా ఉంది. క్రియేటివిటీ కలిగిన ఆర్టిస్ట్లను ఈ కేటగిరీలో వినూత్నంగా గౌరవించడం మాకు గర్వంగా ఉంది' అని పేర్కొన్నారు. కాగా, 2027 నుంచి విడుదల కానున్న సినిమాలకు ఈ జాబితాలో ఎంపిక చేసి అవార్డులు ఇవ్వనున్నారు. దీనిపై సినీ ప్రముఖలు హర్షం వ్యక్తం చేస్తున్నారు. 'గుడ్ డెసిషన్' అని అంటున్నారు.
RRRకు గౌరవం
అయితే కొత్త కేటగిరీని ప్రకటించే క్రమంలో ఆస్కార్ ఓ పోస్ట్ రిలీజ్ చేసింది. ఇందులో మూడు సినిమాల ఫొటోలు ఉన్నాయి. అందులో ఒకటి 'ఆర్ఆర్ఆర్' ఫొటో కావడం విశేషం. ప్రీ ఇంటర్వెల్ బ్లాక్లో రామ్చరణ్ పులితో ఫైట్ చేసే సీన్లోని ఓ షాట్ను ఆస్కార్ ఉపయోగించింది. మూడు సినిమా పోస్టర్లతో 'స్టంట్‌ డిజైన్‌' గురించి ఆస్కార్ వెల్లడించింది. 'ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌', 'ఆర్ఆర్ఆర్', 'మిషన్‌ ఇంపాజిబుల్‌' సినిమాల్లోని స్టంట్స్ ఫొటోలతో దీన్ని ప్రకటించింది.
Stunts have always been part of the magic of movies. Now, they’re part of the Oscars.
— The Academy (@TheAcademy) April 10, 2025
The Academy has created a new annual award for Achievement in Stunt Design—beginning with the 100th Oscars in 2028, honoring films released in 2027. pic.twitter.com/lpHen9Qk9l
ఆస్కార్ కొత్త కేటగిరీ ప్రకటించే క్రమంలో మన తెలుగు సినిమా పోస్టర్ వాడడంతో టాలీవుడ్ ఆడియెన్స్ ఆనందిస్తున్నారు. ఇది భారతీయ సినిమాకు దక్కిన గౌరవం అంటూ కామెంట్స్‌ పెడుతున్నారు. కాగా దర్శకధీరుడు రాజమౌళి తెరకెక్కించిన ఆర్ఆర్ఆర్ 2022లో బ్లాక్బస్టర్ విజయం దక్కించుకుంది. వరల్డ్వైడ్గా రూ.1200+ కోట్ల వసూళ్లు సాధించింది. అంతేకాకుండా 2023లో 'నాటు నాటు' పాట ఉత్తమ ఒరిజినల్‌ సాంగ్‌ కేటగిరీ ఆస్కార్ సాధించింది.
ఆస్కార్ వేదికపై మరోసారి 'నాటు నాటు'- టాలీవుడ్ రేంజ్ అట్లుంటది మరి
