Spirit Movie Heroine : రెబల్ స్టార్ ప్రభాస్- సందీప్ రెడ్డి వంగా కాంబినేషన్లో తెరకెక్కుతున్న సినిమా 'స్పిరిట్'. ఈ ప్రాజెక్ట్కు సంబంధించి ఇప్పటికే స్క్రిప్ట్ పనులు పూర్తి కాగా, ప్రీ- ప్రొడక్షన్ పనులు జెట్ స్పీడ్లో జరుగుతున్నాయి. అయితే కొంతకాలం నుంచి ఈ సినిమాలో ప్రభాస్కు జంటగా నటించనున్నట్లు పలువురు హీరోయిన్ల పేర్లు ప్రచారం అయ్యాయి. తాజాగా డైరెక్టర్ సందీప్రెడ్డి ఆ రూమర్స్కు చెక్ పెడుతూ, ఇందులో నటించనున్నా హీరోయిన్ పేరును ఆయనే స్వయంగా ప్రకటించారు.
ఈ భారీ యాక్షన్ ఎంటర్టైనర్లో బాలీవుడ్ బ్యూటీ త్రిప్తి డిమ్రీ హీరోయిన్గా నటించనున్నట్లు సందీప్ శనివారం ప్రకటించారు. దీంతో డార్లింగ్ ఫ్యాన్స్కు హీరోయిన్ విషయంలో క్లారిటీ వచ్చేసింది. అయితే స్పిరిట్ సినిమాకు సంబంధించి ప్రభాస్ తర్వాత అఫీషియల్గా అనౌన్స్ చేసింది హీరోయిన్ గురించే. సినిమా నటించనున్న పలువురు నటీనటుల వివరాలు త్వరలోనే బయటికి వచ్చే ఛాన్స్ ఉంది.
9 భాషల్లో!
కాగా, ఈ సినిమా దాదాపు 9 భాషల్లో ఈ చిత్రాన్ని తీర్చిదిద్దనున్నట్లు తాజా ప్రకటన చూస్తే అర్థమవుతోంది. త్రిప్తి డిమ్రీ పేరును తెలుగుతో పాటు, ఇంగ్లీష్, హిందీ, తమిళ, మలయాళ, కన్నడ, చైనీస్, జపనీస్, కొరియన్ రాశారు. మరోవైపు, ఈ సినిమాలో తనని ఎంపిక చేయడంపై నటి త్రిప్తి సంతోషం వ్యక్తం చేసింది. ‘'ఇప్పటికీ సంతోషంలో మునిగిపోయి ఉన్నాను. ఈ జర్నీలో నన్ను నమ్మినందుకు రుణపడి ఉంటా. మీ విజనరీ మేకింగ్లో నన్ను భాగం చేసినందుకు అయినందుకు థ్యాంక్యూ సందీప్రెడ్డి వంగా' అని త్రిప్తి సోషల్ మీడియాలో పేర్కొంది.
ఇక సినిమా విషయానికొస్తే, యాక్షన్ డ్రామాగా ఇది తెరకెక్కనుంది. ఈ సినిమాలో ప్రభాస్ పోలీసు పాత్రలో కనిపించనున్నారు. డ్రగ్ మాఫియాను అరికట్టే నేపథ్యంలో ఈ సినిమా కథ ఉండనుంది. కాగా, ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి. ఈ ఏడాది అక్టోబర్లో షూటింగ్ ప్రారంభయ్యే ఛాన్స్ ఉంది. ఇక శరవేగంగా షూటింగ్ కంప్లీట్ చేసి 2027లో రిలీజ్ చేయాలని మేకర్స్ ప్లాన్ చేస్తున్నారు.