గెట్​రెడీ PK ఫ్యాన్స్- 'హరి హర వీరమల్లు' రిలీజ్​పై మేకర్స్ క్లారిటీ

'హరి హర వీరమల్లు' రిలీజ్ ఫిక్స్- మేకర్స్​ క్లారిటీ- సినిమా వచ్చేది అప్పుడే!

Hari Hara Veera Mallu Release Date : పవర్ స్టార్ పవన్‌ కల్యాణ్‌ హీరోగా రూపొందుతున్న పీరియాడిక్‌ యాక్షన్‌ అడ్వెంచర్‌ మూవీ 'హరి హర వీరమల్లు'. జ్యోతికృష్ణ దర్శకత్వం వహిస్తున్నారు. ఇప్పటికే షూటింగ్ దాదాపు పూర్తైంది. ముందుగా ప్రకటించిన షెడ్యూల్ ప్రకారం మే 9న రిలీజ్ అవ్వాల్సి ఉంది. అయితే పలు కారణాల వల్ల సినిమా విడుదల ఆలస్యం కానుందని కొన్ని రోజులుగా ప్రచారం సాగుతోంది. తాజాగా దీనిపై మేకర్స్ క్లారిటీ ఇచ్చేశారు.

'హరి హర వీరమల్లు' విడుదలలో ఎలాంటి ఆలస్యం లేదని మేకర్స్ స్పష్టం చేశారు. ఈ సినిమా పనులు శరవేగంగా జరుగుతున్నాయని నిర్మాణ సంస్థ తాజాగా పోస్ట్‌ చేసింది. 'రీ రికార్డింగ్, డబ్బింగ్, వీఎఫ్​ఎక్స్​కు సంబంధించిన పనులు జెట్ స్పీడ్​లో జరుగుతున్నాయి. ఇప్పటివరకు చూడని అనుభూతిని ఈ సమ్మర్​లో అందించేందుకు సిద్ధమవుతున్నాం. 2025 మే 09వ తేదీన హరిహర వీరమల్లు థియేటర్లలోకి రానుంది' అని పోస్ట్​కు రాసుకొచ్చారు. దీంతో మెగా ఫ్యాన్స్​ ఫుల్ జోష్​లో ఉన్నారు.

Re-recording, Dubbing, and VFX are in full swing—pushing boundaries at lightning speed.⚡🔥

We're gearing up to bring you the biggest cinematic spectacle of the summer!#HariHaraVeeraMallu hits the big screens on May 9th, 2025. ⚔️💥

Get ready for an epic experience like never… pic.twitter.com/mduDpojxgY

— Hari Hara Veera Mallu (@HHVMFilm) April 11, 2025

కాగా, మొదట ఈ సినిమాకు క్రిష్‌ దర్శకత్వం వహించారు. కానీ ఇతర బిజీ షెడ్యూల్ కారణంగా క్రిష్​ తప్పుకోగా, ఆ తర్వాత జ్యోతికృష్ణ దర్శకత్వ బాధ్యతలు తీసుకుని సినిమాను తెరకెక్కిస్తున్నారు. చారిత్రక అంశాలతో ముడిపడి ఉన్న ఈ పీరియాడిక్‌ యాక్షన్‌ డ్రామాలో పవన్‌ కల్యాణ్​ శక్తిమంతమైన యోధుడిగా కనువిందు చేయనున్నారు. ఈ సినిమాను రెండు భాగాలుగా తీసుకొస్తున్నారు. మొదటి భాగం హరి 'హర వీరమల్లు పార్ట్‌- 1' స్వార్డ్‌ వర్సెస్‌ స్పిరిట్‌ పేరుతో రానుంది.

ఇక నిధి అగర్వాల్‌ కీలక పాత్రలో నటిస్తోంది. బాలీవుడ్ స్టార్ యాక్టర్స్​ అనుపమ్‌ ఖేర్‌, బాబీ దేవోల్‌, నోరాహి ఫతేహి, విక్రమ్‌ జీత్‌, జిషుసేన్‌ గుప్త తదితరులు సినిమాలో కీలక పాత్రలు పోషిస్తున్నారు. హాలీవుడ్ స్టంట్ డైరెక్టర్ నిక్ పాల్ ఆధ్వర్యంలో భారీ యాక్షన్ సన్నివేశాలు షూట్‌ చేశారు. ఈ చిత్రానికి ఆస్కార్ అవార్డ్​ గ్రహీత ఎం.ఎం.కీరవాణి సంగీతం అందిస్తున్నారు. మెగా సూర్య ప్రొడక్షన్స్‌ పతాకంపై ఏ.ఎం.రత్నం సమర్పణలో ఎ.దయాకర్‌ రావు నిర్మాతగా వ్యవహరిస్తున్నారు.