గోల్డెన్ ఆఫర్ ఇచ్చిన OG డైరెక్టర్- సుజీత్ టీమ్​తో పనిచేస్తారా?

Sujeeth Next Movie : యంగ్ డైరెక్టర్ సుజీత్ ఇటీవల ఓజీ సినిమాతో సూపర్ సక్సెస్ అందుకున్నారు. ఇక ఆయన తన తదుపరి ప్రాజెక్ట్​పై దృష్టి పెట్టారు. నేచురల్ స్టార్ నానితో సుజీత్ తన నెక్స్ట్ సినిమా చేస్తున్నారు. ఈ ప్రాజెక్ట్​ అక్టోబర్ 02న పూజా కార్యక్రమాలతో గ్రాండ్​గా లాంఛ్ అయ్యింది. ఈ క్రమంలో డైరెక్టర్ సుజీత్ క్రేజీ అనౌన్స్​మెంట్ ఇచ్చారు. సినిమాలపై ఆసక్తిఉన్న యువతీయువకులను, ఆశావాహులకు ఆయన టీమ్​లో ఛాన్స్ ఇవ్వనున్నట్లు ప్రకటన విడుదల చేశారు.

వాంటెడ్ ఫిల్మ్ ఫ్రీక్స్ పేరుతో ఓ పోస్టర్ రిలీజ్ చేశారు. రైటర్లు, అసిస్టెండ్ డైరెక్టర్లుస కాన్సెప్ట్ ఆర్టిస్ట్​లను ఎంపిక చేసుకుంటానని పోస్ట్​ చేశారు. 'సినిమాను ప్రాణంగా ప్రేమిస్తున్నవారికి ఇదొక అవకాశం' అంటూ రాసుకొచ్చారు. ఆయన టీమ్​తో కలిసి పనిచేయాలనుకుంటున్న వాళ్లు directionteam@signcreations.ai కు సైన్ ఇన్ ఇవ్వాలని పేర్కొన్నారు. దీంతో దర్శకత్వంలో ఆసక్తి ఉన్నవాళ్లు సుజీత్ టీమ్​తో కలిసి పని చేసేందుకు ముందుకు వస్తున్నారు. వాళ్లు ఇప్పటికే క్రియేట్ చేలిన పలు వీడియోలను పోస్ట్​కు కింద రీ ట్వీట్ చేస్తున్నారు. కాగా, ఈ సినిమా నిహారికా ఎంటర్టైన్మెంట్ బ్యానర్​పై రూపొందుతోంది. ప్రస్తుతానికైతే ఈ సినిమాకు నాని x సుజీత్ (naniXsujeeth) అనేది వర్కింగ్ టైటిల్​గా ఉంది.

ఓన్లీ యాక్షనే కాదు
ఈ సినిమాలో ఓన్లీ యాక్షన్ కాకుండా అన్ని ఎలిమెంట్స్ ఉండేలా సుజీత్ ప్లాన్ చేస్తున్నారని తెలుస్తోంది. యాక్షన్​తోపాటు, కామెడీ, ట్విస్ట్‌లు, టర్న్‌లు అన్నీ ఉంటాయని, ప్రేక్షకులకు పూర్తి స్థాయి వినోదం అందించనున్నారని సమాచారం. తన తొలి సినిమా రన్​ రాజా రన్​ స్టైల్​లో నాని సినిమా ప్లాన్ చేస్తున్నారని టాక్. కథలో కొత్త స్క్రీన్‌ప్లే, ఎడిట్ ప్యాటర్న్ ఉండబోతోందని, మ్యూజిక్ కూడా ఇప్పటివరకు ఇండస్ట్రీలో లేని రీతిలో ఉంటుందన్న హింట్‌ని మేకర్స్ ఇచ్చారు. ఇది చూస్తుంటే ఈ సినిమా టెక్నికల్‌గానూ భారీ ప్రయోగంగా ఉండబోతోందని అంటున్నారు.

ప్రస్తుతం ఈ ప్రాజెక్ట్​ ప్రీ ప్రొడక్షన్ పనుల్లో ఉంది. నటీనటులు, హీరోయిన్​ వివరాలు త్వరలో అధికారికంగా వెల్లడయ్యే ఛాన్స్ ఉంది. అయితే నాని ఇప్పుడు ప్యారడైజ్ సినిమా చేస్తున్నారు. ఆ ప్రాజెక్ట్ పనుల్లోనే నాని బిజీగా ఉన్నారు. ఈ సినిమా తర్వాత సుజిత్ చిత్రం విడుదలయ్యే అవకాశం ఉంది.

ఇక సుజిత్ దర్శకత్వం వహించిన ఓజీ గతనెల 25న వరల్డ్​వైడ్ గ్రాండ్​గా రిలీజ్ అయ్యింది. ఈ సినిమాను ఆయన ముంబయి బ్యాక్​డ్రాప్​లో తెరక్కించారు. ఇందులో పవన్ ఓజస్ గంభీరగా కనిపించారు. ఆయన యాక్షన్ సీన్స్​కు ఫుల్ రెస్పాన్స్ వచ్చింది. ప్రియాంక మోహన్ హీరోయిన్​గా నటించగా, ప్రకాశ్ రాజ్ సత్య దాదా అనే పాత్రలో కనిపించారు. బాలీవుడ్ స్టార్ నటుడు ఇమ్రాన్ హష్మి విలన్​గా నటించారు. శ్రేయా రెడ్డి, అర్జున్ దాస్ తదితరులు ఆయా పాత్రలో పోషించారు. తమన్ సంగీతం అందించగా, డీవీవీ దానయ్య నిర్మించారు. ఈ సినిమా ఇప్పటికే రూ.300 కోట్ల క్లబ్​లో చేరింది. దీనికి సీక్వెల్ కూడా ఉండనుందని సుజీత్ కన్ఫార్మ్ చేశారు. కానీ అది పట్టాలెక్కడానికి ఇంకా సమయం పడుతుంది.

సుజిత్​తో నాని 'బ్లడి రోమియో'- త్వరలోనే షూటింగ్​ షురూ!

తెలుగులో 'సుజిత్ సినిమాటిక్ యూనివర్స్'- ఓజీతో 'SCU' క్లూ ఇచ్చేశారా?