NTRNeel పోస్ట్​పోన్- సంక్రాంతికి కాదు- రిలీజ్ అయ్యేది ఎప్పుడంటే?

సంక్రాంతికి కాదు-ఎన్టీఆర్​నీల్ మూవీ రిలీజ్ అయ్యేది అప్పుడే

NTRNeel Release Date : పాన్ఇండియా స్టార్ ఎన్టీఆర్- ప్రశాంత్ కాంబోలో రూపొందుతున్న 'NTRNeel' సినిమా ప్రస్తుతం షూటింగ్ దశలో ఉంది. భారీ యాక్షన్ ఎంటర్టైనర్​గా తెరకెక్కుతున్న ఈ సినిమాపై ప్రేక్షకుల్లో అంచనాలు తారా స్థాయిలో ఉన్నాయి. అయితే ఈ ప్రాజెక్ట్​పై మేకర్స్ అప్డేట్ ఇచ్చారు. ఈ సినిమా కొత్త రిలీజ్ డేట్​ను మేకర్స్ మంగళవారం ప్రకటించారు. ఈ మేరకు పోస్ట్ సోషల్ మీడియాలో షేర్ చేశారు.

ఈ సినిమా జూన్ 25 వరల్డ్​వైడ్​గా రిలీజ్ కానున్నట్లు అధికారికంగా ప్రకటించారు. ఇద్దరు డైనిమిక్ వ్యక్తులు బాక్సాఫీస్ వద్ద సృష్టించే విధ్వంసాన్ని అనుభూతి చెందేందుకు సిద్ధం కండి. 2026 జూన్ 25న థియేటర్లు దద్దరిల్లనున్నాయి. దీన్ని మీరు ఎక్స్​పీరియన్స్ చేయనున్నారు. మ్యాన్ ఆఫ్ మాసెస్ ఎన్టీఆర్ బర్త్ డే సందర్భంగా స్పెషల్ గ్లింప్స్ రిలీజ్ చేస్తాం అని పోస్టర్​లో మేకర్స్ రాసుకొచ్చారు. తాజా అప్డేట్​తో తారక్ ఫ్యాన్స్ ఫుల్ ఖుషీ అవుతున్నారు.

A Massacre by the dynamic duo delivers a notice for a havoc-filled experience 🔥

𝟮𝟱 𝗝𝗨𝗡𝗘 𝟮𝟬𝟮𝟲.
You’ll hear the loudest chants! #NTRNeel 💥

A Special glimpse for the Man of Masses @Tarak9999’s birthday.#PrashanthNeel @MythriOfficial @NTRNeelFilm @TSeries… pic.twitter.com/3P2uFCo7kc

— NTR Arts (@NTRArtsOfficial) April 29, 2025

అయితే ముందుగా ప్రకటించిన షెడ్యూల్ ప్రకారం ఈ సినిమా 2026 జనవరి 09న రిలీజ్ కావాల్సి ఉంది. కానీ, కథ డిమాండ్, క్వాలిటీ ఔట్​పుట్​ కోసం రిలీజ్ ఆలస్యం కానుంది. ఇలా పలు కారణాల వల్ల విడుదల లేట్ అవ్వనుంది. డైరెక్టర్ ప్రశాంత్ నీల్ క్వాలిటీ విషయంలో రాజీ పడేదే లేదని నిర్ణయించుకున్నారు. అందుకే రిలీజ్ కాస్త లేటైనా, మంచి ఔట్​పుట్ అందించేందుకే ప్రయత్నిస్తున్నారు. మరోవైపు ఎన్టీఆర్ ఫ్యాన్స్ కూడా విడుదల ఆలస్యం అయినా, సినిమా అంచనాలు మించేలా ఉండాలని భావిస్తున్నారు.

కాగా, ఈ సినిమా షూటింగ్ ఫిబ్రవరిలో ప్రారంభమైంది. రీసెంట్​గా ఎన్టీఆర్​ కూడా సెట్స్​లో జాయిన్ అయ్యారు. ఆయనపై కీలక సన్నివేశాలు తెరకెక్కిస్తున్నారు. ఈ సినిమాలో తారక్ శక్తమంతమైన పాత్రలో కనిపించనున్నారు. ఇక తొలి షెడ్యూల్​లోనే దర్శకుడు ప్రశాంత్ యాక్షన్ సీన్స్​ను తెరకెక్కించారు. 3000 మంది జూనియర్ ఆర్టిస్ట్​లతో భారీ యాక్షన్ ఎపిసోడ్ షూట్ చేశారు.

ఈ సినిమాలో రుక్మిణి వసంత్ హీరోయిన్​గా నటిస్తున్నారని టాక్. ఈ ప్రాజెక్ట్​కు డ్రాగన్ అనే టైటిల్ కన్ఫార్మ్ చేశారని ప్రచారం సాగుతోంది. ఎన్టీఆర్ ఆర్ట్స్, మైత్రి మూవీ మేకర్స్ సంయుక్తంగా ఈ ప్రాజెక్ట్​ను నిర్మిస్తోంది.