WAR 2 Release Date : పాన్ఇండియా స్టార్ హీరో జూనియర్ ఎన్టీఆర్- హృతిక్ రోషన్ మల్టీస్టారర్ మూవీ 'వార్ 2'. ఈ సినిమా చిత్రీకరణ శరవేగంగా జరుగుతోంది. యశ్ రాజ్ ఫిల్మ్స్ సంస్థ ఈ సినిమాను అత్యంత ప్రతిష్ఠాత్మకంగా నిర్మిస్తోంది. అయితే ఈ సినిమా షూటింగ్కు బ్రేక్ పడినట్లు, విడుదల మరింత ఆలస్యం కానున్నట్లు కొద్ది రోజులుగా ప్రచారం సాగుతోంది. దీనిపై మేకర్స్ తాజాగా క్లారిటీ ఇచ్చారు.
అయితే 'వార్ 2' రిలీజ్ డేట్లో ఎలాంటి మార్పు లేదు. ముందుగా ఆనౌన్స్ చేసినట్లుగానే ఈ ఏడాది ఆగస్టు 14న ఈ సినిమా థియేటర్లలోకి రానున్నట్లు మేకర్స్ క్లారిటీ ఇచ్చేశారు. ఈ మేరకు నిర్మాణ సంస్థ యశ్ రాజ్ ఫిల్మ్స్ తమ స్ట్లైల్లో ఓ వీడియో వదిలారు. 'వరల్డ్వైడ్గా బీభత్సం సృష్టించేందుకు మేం ఆగస్టు 14న వస్తున్నాం' అంటూ క్యాప్షన్ రాసుకొచ్చింది. దీంతో వార్ 2 విడుదలపై ఓ క్లారిటీ వచ్చేసిందని తారక్ ఫ్యాన్స్ ఖుషి అవుతున్నారు.
కాగా, ఈ సినిమాను అయాన్‌ ముఖర్జీ పాన్‌ ఇండియా లెవెల్లో తెరకెక్కిస్తున్నారు. బాలీవుడ్ బ్యూటీ కియారా అడ్వాణీ కీలక పాత్రలో నటిస్తోంది. ప్రస్తుతం ఈ సినిమా షూటింగ్ చివరి దశకు చేరుకుంది. ఎన్టీఆర్- హృతిక్పై ఓ పాట షూట్ చేస్తున్నారు. ఇప్పటికే ఎన్టీఆర్ పలు షెడ్యూల్లలో పాల్గొన్నారు. ఆయనపై పలు కీలక సన్నివేశల చిత్రీకరణ పూర్తయ్యింది. మరోవైపు హృతిక్ కూడా రెగ్యులర్ షూటింగ్లో పాల్గొంటున్నారు.
Must say… you have set it up brilliantly even before we have started our marketing of #War2 🔥😎💥😱💪 ... there will be mayhem in cinemas on 14 August 2025, worldwide… 😈⚠️‼️🚨🤯 https://t.co/eVmQRLLJtG
— Yash Raj Films (@yrf) March 16, 2025
