NTR Hrithik Roshan War 2 : ప్రస్తుతం 'దేవర' సక్సెస్తో ఫుల్ జోషలో ఉన్న యంగ్ టైగర్ జూనియర్ ఎన్టీఆర్ నెక్ట్స్ దర్శకుడు ప్రశాంత్ నీల్తో ఓ సినిమా చేయబోతున్న సంగతి తెలిసిందే. అయితే ఆయన 'దేవర' షూటింగ్ సమయంలో బాలీవుడ్ బడా ప్రాజెక్ట్ 'వార్ 2'కు గ్రీన్ సిగ్నల్ ఇచ్చి షూటింగ్లోనూ పాల్గొన్నారు. ఈ చిత్రంలో స్టార్ హీరో హృతిక్ రోషన్తో కలిసి స్క్రీన్ను పంచుకోనున్నారు.
తాజాగా ఈ క్రేజీ మల్టీ స్టారర్ 'వార్ 2' గురించి ఓ ఆసక్తికర అప్డేట్ బయటకు వచ్చింది. సినిమాకు మరిన్ని ఆకర్షణలు జోడించనున్నారట. అదేంటంటే ఈ చిత్రంలో తారక్, హృతిక్తో పాటు మరో ఇద్దరు హీరోలు కూడా కనిపించనున్నారని సమాచారం అందింది. కండల వీరుడు సల్మాన్ ఖాన్ ఈ సినిమా చివర్లో స్పెషల్ ఎంట్రీ ఇస్తారని ముంబయి సినీ వర్గాల టాక్. హృతిక్, తారక్తో పాటు సల్మాన్ భాయ్ పాల్గొనే ఈ ఎపిసోడ్కు థియేటర్లు దద్దరిల్లిపోవడం ఖాయమని చెబుతున్నారు. అలానే శాండల్వుడ్ హీరో 'మార్టిన్' ఫేమ్ ధ్రువ సర్జా కూడా 'వార్ 2'లో భాగం కావొచ్చని సమాచారం. ప్రస్తుతం ఈ వార్త నెట్టింట్లో జోరుగా చక్కర్లు కొడుతోంది.
కాగా, 'వార్ 2' షూటింగ్ ప్రస్తుతం తారక్ లేకుండానే జరుగుతోంది. ఎందుకంటే ఆయన 'దేవర' ప్రమోషన్స్ కోసం నెల రోజులకుపైనే బ్రేక్ తీసుకున్నారట. అందుకే ఆయన లేని టాకీ పార్ట్, సాంగ్స్ను పూర్తి చేస్తున్నారట. దర్శకుడు అయాన్ ముఖర్జీ ఈ చిత్రాన్ని తెరకెక్కిస్తున్నారు. రీసెంట్గా ఇటలీలో జరిగిన కీలక షెడ్యూల్లో హృతిక్, కియారా అద్వానీపై కొన్ని సీన్స్తో పాటు ఓ పాటను కూడా షూట్ చేశారు. దసరా అవ్వగానే ఎన్టీఆర్ 'వార్ 2' సెట్లలో అడుగు పెడతారట. అప్పుడు హృతిక్, తారక్పై కీలకమైన క్లైమాక్స్ సీన్స్తో పాటు ఈ ఇద్దరు హీరోలపై ఓ సాంగ్ను చిత్రీకరిస్తారని తెలిసింది.
ఈ వార్ 2 చిత్రాన్ని వచ్చే ఏడాది ఆగస్ట్ 14న రిలీజ్ చేస్తారట. ఫిబ్రవరిలోగా సినిమా షూట్ పూర్తి చేసి అనంతరం వీఎఫెక్స్ పనులు చేస్తారని తెలిసింది. 'బ్రహ్మాస్త్ర'లో తన మార్క్ చూపించిన అయాన్ ముఖర్జీ ఈసారి అంచనాలను మించేలా ఈ చిత్రంతో మెస్మరైజ్ చేస్తారని యూనిట్ టాక్. దీపావళికి ఫస్ట్ లుక్ను విడుదల చేస్తారట.
SSMB 29 షూటింగ్ ప్రారంభం అప్పుడే - అప్డేట్ ఇచ్చిన విజయేంద్ర ప్రసాద్‌
'వేట్టయన్‌' తెలుగు టైటిల్ పెట్టకపోవడంపై కాంట్రవర్సీ - స్పందించిన నిర్మాణ సంస్థ
