Bigg Boss 8 Naga Manikanta Marriage Video : బిగ్ బాస్ 8వ సీజన్లో చూస్తుండగానే వారం రోజులు గడిచిపోయాయి. తొలి రోజు నుంచే హీట్ పెంచేసిన షో.. ఆ తర్వాత నుంచి హాట్ హాట్ గానే సాగింది. పలువురు హౌస్ మేట్స్ రచ్చ రచ్చ చేశారు. మాటల తూటాలు పేల్చారు. ఈ క్రమంలో.. నామినేషన్స్ వాడీ వేడిగా సాగాయి. ఫస్ట్ వీక్లో మొత్తం ఆరుగురు నామినేట్ అయ్యారు. వారిలో.. విష్ణుప్రియ, సోనియా, పృథ్వీరాజ్, శేఖర్ బాషా, బేబక్క, నాగమణికంఠ ఉన్నారు. దీంతో.. వీరిలో ఎవరు హౌస్ నుంచి బయటకు వెళ్లిపోతారా అనే చర్చ జోరుగా సాగుతోంది.
సాధారణంగా బిగ్బాస్ నామినేషన్స్ సోమవారం రోజున స్టార్ట్ అవుతాయి. కానీ.. ప్రస్తుత సీజన్లో మాత్రం మంగళవారం మొదలై.. బుధవారం ముగిశాయి. రెండు రోజులపాటు ఈ నామినేషన్స్ కొనసాగాయి. బుధవారం నుంచి శుక్రవారం వరకు మూడు రోజులపాటు పాటు ఓటింగ్స్ జరిగాయి.
నామినేట్ అయిన కంటెస్టెంట్స్లో ఇద్దరి మధ్య ఫైట్ ఉన్నట్టుగా అన్అఫీషియల్ పోల్స్ చెబుతున్నాయి. "సింపతీ స్టార్స్" అంటూ ట్రోల్ అవుతున్న నాగ మణికంఠ, విష్ణుప్రియకు ఓట్లు భారీగా పోల్ అవుతున్నాయనే టాక్ నడుస్తోంది. కొన్ని పోల్స్లో విష్ణుప్రియ.. మరికొన్ని పోల్స్లో నాగమణికంఠ టాప్లో ఉన్నట్టు సమాచారం. ఇలా చూసుకుంటే.. వీరిద్దరూ ఎలిమేనేషన్ నుంచి బయట పడతారని బలంగా టాక్ వినిపిస్తోంది.
ఇలాంటి టైమ్లోనే నాగమణి కంఠకు సంబంధించిన పెళ్లివీడియో సోషల్ మీడియాలో విడుదల కావడం విశేషం. ఎలాంటి అంచనాలూ లేకుండా బిగ్బాస్ హౌస్‌లోకి అడుగుపెట్టిన మణికంఠ.. తన ఇంట్రో వీడియోలో చెప్పుకున్న కష్టాలతో సింపథీ గెయిన్ చేశాడు. తల్లీతండ్రీ లేరని, భార్య వదిలేసిందని, తాను ఒంటరినంటూ చెప్పుకోవడం ద్వారా.. సానుభూతి పాయింట్లు కొట్టేశాడు. ఈ విషయమై హౌస్లో మాటల యుద్ధం కూడా నడిచింది. నామినేషన్స్లో మిగిలిన వాళ్లంతా టార్గెట్ చేయడంతో.. అనూహ్యంగా మణికంఠ టాప్ రేస్‌లోకి వచ్చాడు.
అయితే.. తనను భార్య వదిలేసిందని చెప్పడంతో ఆమె ఎవరా అంటూ జనాలు నెట్లో బాగానే సెర్చ్ చేశారు. కానీ.. ఎలాంటి ఆధారాలూ దొరకలేదు. మణికంఠ సోషల్ మీడియా అకౌంట్లలోనూ ఆమె ఫొటోలు కనిపించలేదు. ఇలాంటి టైమ్లో ఇన్‌స్టాగ్రామ్‌లో మణికంఠ పెళ్లి వీడియో రిలీజ్ కావడంతో.. ఒక్కసారిగా వైరల్ అయ్యింది. సరిగ్గా నామినేషన్స్ టైమ్లో ఈ వీడియో విడుదల కావడం విశేషం. ఈ వీడియో చూసిన వారంతా.. తమదైన శైలిలో కామెంట్లు పెడుతున్నారు. మరి.. మణికంఠ భార్య ప్రియ ఎలా ఉంటుందో మీరు కూడా చూడాలంటే.. ఈ వీడియోపై ఓ లుక్ వేయండి.
