అజిత్‌ దుబాయ్‌ కార్​ రేసింగ్‌ వీడియో రిలీజ్​- సూపర్ థ్రిల్లింగ్​గా విన్నింగ్ మూమెంట్స్​!

అజిత్​ దుబాయ్‌ 24హెచ్‌ రేసింగ్‌ వీడియో రిలీజ్​- సూపర్ థ్రిల్లింగ్​గా ఉంది బాస్​!

Ajith Dubai Racing video : తమిళ్ సూపర్​ స్టార్, పద్మ భూషణ్ అజిత్​ కుమార్​ దుబాయ్​ రేసింగ్​కు చెందిన ఓ థ్రిల్లింగ్​ వీడియో తాజాగా యూట్యూబ్​లో రిలీజ్ అయ్యింది. ​అభిమానులు ముద్దుగా ఏకే అని పిలుచుకునే అజిత్​ కుమార్​ నటుడిగానే కాదు, రేసర్‌గానూ అదరగొడతారు. రైఫిల్ షూటింగ్​లోనూ ఆయన ఆసక్తి ఎక్కువ. ఇటీవల దుబాయ్‌ వేదికగా జరిగిన '24హెచ్‌ దుబాయ్‌ కారు రేసింగ్‌'లో పాల్గొన్న ఆయన టీమ్‌ విజయాన్ని సాధించింది. హోరా హోరీగా జరిగిన ఈ పోటీల్లో అజిత్ టీమ్​ మూడో స్థానాన్ని కైవసం చేసుకుంది. అయితే ఈ రేసింగ్​కు ముందు సాధన చేస్తున్న సమయంలో అజిత్‌ కారుకు ప్రమాదం జరిగిన విషయం తెలిసిందే. అయితే అజిత్​ మాత్రం వెనక్కు తగ్గలేదు. అసలైన రేస్​లో తన సత్తా చాటి, శభాష్​ అనిపించుకున్నారు. తాజాగా ఈ రేసుకు సంబంధించిన విశేషాలతో కూడిన వీడియోను విడుదల చేశారు. ఇందులో అజిత్‌, ఆయన టీమ్‌ దుబాయ్‌ రేస్‌కు సిద్ధమవడం, అజిత్‌ కారుకు ప్రమాదం, ఆ తర్వాత ఆయన టీమ్‌ విజయం సాధించడం లాంటి పలు ఆసక్తికర విజువల్స్​ను పొందుపరిచారు. ఇంకెందుకు ఆలస్యం ఆ థ్రిల్లింగ్‌ ఈవెంట్స్‌ను మీరూ చూసేయండి. ఇక అభిమానులు ఎప్పటి నుంచే ఎదురుచూస్తున్న అజిత్‌ నటించిన 'పట్టుదల' మూవీ ఫిబ్రవరి 6న ప్రేక్షకుల ముందుకు రానుంది.