தஞ்சாவூர்: தஞ்சை பெரிய கோயிலில் அமைந்துள்ள மஹா நந்தியம் பெருமானுக்கு கார்த்திகை மாத பிரதோஷத்தை முன்னிட்டு விபூதி, மஞ்சள்பொடி, திரவியப்பொடி, பஞ்சாமிர்தம், இளநீர், கரும்புச்சாறு, பால், தயிர், சந்தனம் உள்ளிட்டப் பல்வேறு வகையான அபிஷேகப் பொருட்களைக் கொண்டு சிறப்பு அபிஷேகம் மங்கள வாத்தியங்கள் இசைக்க, சிவாச்சாரியர்கள் வேத மந்திரங்கள் முழங்க நடைபெற்றது.
பக்தர்களால் வழங்கப்பட்ட அருகம்புல், தாமரை, வில்வ இலை, மலர்கள் இவற்றை மாலையாக கோர்த்து நந்தியம் பெருமானுக்கு அலங்காரம் செய்யப்பட்டு மகா தீபாராதனை காண்பிக்கப்பட்டன. இதில் ஏராளமான பக்தர்கள் கலந்து கொண்டு நந்தியம் பெருமானை வழிபட்டனர்.
கார்த்திகை மாத பிரதோஷம்: தஞ்சை பெரிய கோயிலில் நந்திக்கு சிறப்பு அபிஷேகம்
