ஒட்டாவா: கனடா நாட்டின் நாடாளுமன்றத்திற்கு நான்கு ஆண்டுகளுக்கு ஒருமுறை தேர்தல் நடத்தப்படும். கனடா நாடாளுமன்றத்தில் உள்ள 338 இடங்களுக்கு நேற்று (செப்.20) பொதுத்தேர்தல் நடைபெற்றது.
இந்தப் பொதுத்தேர்தலில் ஆளும் லிபரல் கட்சியைச் சேர்ந்த பிரதமர் ஜஸ்டின் ட்ரூடோ, கன்சர்வேடிவ் கட்சியைச் சேர்ந்த எரின் ஓ டூல் ஆகியோருக்கு இடையே கடுமையான போட்டி நிலவியது.
ஜஸ்டின் ட்ரூடோ இம்முறை தனிப்பெரும்பான்மையுடன் ஆட்சி அமைப்பார் எனப் பெரிதும் எதிர்பார்க்கப்பட்டது.
ஆட்சியைக் கலைத்து தேர்தல்
கடந்த 2015ஆம் ஆண்டு முதன்முதலாக ஆட்சியமைத்த ஜஸ்டின் ட்ரூடோ சந்திக்கும் மூன்றாவது தேர்தல் இது. கடந்த 2019ஆம் ஆண்டு, ஜஸ்டின் ட்ரூடோ 157 இடங்களை மட்டும் வென்றிருந்தார். கடந்த தேர்தலிலேயே அவருக்கு மக்கள் ஆதரவு குறைந்ததால்தான் பெரும்பான்மை கிடைக்கவில்லை எனக் கூறப்பட்டது. கனடாவில் ஆட்சியமைக்க 170 இடங்களில் வெற்றிபெற வேண்டும் என்பது குறிப்பிடத்தக்கது.
உலகமே கரோனா பெருந்தொற்றால் கடுமையாகப் பாதிக்கப்பட்ட நிலையில், கனடாவில் கரோனா தொற்று பரவலை வெற்றிகரமாக எதிர்கொண்டு பாதிப்புகளையும், உயிரிழப்புகளையும் அந்நாட்டு அரசு கட்டுப்படுத்தியது.
காலநிலை மாற்றம், அனைவருக்குமான வீடு போன்ற தொலைநோக்குத் திட்டங்கள் மக்கள் மத்தியில் பரவலான கவனத்தைப் பெற்றது.
இம்முறையும் இல்லை
எனவே, தொங்கு நாடாளுமன்றத்தை விடுத்து பெரும்பான்மையுடன் ஆட்சி செய்ய வேண்டி, கடந்த ஆகஸ்ட் 15ஆம் தேதி நாடாளுமன்றம் கலைக்கப்பட்டு, செப்டம்பர் 20ஆம் தேதியில் தேர்தல் அறிவிக்கப்பட்டது. இதையடுத்து, நேற்று (செப். 20) வாக்குப்பதிவு நடைபெற்ற நிலையில், உடனே வாக்கு எண்ணிக்கையும் தொடங்கியது.
-
Thank you, Canada — for casting your vote, for putting your trust in the Liberal team, for choosing a brighter future. We're going to finish the fight against COVID. And we're going to move Canada forward. For everyone.
— Justin Trudeau (@JustinTrudeau) September 21, 2021 " class="align-text-top noRightClick twitterSection" data="
">Thank you, Canada — for casting your vote, for putting your trust in the Liberal team, for choosing a brighter future. We're going to finish the fight against COVID. And we're going to move Canada forward. For everyone.
— Justin Trudeau (@JustinTrudeau) September 21, 2021Thank you, Canada — for casting your vote, for putting your trust in the Liberal team, for choosing a brighter future. We're going to finish the fight against COVID. And we're going to move Canada forward. For everyone.
— Justin Trudeau (@JustinTrudeau) September 21, 2021
தற்போது, 98 விழுக்காடு வாக்குகள் எண்ணப்பட்டுவிட்ட நிலையில், ஜஸ்டினின் லிபரல் கட்சி, தற்போது வரை 158 இடங்களையும், கன்சர்வேடிவ் கட்சி 119 இடங்களையும் பெற்றுள்ளது.
இம்முறையும், தனிப்பெரும்பான்மை இன்றி மூன்றாவது முறையாக, ஜஸ்டின் ட்ரூடோ ஆட்சியமைக்க இருக்கிறார்.
இந்தத் தேர்தலில் இந்திய வம்சாவளியைச் சேர்ந்த 47 பேர் போட்டியிட்டுள்ளனர். இதில் ஆளும் லிபரல் கட்சி சார்பில் 17 பேரும், கன்சர்வேட்டிவ் கட்சி சார்பில் 13 பேரும், புதிய ஜனநாயகக் கட்சி சார்பில் 10 பேரும், கனடா மக்கள் கட்சி சார்பில் 5 பேரும் போட்டியிட்டுள்ளனர்.
கடந்த முறை கனடா நாடாளுமன்றத்தில் இந்திய வம்சாவளியைச் சேர்ந்த 22 பேர் நாடாளுமன்ற உறுப்பினராக உள்ளனர் என்பது கவனிக்கத்தக்கது.
இதையும் படிங்க: பிரான்ஸின் நீர்மூழ்கி கப்பல் ஒப்பந்தத்தை கெடுத்த அமெரிக்கா... கடுப்பான பிரான்ஸ்
