Operation Disarm: 36 மணி நேரத்தில் 2,512 ரவுடிகள் கைது

author img

By

Published : Sep 25, 2021, 2:51 PM IST

Updated : Sep 25, 2021, 3:07 PM IST

காவல் துறை தலைமை இயக்குநர் சைலேந்திரபாபு

தமிழ்நாட்டில் கடந்த 36 மணி நேரத்தில் 2ஆயிரத்து 512 ரவுடிகளை கைது செய்யப்பட்டு அதில் 733 ரவுடிகளை சிறையில் அடைத்துள்ளதாக தமிழ்நாடு காவல் துறை தலைமை இயக்குநர் சைலேந்திரபாபு அறிக்கையில் குறிப்பிட்டுள்ளார்.

மதுரை: மாநகர காவல் ஆணையர் அலுவலகத்தில் காவல் துறை தலைமை இயக்குநர் தலைமையில் இன்று (செப்.25) ஆலோசனைக் கூட்டம் நடைபெற்றது. இதில், தமிழ்நாடு காவல் துறை தலைமை இயக்குநர் சைலேந்திரபாபு, தென்மண்டல ஐஜி அன்பு, மதுரை மாநகர காவல் ஆணையர் பிரேம் ஆனந்த் சின்ஹா உள்ளிட்ட காவல் உயர் அலுவலர்கள் கலந்து கொண்டனர்.

மேலும், மதுரை டிஐஜி காமினி, திண்டுக்கல் டிஐஜி விஜயகுமாரி, ராமநாதபுரம் டிஐஜி மயில்வாகனன் ஆகியோரும்; மதுரை, விருதுநகர், தேனி, திண்டுக்கல், ராமநாதபுரம், சிவகங்கை ஆகிய மாவட்டங்களின் காவல் கண்காணிப்பாளர்கள், மதுரை மாநகர் காவல் துணை ஆணையர்கள் சட்டம் மற்றும் ஒழுங்கு, குற்றம், போக்குவரத்து மற்றும் தலைமையிடம் உள்ளிட்ட காவல் துறையினர் கலந்து கொண்டனர்.

இந்த ஆலோசனைக் கூட்டத்தின் முடிவில் டிஜிபி சைலேந்திர பாபு வெளியிட்ட அறிக்கையில், “கடந்த 2012, 2013ஆம் ஆண்டுகளில் நடந்த கொலை சம்பவங்களின் தொடர்ச்சியாக நெல்லையிலும், திண்டுக்கலிலும் நடந்த பழி தீர்க்கும் கொலை சம்பவம் சம்பந்தப்பட்ட குற்றவாளிகள் கைது செய்யப்பட்டுள்ளனர்.

2ஆயிரத்து 512 ரவுடிகளை கைது

சிலர் நீதிமன்றங்களில் சரணடைந்தனர். அதிகப்படியான காவல் துறையினர் பாதுகாப்பு செய்யப்பட்டு அசம்பாவிதம் இல்லாமல் காவல் துறையினர் சிறந்த நடவடிக்கை எடுத்துள்ளனர். மேலும், 36 மணி நேரத்தில் "ஆப்பரேசன் டிஸ்ஆர்ம்' (Operation Disarm) சோதனையின்போது 16ஆயிரத்து 370 நபர்களை விசாரித்து 2ஆயிரத்து 512 ரவுடிகளை கைது செய்துள்ளோம்.

அதில், 733 ரவுடிகள் சிறையில் அடைத்து, அவர்களிடமிருந்து 934 கத்திகள், எட்டு துப்பாக்கிகள் பறிமுதல் செய்யப்பட்டுள்ளன.

ஆலோசனைக் கூட்டம்

மேலும், ஆயிரத்து 927 ரவுடிகளிடமிருந்து நன்னடத்தை பத்திரம் பெறப்பட்டும், கொலை குற்றவாளிகள், ரவுடிகளை சோதனையிட நகரங்கள், மாவட்டங்களில் தனி காவல் படையும் அமைக்கப்பட்டுள்ளது” எனக் குறிப்பிட்டுள்ளார்.

இதையும் படிங்க: தமிழ்நாட்டில் ஐந்து ஐபிஎஸ் அலுவலர்கள் டிஜிபியாக பதவி உயர்வு!

Last Updated :Sep 25, 2021, 3:07 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.