எச்எம்டி குளோபல் நிறுவனம் மிகவும் எதிர்பார்க்கப்பட்ட நோக்கியா 4.2 ஸ்மார்ட் போன் மாடலை இந்தியாவில் அறிமுகம் செய்துள்ளது. மக்களுக்கேற்ற பட்ஜெட் விலையில் பல சிறப்பம்சங்களுடன் வெளிவந்துள்ளதால் எதிர்பார்த்த அளவிற்கு விற்பனையாகும் என எதிர்பார்க்கப்படுகிறது. இதில், விரல் ரேகை சென்சார், நாய்ஸ் கேன்சலேஷன் மைக், மோஷன் சென்சார் என பல வசதிகள் உள்ளது. மிக எளிதாகவும் கைக்கு அடக்கமாகவும் இருக்கும் இந்த ஸ்மார்ட்போன் 161 கிராம் எடையை கொண்டுள்ளது.
இதன் விலை 10,990 ரூபாய் ஆகும். கருப்பு, பிங்க் ஆகிய இரண்டு நிறங்களில் நோக்கியா 4.2 தயாரிக்கப்பட்டுள்ளது. நோக்கியா 4.2 ஸ்மார்ட்போன் மாடல் 5.71 இன்ச் எச்டி பிளஸ் டிஸ்பிளேயுடன் வடிவமைக்கப்பட்டுள்ளது. மேலும், 3ஜிபி ரேம் மற்றும் 32ஜிபி உள்ளடக்க மெமரி இடம்பெற்றுள்ளது. ஆண்ட்ராய்டு 9 பை இயங்குதளத்தை அடிப்படையாக கொண்டுள்ள நோக்கியா 4.2 ஸ்மார்ட்போனின் பின்புறம் 13 எம்பிபி பிரைமரி கேமரா +2 எம்பி டெப்த் கேமரா என இரண்டு கேமராக்கள் பொறுத்தப்பட்டுள்ளது. மேலும், 8 எம்பி செல்ஃபி கேமரா, எல்இடி பிளாஸ், ஏஐ எனப்படும் செயற்கை நுண்ணறிவு அம்சம் இந்த ஸ்மார்ட்போனில் பொறுத்தப்பட்டுள்ளது.
இந்த நோக்கியா 4.2 ஸ்மார்ட்போன் குவால்காம் ஸ்னாப்டிராகன் 439 சிப்செட் வசதியைக்கொண்டுள்ளது. 3000 எம்ஏஎச் பேட்டரி பொறுத்தப்பட்டுள்ளது குறிப்பிடத்தக்கது.