கொளுத்தும் கோடை வெயில், ஒரு புறம் உட்புற ஆரோக்கியத்தை பாதிக்கும் வேளையில், மறு புறம் வெளிப்புற பராமரிப்பிற்கும் சவலாக இருக்கிறது. சூரிய ஒளி தலை முதல் கால் வரை உள்ள சருமத்தை வறண்டு போக செய்வதோடு கருமையாக்குகிறது. வெளியில் கொஞ்ச நேரம் சென்று வந்தாலே சருமம் கருமையாகி அடையாளம் தெரியாத அளவிற்கு மாறிவிடுகிறோம். இந்த பிரச்சனையால் நீங்களும் அவதிப்படுறீங்களா? கவலைய விடுங்க. வீட்டில் உள்ள எளிமையான பொருட்களை வைத்து கருத்து போன சருமத்தையும் பளபளப்பாக்கலாம். அதற்கு கீழே கொடுக்கப்பட்டுள்ள டிப்ஸ்களை பின்பற்றி பாருங்க.
எலுமிச்சை சாறு மற்றும் தேன்: எலுமிச்சை சாற்றில் வைட்டமின் சி உள்ளது. இது சருமத்தின் நிறத்தை மெருகேற்றும் பண்புகளுக்கு பெயர் பெற்றது. அதே நேரத்தில் தேன் ஒரு இயற்கையான மாய்ஸ்சரைசராகச் செயல்பட்டு, சருமத்தை நீரேற்றமாக வைத்திருக்க உதவுகிறது. இவை இரண்டு இணைந்து சூரிய ஒளியால் பாதிக்கப்பட்ட சருமத்தை மீட்டெடுக்க உதவுகிறது.
- எப்படி பயன்படுத்துவது?: ஒரு டேபிள் ஸ்பூன் எலுமிச்சை பழ சாற்றுடன் ஒரு டேபிள் ஸ்பூன் தேன் சேர்த்து கலந்து டான் - ஆன பகுதியில் தேய்த்து 20 நிமிடங்களுக்கு பின் சுத்தமான தண்ணீரில் கழுவவும். எலுமிச்சையின் அமிலத்தன்மை இறந்த சரும செல்களை நீக்க உதவுகிறது, அதே நேரத்தில் தேனின் பண்புகள் சருமம் வறண்டு போவதைத் தடுத்து உதவுகிறது.
கற்றாழை ஜெல்: சருமத்தை மென்மையாக்கும் மற்றும் மருத்துவ பண்புகளுக்கு கற்றாழை பெயர் பெற்றது. இது சருமத்தை பளபளப்பாக்கவும், சூரிய ஒளியால் சேதமடைந்த சருமத்திற்கு ஊட்டமளிப்பதன் மூலம் சரி செய்யவும் உதவுகிறது. கற்றாழையில் உள்ள இயற்கை நொதிகள் செல் மீளுருவாக்கத்தை ஊக்குவிக்கின்றன மற்றும் கருத்து போன சருமத்தின் நிறத்தை சீராக்க உதவுகிறது.
- எப்படி பயன்படுத்துவது?: செடியில் இருந்து எடுத்த கற்றாழை ஜெல்லை முகத்தில் தடவி 30 நிமிடங்களுக்கு பின் கழுவவும். கற்றாழையில் உள்ள அழற்சி எதிர்ப்பு பண்பு வெயிலால் கருமையான சருமத்தை மீட்கும். அதோடு சருமத்தை நீரேற்றமாக வைத்திருக்கும்.
வெள்ளரிக்காய்: வெள்ளரிக்காய் ஒரு இயற்கையான குளிரூட்டியாகும். இது வெயிலால் சேதமடைந்த சருமத்தை மீட்டு புத்துணர்ச்சியூட்டுகிறது. சிறந்த மாய்ஸ்சுரைசராகவும் செயல்படுகிறது, அதே நேரத்தில் அதன் ஆக்ஸிஜனேற்றிகள் சருமத்தை மேலும் சேதத்திலிருந்து பாதுகாக்கின்றன.
- எப்படி பயன்படுத்துவது?: வெள்ளரிக்காயை வட்ட வட்டமாக நறுக்கி சன் - டேன்னான பகுதியில் 15 நிமிடங்களுக்கு வைக்கவும். மேலும், நன்மைகளுக்கு வெள்ளரிகளை முகத்தில் மசாஜ் செய்து பின்னர் சுத்தமான நீரில் கழுவவும். வெள்ளரியில் உள்ள அதிக நீர்ச்சத்து மற்றும் கூலிங் பண்பு, வெயிலால் சேதமடைந்த பகுதிக்கு ஆறுதலாக செயல்படும்.
கடலை மாவு மற்றும் மஞ்சள்: கடலை மாவு இறந்த சரும செல்களை அகற்ற உதவும் ஒரு இயற்கையான எக்ஸ்ஃபோலியண்ட் ஆகும். அதே நேரத்தில் மஞ்சள் அதன் ஒளிரும் பண்புகளுக்கு பெயர் பெற்றது. இவை இரண்டும் சேர்ந்து, கருத்து போன சருமத்தை மீட்பதோடு மென்மையான சருமத்தை தக்கவைக்க உதவுகிறது.
- எப்படி பயன்படுத்துவது?: ஒரு டேபிள் ஸ்பூன் கடலை மாவில் ஒரு சிட்டிகை மஞ்சள் தூள் மற்றும் தண்ணீர் சேர்த்து கலந்து முகத்தில் ஸ்கரப் செய்யவும். 5 முதல் 10 நிமிடங்களுக்கு பின்னர் தண்ணீரில் கழுவவும். இந்த பேஸ் பேக் சருமத்தில் இறந்த செல்களை அகற்றுவதோடு, கருத்து போன சருமத்தை மீட்கிறது.
தக்காளி: தக்காளியில் லைகோபீன் நிறைந்துள்ளது, இது ஒரு ஆக்ஸிஜனேற்றியாகும். இது சூரிய ஒளியால் ஏற்படும் சேதத்தை எதிர்த்துப் போராடவும் சருமத்தை ஒளிரச் செய்யவும் உதவுகிறது. தக்காளியின் இயற்கையான ப்ளீச்சிங் பண்புகள் நிறமி மற்றும் கருமையான நிறத்தை திறம்பட குறைக்க உதவுகின்றன.
- எப்படி பயன்படுத்துவது?: தக்காளியை பிழிந்து அந்த சாற்றை முகத்தில் தடவவும். 20 நிமிடங்களுக்கு பின்னர் தண்ணீரில் கழுவவும். தக்காளி சாற்றில் வைட்டமின்கள் ஏ மற்றும் சி நிறைந்துள்ளன, இவை இரண்டும் சருமத்தைப் புத்துணர்ச்சியடையச் செய்து சூரிய ஒளியினால் பாதிப்படைந்த சருமத்தை மீட்க உதவுகிறது.
இதையும் படிங்க: |
ஈடிவி பாரத் வாட்ஸ்ஆப் சேனலில் இணைய இங்கே கிளிக் செய்யவும்
பொறுப்புத் துறப்பு: இங்கு, உங்களுக்கு வழங்கப்படும் அனைத்து தகவல்களும், பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை நாங்கள் வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது அவசியமாகும்.
அண்மை செய்திகளை உடனுக்குடன் படிக்க, எங்களைக் கூகுள் நியூஸ், யூடியூப், பேஸ்புக், இன்ஸ்டாகிராம், எக்ஸ் போன்ற சமூக வலைத்தள பக்கங்களில் பின் தொடருங்கள்.
