இளநீரில் உடலுக்குத் தேவையான ஊட்டச்சத்துக்கள் நிறைந்துள்ளன. இதில் உள்ள சில கூறுகள் செரிமானத்தை ஊக்குவிக்கின்றன மற்றும் நாள்பட்ட நோய்களைத் தடுக்கின்றன. இந்நிலையில், கோடை காலம் தொடங்கியுள்ள நிலையில், தினமும் காலையில் வெறும் வயிற்றில் இளநீர் குடித்தால் என்ன மாற்றம் ஏற்படும்? என்பதை தெரிந்து கொள்ளலாம் வாங்க.
- தினசரி இளநீர் குடிப்பது பல ஆரோக்கிய நன்மைகளுடன் தொடர்பு கொண்டுள்ளது. தினசரி காலையில் வெறும் வயிற்றில் இளநீர் குடிப்பது நாள் முழுவதும் உடலை நீரேற்றத்துடன் வைத்திருக்கும். இது உடலில் உள்ள நீர்ச்சத்து குறைபாட்டையும் பூர்த்தி செய்கிறது.
- வெறும் வயிற்றில் இளநீர் குடிப்பது உடலின் நோய் எதிர்ப்பு சக்தியை அதிகரிக்கிறது. தொற்றுகள் மற்றும் பருவகால நோய்களிலிருந்து உடலை பாதுகாக்கிறது. பருவகால நோய்களால் அவதிப்படுபவர்கள் இளநீரை தவறாமல் குடிக்க பரிந்துரைக்கப்படுகிறது.
- தினமும் காலையில் இளநீர் குடிப்பது இதயம் தொடர்பான பிரச்சினைகளில் இருந்து நிவாரணம் தருவதாக கூறப்படுகிறது. உடலில் உள்ள கெட்ட கொழுப்பைக் குறைப்பதில் இளநீரில் உள்ள சில பண்புகள் முக்கிய பங்கு வகிக்கின்றன. இது இதயத்தை வலுப்படுத்தவும் உதவுகிறது.
- இளநீரில் எலக்ட்ரோலைட்டுகள் உள்ளன. இவை உடலை புத்துணர்ச்சியுடன் வைத்திருக்கும். தொற்றுநோயால் பாதிக்கப்பட்டவர்கள் இளநீர் குடிப்பது நல்லது. மேலும், இரத்த அழுத்தம், சர்க்கரை மற்றும் இதய நோய்களும் கட்டுப்பாட்டில் இருக்கும்.
- உடல் எடையை கட்டுக்குள் வைக்க, தினசரி இளநீர் குடிக்கலாம். இளநீர் சருமத்தை ஈரப்பதமாகவும் பளபளப்பாகவும் மாற்றவும் பயனுள்ளதாக இருக்கும். நோய் எதிர்ப்பு சக்தியை அதிகரிக்க இளநீர் குடிப்பது அவசியம்.
தேசிய சுகாதார நிறுவனத்தின் (NIH) கூற்றுப்படி , இளநீரில் பல ஊட்டச்சத்துக்கள் இருக்கின்ற என்கிறது. அவை என்னென்ன என்பதை தெரிந்து கொள்ளலாம்.
- இளநீரில் பொட்டாசியம் மற்றும் மெக்னீசியம் உள்ளன. அவை சிறுநீரக செயல்பாடு, தசை பிடிப்பு மற்றும் இரத்த சர்க்கரையை ஒழுங்குபடுத்த உதவுகின்றன.
- இளநீர் தலை புற்றுநோயுடன் தொடர்புடைய வீக்கத்தைத் தடுக்கவும், மார்பக புற்றுநோய் செல்களின் வளர்ச்சியைத் தாமதப்படுத்தவும் உதவும்.
- இளநீரில் பாக்டீரியாக்களை எதிர்த்துப் போராட உதவும் ஆண்டிமைக்ரோபியல் பெப்டைடுகள் உள்ளன.
- இதில் கேட்டசின்கள் உள்ளன. அவை ஆக்ஸிஜனேற்ற பண்புகளைக் கொண்டுள்ளன.
- எலக்ட்ரோலைட்டுகள்: இளநீர் பொட்டாசியம், சோடியம் மற்றும் மெக்னீசியம் போன்ற எலக்ட்ரோலைட்டுகளின் சிறந்த மூலமாகும். இந்த தாதுக்கள் உடலில் திரவ சமநிலையை பராமரிக்க உதவுகின்றன.
- நீரேற்றம்: இளநீர் நீரேற்றத்திற்கான இயற்கையான மூலமாகும். நீரிழப்பிற்கு காரணமாக இருக்கும், சர்க்கரை அல்லது அதிக கலோரி கொண்ட பானங்களுக்கு ஒரு சிறந்த மாற்றாகும்.
- குளிர்ச்சியூட்டும் பண்புகள்: இளநீரில் இயற்கையான குளிர்ச்சியூட்டும் பண்புகள் உள்ளன, அவை உடல் வெப்பநிலையை சீராக்கவும் வெப்ப அழுத்தத்தைக் குறைக்கவும் உதவும்.
- ஊட்டச்சத்துக்கள்: இளநீரில் கால்சியம், இரும்புச்சத்து மற்றும் வைட்டமின் சி போன்ற ஊட்டச்சத்துக்கள் நிறைந்துள்ளன. இது நோய் எதிர்ப்பு சக்தியை அதிகரிக்கவும் உடலில் ஏற்படும் வீக்கத்தைக் குறைக்கவும் உதவும். வெயிலின் தாக்கம் அதிகமாக இருக்கும் நிலையில், தினசரி இளநீர் குடிப்பது அவசியம்.
இதையும் படிங்க: அடிக்கிற வெயிலுக்கு எலுமிச்சை பழத்தில் 3 வகை ஜூஸ்; மிக்ஸியில் ஈஸியா செய்யலாம்!
பொறுப்புத் துறப்பு: இங்கு, உங்களுக்கு வழங்கப்படும் அனைத்து தகவல்களும், பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை நாங்கள் வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது நல்லது என்பதை குறிப்பிடுகிறோம்.
