சென்னை: இந்தியாவில் தொடர்ந்து அதிகரித்து வரும் தங்கத்தின் விலை கடந்த இரண்டு நாட்களாக சொற்ப அளவு குறைந்துள்ளது. அந்த வகையில், நேற்று கிராமுக்கு ரூ.15-ம், இன்று கிராமுக்கு ரூ.35-ம் குறைந்து, தங்கம் விலை ஒரு கிராம் ரூ.8,720 ஆகவும், ஒரு சவரன் ரூ.69,760 ஆகவும் சென்னையில் விற்பனையாகிறது.
கடந்த இரண்டு நாட்களாக தங்கம் விலை குறைந்த நிலையில், இன்று தங்கத்தின் விலை மீண்டும் 70 ஆயிரத்துக்கு கீழ் வந்துள்ளது. ஆனால், தொடர்ந்து இரண்டு மூன்று நாட்கள் குறையும் தங்கத்தின் விலை, திடீரென தாறுமாறாக அதிகரிப்பதால் நகைப்பிரியர்கள் பதறுகின்றனர்.
ஏனென்றால், ஏப்ரல் முதல் வாரத்தில் ரூ.2,500 வரை குறைந்த தங்கம் விலை இரண்டாவது வாரத்தில் தடபுடலாக ரூ.4,500 வரை அதிகரித்தது. எள்ளளவு குறைந்து, மலையளவு தங்கம் விலை உயருவதால் நாளுக்கு நாள் தங்கம் வாங்க வேண்டும் என்ற சாமானிய மக்களின் கனவு எட்டாக்கனியாக மாறி வருகிறது.
அதாவது, ஏப்ரல் 12-ஆம் தேதி ஒரு சவரன் தங்கம் விலை ரூ.200 அதிகரித்து ரூ.70,120 ஆகவும், ஒரு கிராம் தங்கம் விலை ரூ.25 உயர்ந்து ரூ.8,770-க்கும் விற்பனையான நிலையில், தற்போது சவரனுக்கு ரூ.280 குறைந்துள்ளது.
அந்த வகையில், இன்றைய நிலவரப்படி சென்னையில், 22 கேரட் ஆபரணத் தங்கத்தின் விலை கிராமுக்கு ரூ.35 குறைந்து 8,720-க்கும்; சவரனுக்கு ரூ.280 குறைந்து ரூ.69,760-க்கும் விற்பனை செய்யப்படுகிறது. அதேபோல, வெள்ளி கிராமுக்கு 0.10 பைசா குறைந்து, ரூ.109.80-க்கும், கிலோ ரூ.100 குறைந்து ரூ.1,09,800-க்கும் விற்பனையாகிறது.
இன்றைய தங்கம் மற்றும் வெள்ளி விலை நிலவரம் (ஏப்ரல் 15):
- 1 கிராம் தங்கம் (22 கேரட்) - ரூ.8,720
- 1 சவரன் தங்கம் (22 கேரட்) - ரூ.69,760
- 1 கிராம் தங்கம் (24 கேரட்) - ரூ.9,518
- 1 சவரன் தங்கம் (24 கேரட்) - ரூ.76,144
- 1 கிராம் தங்கம் (18 கேரட்) - ரூ.7,225
- 1 சவரன் தங்கம் (18 கேரட்) - ரூ.57,800
- 1 கிராம் வெள்ளி - ரூ.109.80
- 1 கிலோ வெள்ளி - ரூ.1,09,800
கடந்த ஏழு நாட்களின் தங்கம் விலை நிலவரம்:
| வ.எண் | தேதி | வித்தியாசம் | சவரன் விலை (ரூ) |
| 1. | ஏப்ரல் 15 | ரூ.8,720 (-35) | ரூ.69,760 |
| 2. | ஏப்ரல் 14 | ரூ.8,755 (-15) | ரூ.70,040 |
| 3. | ஏப்ரல் 13 | ரூ.8,770 (0) | ரூ.70,160 |
| 4. | ஏப்ரல் 12 | ரூ.8,770 (+25) | ரூ.70,160 |
| 5. | ஏப்ரல் 11 | ரூ.8,745 (+185) | ரூ.69,960 |
| 6. | ஏப்ரல் 10 | ரூ.8,560 (+270) | ரூ.68,480 |
| 7. | ஏப்ரல் 9 | ரூ.8,290 (+65) | ரூ.66,320 |
பெட்ரோல் டீசல் விலை:
சென்னையில் இன்று ஒரு லிட்டர் பெட்ரோல் ரூ.101.03 -க்கும், ஒரு லிட்டர் டீசல் ரூ.92.61 -க்கும், எல்பிஜி வீட்டு உபயோக சிலிண்டர் விலை ரூ.868.50-க்கும், இயற்கை எரிவாயு ஒரு கிலோ ரூ.91.50 -க்கும் விற்பனை செய்யப்பட்டு வருகிறது.
ஈடிவி பாரத் வாட்ஸ்ஆப் சேனலில் இணைய இங்கே கிளிக் செய்யவும்
அண்மை செய்திகளை உடனுக்குடன் படிக்க, எங்களை கூகுள் நியூஸ், யூடியூப், பேஸ்புக், இன்ஸ்டாகிராம், எக்ஸ் போன்ற சமூக வலைத்தள பக்கங்களில் பின் தொடருங்கள்.
