ਸੰਗਰੂਰ: ਅਜਿਹਾ ਹੀ ਇੱਕ ਗ਼ਰੀਬ ਪਰਿਵਾਰ ਨਾਲ ਸਬੰਧਤ ਸੰਗਰੂਰ ਜ਼ਿਲ੍ਹੇ ਦੇ ਧੂਰੀ ਦਾ ਨੌਜਵਾਨ ਦਲਜੀਤ ਸਿੰਘ ਹੈ ਜਿਸ ਦੀ ਆਵਾਜ਼ ਦਾ ਆਪਣਾ ਹੀ ਅਨੋਖਾ ਜਾਦੂ ਹੈ। ਘਰ ਵਿੱਚ ਗਰੀਬੀ ਤਾਂ ਭਰੀ ਪਈ ਹੈ, ਪਰ ਇਸ ਹੀਰੇ ਦੀ ਚਮਕ ਨੂੰ ਛੁਪਾ ਨਹੀਂ ਸਕੀ। 15 ਸਾਲ ਦੇ ਮੁੰਡੇ ਦੀ ਆਵਾਜ਼ ਸੁਣ ਕੇ ਕੇਰਾਂ ਤਾਂ ਰਾਹਤ ਫਤਿਹ ਅਲੀ ਖਾਨ ਚੇਤੇ ਆ ਜਾਂਦਾ ਹੈ। ਉਸ ਦਾ ਮਜ਼ਦੂਰ ਪਿਤਾ ਵੀ ਗਾਇਕੀ ਦਾ ਸ਼ੌਕੀਨ ਸੀ, ਪਰ ਗਰੀਬੀ ਕਾਰਨ ਗਾਇਕੀ ਦਾ ਸੁਪਨਾ ਪੂਰਾ ਹੁੰਦਾ ਵਿਖਾਈ ਨਹੀਂ ਦੇ ਰਿਹਾ।
ਪਿਉ-ਪੁੱਤ ਦੋਨਾਂ ਨੂੰ ਗਾਉਣ ਦਾ ਸ਼ੌਂਕ: ਦਲਜੀਤ ਦੀ ਮਾਤਾ ਬਿਮਾਰ ਹੋਣ ਕਾਰਨ ਪਿਤਾ ਦੀ ਮਜਦੂਰੀ ਦੇ ਪੈਸੇ ਜ਼ਿਆਦਾਤਰ ਬਿਮਾਰੀ 'ਤੇ ਹੀ ਖ਼ਰਚ ਹੋ ਜਾਂਦੇ ਹਨ, ਜਿਸ ਕਾਰਨ ਨਾ ਤਾਂ ਉਹ ਚੰਗੇ ਸਕੂਲ ਵਿੱਚ ਪੜ੍ਹ ਸਕਿਆ ਹੈ ਅਤੇ ਨਾ ਹੀ ਆਪਣੇ ਸ਼ੌਕ ਨੂੰ ਪੂਰਾ ਕਰ ਸਕਦਾ ਹੈ। ਦਲਜੀਤ ਨੇ ਆਪਣੇ ਪਿਤਾ ਤੋਂ ਹੀ ਗਾਉਣਾ ਸਿੱਖਆ ਹੈ, ਜੋ ਕਿ ਮਜ਼ਦੂਰੀ ਦਾ ਕੰਮ ਕਰਦੇ ਹਨ। ਜਦੋਂ ਦੋਵੇਂ ਪਿਉ ਪੁੱਤ ਗੀਤ ਗਾਉਂਦੇ ਹਨ ਤਾਂ ਹਵਾ ਮਹਿਕ ਉਠਦੀ ਹੈ, ਪਰ ਗਰੀਬੀ ਨੇ ਇਥੇ ਆਪਣਾ ਘਰ ਬਣਾ ਰੱਖਿਆ ਹੈ।
ਗਰੀਬੀ ਦਾ ਸਾਇਆ, ਪਰ ਚੰਗੇ ਦਿਨਾਂ ਦੀ ਉਮੀਦ: ਦਲਜੀਤ ਦੇ ਪਿਤਾ ਨੇ ਦੱਸਿਆ ਕਿ ਉਸ ਨੂੰ ਬਚਪਨ ਤੋਂ ਹੀ ਗਾਉਣ ਦਾ ਸ਼ੌਕ ਸੀ। ਪਰ, ਗਰੀਬੀ ਨੇ ਉਨ੍ਹਾਂ ਨੂੰ ਆਪਣਾ ਗੁਲਾਮ ਬਣਾ ਦਿੱਤਾ ਹੈ। ਪਿਤਾ ਨੂੰ ਗਾਉਣ ਦਾ ਸ਼ੌਕ ਸੀ, ਪਰ ਗਰੀਬੀ ਕਾਰਨ ਉਸ ਦੇ ਸੁਪਨੇ ਚਕਨਾਚੂਰ ਹੋ ਗਏ ਹਨ, ਪਰੰਤੂ ਹੁਣ ਉਹ ਨਹੀਂ ਚਾਹੁੰਦਾ ਕਿ ਉਸਦੇ ਪੁੱਤ ਨਾਲ ਵੀ ਅਜਿਹਾ ਹੀ ਹੋਵੇ। ਇਸ ਲਈ ਉਹ ਇਸ ਪ੍ਰਤਿਭਾ ਨੂੰ ਅੱਗੇ ਵਧਾਉਣ ਲਈ ਬੇਨਤੀ ਕਰ ਰਿਹਾ ਹੈ। ਦਲਜੀਤ ਦੇ ਪਿਤਾ ਨੂੰ ਚੰਗੇ ਦਿਨਾਂ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ: ਅਡਾਨੀ ਗਰੁੱਪ ਨੂੰ ਮਿਲਿਆ ਧਾਰਾਵੀ ਦਾ ਪੁਨਰ ਵਿਕਾਸ ਪ੍ਰੋਜੈਕਟ, 5069 ਕਰੋੜ 'ਚ ਦੁਨੀਆ ਦੇ ਸਭ ਤੋਂ ਵੱਡੇ ਸਲਮ ਏਰੀਆ ਦੀ ਬਦਲੇਗੀ ਨੁਹਾਰ
