ਜੀ.ਓ.ਜੀ ਪ੍ਰਦਰਸ਼ਨਕਾਰੀਆਂ ਵੱਲੋਂ ਪੰਜਾਬ ਦੀ ਮਾਨ ਸਰਕਾਰ ਨੂੰ ਚਿਤਾਵਨੀ

author img

By

Published : Dec 3, 2022, 1:35 PM IST

Updated : Dec 3, 2022, 2:38 PM IST

Warning by GOG protestors to the honorable government

ਜੀਓਜੀ ਪ੍ਰਦਰਸ਼ਨਕਾਰੀਆਂ ਵੱਲੋਂ ਆਪਣੀਆਂ ਹੱਕੀ ਮੰਗਾਂ ਨੂੰ ਲੈ ਕੇ ਪੰਜਾਬ ਦੀ ਆਪ ਸਰਕਾਰ ਵਿਰੁੱਧ ਲਗਾਤਾਰ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ। ਹੁਣ ਉਨ੍ਹਾਂ ਨੇ ਮੰਗਾਂ ਨਾ ਮੰਨੇ ਜਾਣ ਉੱਤੇ ਮੁੱਖ ਮੰਤਰੀ ਦਾ ਘਿਰਾਓ ਕਰਨ ਦਾ ਐਲੈਨ ਕੀਤਾ ਹੈ।

ਮੋਗਾ: ਸਾਬਕਾ ਫੌਜੀ ਜੋ ਸਰਕਾਰੀ ਸਕੀਮਾਂ ਨੂੰ ਲੋਕਾਂ ਤੱਕ ਪਹੁੰਚਾ ਰਹੇ ਸਨ ਅਤੇ ਗ੍ਰਾਂਟਾ ਉੱਤੇ ਬਾਜ ਅੱਖ ਰੱਖ ਕੇ ਸਰਕਾਰ ਨੂੰ ਗਰਾਉਡ ਤੋਂ ਰਿਪੋਰਟ ਭੇਜਦੇ ਸਨ, ਉਸ ਨੂੰ ਭਗਵੰਤ ਮਾਨ ਸਰਕਾਰ ਨੇ ਚੱਲਦਾ ਕਰ ਦਿੱਤਾ ਸੀ ਜਿਸ ਦੇ ਰੋਸ ਵਿੱਚ ਜੀਓਜੀ ਸਮੇਂ-ਸਮੇਂ ਉੱਤੇ ਸੰਘਰਸ਼ ਕਰ ਰਿਹਾ ਹੈ। ਹੁਣ ਭਗਵੰਤ ਮਾਨ ਦੀ ਕੋਠੀ ਘੇਰਨ ਦੀ ਤਿਆਰੀ ਕਰ ਰਹੇ ਹਨ। ਇਸ ਮੌਕੇ ਪੰਜਾਬ ਪ੍ਰਧਾਨ ਕੈਪਟਨ ਜਰਨੈਲ ਸਿੰਘ ਨੇ ਕਿਹਾ 9 ਸਤੰਬਰ ਤੋ ਲੈ ਕੇ ਜੀ.ਓ.ਜੀ ਨੂੰ ਚੱਲਦੇ ਕਰ ਦਿੱਤਾ, ਪਰ ਮੁੱਖ ਮੰਤਰੀ ਨੇ ਟਾਇਮ ਦੇ ਕੇ ਵੀ ਸਾਨੂੰ ਨਹੀ ਮਿਲੇ।


ਉਨ੍ਹਾਂ ਕਿਹਾ ਕਿ ਅਸੀ ਵੀ ਸੰਗਰੂਰ ਵਿੱਚ ਮੁੱਖ ਮੰਤਰੀ ਦੀ ਕੋਠੀ ਅੱਗੇ ਪੱਕਾ ਧਰਨਾ ਦੇਵਾਂਗੇ। ਉਨ੍ਹਾਂ ਕਿਹਾ ਸਾਡੀ ਗਿਆਰਾ ਹਜ਼ਾਰ ਤੋ ਵੱਧ ਰਿਪੋਰਟਾਂ ਪਈਆ, ਪਰ ਕੋਈ ਵੀ ਰਿਪੋਰਟ ਨਹੀ ਦੇਖੀ ਅਤੇ ਸਾਡੇ 'ਤੇ ਦੋਸ਼ ਲਾਇਆ ਕਿ ਇਹ ਕੰਮ ਨਹੀ ਕਰਦੇ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ 'ਤੇ ਕਾਰਵਾਈ ਕਰਨੀ ਸੀ ਭ੍ਰਿਸ਼ਟਾਚਾਰੀ ਸਨ। ਉਨ੍ਹਾਂ ਨੂੰ ਕੁਝ ਨਹੀ ਕਿਹਾ, ਸਗੋਂ ਸਾਨੂੰ ਭ੍ਰਿਸ਼ਟਾਚਾਰ ਰੋਕਣ ਵਾਲਿਆ ਨੂੰ ਬਿਨਾਂ ਨੋਟਿਸ ਬਿਨਾਂ ਦੱਸੇ ਹਟਾ ਦਿਤਾ। ਇਹ ਆਮ ਸਰਕਾਰ ਨਹੀ ਬਹੁਤ ਖਾਸ ਸਰਕਾਰ ਬਣ ਗਈ ਹੈ। ਹੁਣ ਵੀ ਮਾਨ ਸਾਹਿਬ ਪਹਿਲਾਂ ਵਾਂਗ ਸਟੇਜਾਂ ਉੱਤੇ ਸ਼ੋਅ ਹੀ ਕਰ ਰਹੇ ਹਨ।

ਜੀ.ਓ.ਜੀ ਪ੍ਰਦਰਸ਼ਨਕਾਰੀਆਂ ਵੱਲੋਂ ਪੰਜਾਬ ਦੀ ਮਾਨ ਸਰਕਾਰ ਨੂੰ ਚਿਤਾਵਨੀ

ਫੌਜਾ ਸਿੰਘ ਸਰਾਰੀ ਉੱਤੇ ਕੋਈ ਕਾਰਵਾਈ ਨਹੀਂ: ਉਨ੍ਹਾਂ ਕਿਹਾ ਅਸੀ ਬਾਰਡਰਾਂ 'ਤੇ ਰਾਖੀ ਕੀਤੀ ਤੇ ਇਹ ਰਜਾਈਆ ਵਿੱਚ ਸੌਣ ਵਾਲੇ ਹਨ। ਹੁਣ ਆਮ ਸਰਕਾਰ ਨਹੀ ਖ਼ਾਸ ਹੋ ਗਈ ਹੈ। ਫੌਜਾ ਸਿੰਘ ਸਰਾਰੀ ਉੱਤੇ ਕੋਈ ਕਾਰਵਾਈ ਨਹੀ ਕੀਤੀ, ਸਗੋ ਕੰਮ ਕਰਨ ਵਾਲਿਆ ਨੂੰ ਹਟਾ ਦਿੱਤੇ। ਸਰਕਾਰ ਅਨਾੜੀ, ਮੁੱਖ ਮੰਤਰੀ ਵੀ ਅਨਾੜੀ ਹੈ, ਜਿਨਾ ਨੂੰ ਇਹ ਨਹੀ ਪਤਾ ਕਿ ਤਹਿਸੀਲਦਾਰ ਨੂੰ ਆਪਣੇ ਦਫ਼ਤਰ ਸੱਦਣਾ ਜਾਂ ਉਸ ਦੇ ਦਫ਼ਤਰ ਵਿੱਚ ਬੈਠਣਾ ਹੈ।

ਉਨ੍ਹਾਂ ਕਿਹਾ ਕਿ ਇਹ ਸਰਕਾਰ ਬਦਲਾ ਖੋਰੀ ਦੀ ਨੀਤੀ ਸਮਝਦੀ ਹੈ ਜੋ ਗ੍ਰਾਂਟਾ ਨੇ ਉਹ ਕਾਂਗਰਸ ਦੀਆਂ ਲੱਗ ਰਹੀਆਂ, ਇਨ੍ਹਾਂ ਹਰ ਥਾਂ ਆਪਣੇ ਬੰਦੇ ਬਠਾ ਦਿੱਤੇ। ਸਾਡੇ ਪਿੰਡਾ ਦੇ ਸਰਕਾਰੀ ਸਕੂਲ, ਹਸਪਤਾਲ ਅਸੀ ਚੈਕ ਕਰਦੇ ਸੀ, ਤਾਂ ਹੀ ਵਧੀਆ ਰਿਜਲਟ ਆਏ। ਇਹ ਇੰਨੀ ਮਾੜੀ ਸਰਕਾਰ ਕਿ ਪਾਰਟੀਆ ਦਾ ਖੋਰ ਇਕੱਠਾ ਕਰਕੇ ਆਪ ਪਾਰਟੀ ਬਣੀ ਹੈ। ਹੁਣ ਪੱਕੇ ਤੌਰ ਉੱਤੇ ਧਰਨਾ ਚੱਲੇਗਾ ਜਦ ਤੱਕ ਸਾਨੂੰ ਬਹਾਲ ਨਹੀ ਕਰਦੇ।



ਇਹ ਵੀ ਪੜ੍ਹੋ: ਬਿਹਾਰ ਦਾ ਕਾਰਜਕਾਰੀ ਇੰਜੀਨੀਅਰ 2 ਲੱਖ ਦੀ ਰਿਸ਼ਵਤ ਲੈਂਦਿਆਂ ਗ੍ਰਿਫਤਾਰ, 20 ਲੱਖ ਦੀ ਨਕਦੀ ਬਰਾਮਦ

Last Updated :Dec 3, 2022, 2:38 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.