ਚੰਡੀਗੜ੍ਹ: ਕੋਰੋਨਾ ਵਾਇਰਸ ਨੂੰ ਲੈ ਕੇ ਸਾਰੇ ਪਾਸੇ ਅਹਿਤਿਆਤ ਵਰਤੇ ਜਾ ਰਹੇ ਹਨ। ਜਿੱਥੇ ਭਾਰਤ ਦਾ ਨਮਸਤੇ, ਸਤਿ ਸ਼੍ਰੀ ਅਕਾਲ ਅਦਾ ਕਰਨ ਦਾ ਲੋਹਾ ਪੂਰੀ ਦੁਨੀਆ ਨੇ ਮੰਨਿਆ ਹੈ ਉੱਥੇ ਹੀ ਪੀਜੀਆਈ ਵੱਲੋਂ ਹੁਣ ਇਸ ਲਈ ਖ਼ਾਸ ਬੈਚ ਵੀ ਤਿਆਰ ਕੀਤੇ ਗਏ ਹਨ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪੀਜੀਆਈ ਦੇ ਡਾਕਟਰ ਰਵਿੰਦਰਾ ਖੈਵਾਲ ਨੇ ਦੱਸਿਆ ਕਿ ਉਨ੍ਹਾਂ ਵੱਲੋਂ ਇਹ ਬੈਚ ਉਨ੍ਹਾਂ ਦੀ ਪੂਰੀ ਟੀਮ ਦੇ ਨਾਲ ਤਿਆਰ ਕੀਤੇ ਗਏ ਹਨ ਜਿਸ ਵਿੱਚ ਇੱਕ ਸ਼ੀਲਡ ਬਣਾਈ ਗਈ ਹੈ ਜੋ ਕਿ ਦਰਸਾਉਂਦੀ ਹੈ ਕਿ ਕੋਰੋਨਾ ਵਾਇਰਸ ਲਈ ਕਿਸ-ਕਿਸ ਚੀਜ਼ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਇਸ ਬੈਚ ਦੇ ਉੱਤੇ ਸਭ ਤੋਂ ਪਹਿਲਾਂ ਹੱਥ ਧੋਣ ਬਾਰੇ ਫਿਰ ਯੋਗਾ, ਮੈਡੀਟੇਸ਼ਨ ਬਾਰੇ ਫਿਰ ਸੰਤੁਲਿਤ ਖਾਣ ਪੀਣ ਬਾਰੇ ਸਫਭ ਕੁੱਝ ਲਿਖਿਆ ਹੋਇਆ ਹੈ। ਇਸ ਬਾਰੇ ਤਨਵੀਰ ਦਾ ਕਹਿਣਾ ਸੀ ਕਿ ਇਹ ਬੈਚ ਲੋਕਾਂ ਦੇ ਵਿੱਚ ਜਾਗਰੂਕਤਾ ਫੈਲਾਉਣ ਦਾ ਕੰਮ ਕਰੇਗਾ।
ਡਾ. ਰਵਿੰਦਰਾ ਖੈਵਾਲ ਨੇ ਦੱਸਿਆ ਕਿ ਇਸ ਬੈਚ ਦੀ ਡਿਜ਼ੀਟਲ ਕਾਪੀ ਸਾਰੇ ਪਾਸੇ ਸਰਕੂਲੇਟ ਕਰ ਦਿੱਤੀ ਗਈ ਹੈ ਅਤੇ ਪੀਜੀਆਈ ਦੇ ਵੱਲੋਂ ਵੀ ਜਾਰੀ ਕੀਤਾ ਗਿਆ ਹੈ।
