ਤਿਰੂਵਨੰਤਪੁਰਮ: 1983 ਦੇ ਕ੍ਰਿਕਟ ਵਿਸ਼ਵ ਕੱਪ ਦੀ ਜਿੱਤ ਦੀ 40ਵੀਂ ਵਰ੍ਹੇਗੰਢ ਨੂੰ ਮਨਾਉਣ ਲਈ, ਕੇਰਲ ਦੇ ਇੱਕ ਸੇਵਾਮੁਕਤ ਕਾਲਜ ਪ੍ਰੋਫੈਸਰ ਨੇ ਇੱਕ ਸੰਗੀਤ ਵੀਡੀਓ ਅਤੇ ਇੱਕ ਕੈਲੰਡਰ ਲਾਂਚ ਕੀਤਾ ਹੈ। ਇਸ ਵਿੱਚ ਉਸ ਨੇ ਸਾਰੇ ਇਤਿਹਾਸਕ ਪਲਾਂ ਨੂੰ ਕੈਦ ਕੀਤਾ ਹੈ। ਪ੍ਰੋਫੈਸਰ ਐਮ.ਸੀ. ਵਸ਼ਿਸ਼ਟ, ਮਾਲਾਬਾਰ ਕ੍ਰਿਸਚੀਅਨ ਕਾਲਜ, ਕਾਲੀਕਟ ਦੇ ਇਤਿਹਾਸ ਵਿਭਾਗ ਦੇ ਸਾਬਕਾ ਮੁਖੀ ਹਨ। ਉਹ ਇੱਕ ਕ੍ਰਿਕਟ ਇਤਿਹਾਸਕਾਰ ਅਤੇ ਕਵੀ ਵੀ ਹੈ। ਉਸ ਨੇ ਇੱਕ ਗੀਤ ਤਿਆਰ ਕੀਤਾ ਹੈ ਅਤੇ ਭਾਰਤ ਦੀ ਪਹਿਲੀ ਵਿਸ਼ਵ ਕੱਪ ਜਿੱਤ ਦੇ 40ਵੇਂ ਸਾਲ ਦਾ ਜਸ਼ਨ ਮਨਾਉਣ ਲਈ ਇੱਕ ਕੈਲੰਡਰ ਲਾਂਚ ਕੀਤਾ ਹੈ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਇਸ ਗੀਤ ਦੇ ਬੋਲ ਮੇਰੇ ਹਨ, ਜਿਸ ਦੀ ਧੁਨ ਮੇਰੇ ਵਿਦਿਆਰਥੀ ਸਾਈਂ ਗਿਰਧਰ ਨੇ ਤਿਆਰ ਕੀਤੀ ਹੈ ਅਤੇ ਗਾਇਆ ਹੈ। ਗੀਤ ਅਤੇ ਕੈਲੰਡਰ ਦਾ ਮਕਸਦ 'ਰਾਸ਼ਟਰੀ ਏਕਤਾ ਲਈ ਕ੍ਰਿਕਟ' ਦੇ ਸੰਦੇਸ਼ ਨੂੰ ਅੱਗੇ ਵਧਾਉਣਾ ਹੈ।

ਯਾਦਗਰ ਪਲ ਨੂੰ ਕੀਤਾ ਸਾਂਝਾ: ਇਤਿਹਾਸਕ ਜਿੱਤ ਨਾਲ ਸਬੰਧਤ ਤਸਵੀਰਾਂ ਵਿੱਚ ਕੈਪਚਰ ਕੀਤੇ ਗਏ ਕਈ ਕ੍ਰਿਕਟ ਪਲਾਂ ਤੋਂ ਇਲਾਵਾ, ਕੈਲੰਡਰ ਵਿੱਚ ਸਭ ਤੋਂ ਪ੍ਰਭਾਵਸ਼ਾਲੀ ਦ੍ਰਿਸ਼ਟੀਕੋਣ ਜੇਤੂ ਭਾਰਤੀ ਕ੍ਰਿਕਟ ਟੀਮ ਦੀ ਤਨਖਾਹ ਸਲਿੱਪ ਹੈ। ਇਹ 9 ਸਤੰਬਰ 1983 ਨੂੰ ਵਨਡੇ ਮੈਚ ਲਈ ਭਾਰਤੀ ਟੀਮ ਨੂੰ ਕੀਤੇ ਗਏ ਭੁਗਤਾਨ ਬਾਰੇ ਹੈ। ਸਾਰੇ ਖਿਡਾਰੀਆਂ ਅਤੇ ਟੀਮ ਮੈਨੇਜਰ ਬਿਸ਼ਨ ਸਿੰਘ ਬੇਦੀ ਨੂੰ ਤਿੰਨ ਦਿਨਾਂ ਲਈ 200 ਰੁਪਏ ਰੋਜ਼ਾਨਾ ਭੱਤਾ ਦਿੱਤਾ ਗਿਆ। ਇਸ ਦੇ ਨਾਲ ਹੀ 1,500 ਰੁਪਏ ਦੀ ਮੈਚ ਫੀਸ ਵੀ ਅਦਾ ਕੀਤੀ ਗਈ, ਜਿਸ ਨਾਲ ਕੁੱਲ ਭੁਗਤਾਨ 2,100 ਰੁਪਏ ਹੋ ਗਿਆ।

1. Akash Madhwal: ਇੰਜੀਨੀਅਰ ਆਕਾਸ਼ ਨੇ ਐਲੀਮੀਨੇਟਰ 'ਚ ਬਣਾਏ 4 ਰਿਕਾਰਡ, ਅਜਿਹਾ ਸੀ ਉਨ੍ਹਾਂ ਦਾ ਕਰੀਅਰ
2. WTC Final : ਰਵੀ ਸ਼ਾਸਤਰੀ ਨੇ ਚੁਣੀ ਭਾਰਤ ਦੀ ਆਪਣੀ ਪਲੇਇੰਗ-11, ਜਾਣੋ ਕਿਸ ਨੂੰ ਮਿਲੀ ਥਾਂ ਤੇ ਕੌਣ ਬਾਹਰ
3. MI vs LSG 2023 IPL Playoffs : ਮੈਚ 'ਚ ਜਿੱਤ-ਹਾਰ ਦੇ ਇਹ ਸੀ ਕਾਰਨ, ਆਕਾਸ਼ ਮਧਵਾਲ ਨੇ ਕੀਤੀ ਇਸ ਦਿੱਗਜ ਦੀ ਬਰਾਬਰੀ

ਪਹਿਲੀ ਵਾਰ ਵਿਸ਼ਵ ਕੱਪ ਟਰਾਫੀ: ਹਰੇਕ ਖਿਡਾਰੀ ਨੇ 2,100 ਰੁਪਏ ਦੀ ਰਾਸ਼ੀ ਪ੍ਰਾਪਤ ਕਰਨ 'ਤੇ ਹਸਤਾਖਰ ਵੀ ਕੀਤੇ ਹਨ। ਵਸ਼ਿਸ਼ਟ ਨੇ ਕਿਹਾ ਕਿ 25 ਜੂਨ 2023 ਨੂੰ 1983 ਦੀ ਵਿਸ਼ਵ ਕੱਪ ਜੇਤੂ ਭਾਰਤੀ ਕ੍ਰਿਕਟ ਟੀਮ ਦੀ ਯਾਦ ਵਿੱਚ ਮੈਂ ਆਪਣੇ ਸਕੂਲ, ਮਾਲਾਬਾਰ ਕ੍ਰਿਸਚੀਅਨ ਕਾਲਜ ਹਾਇਰ ਸੈਕੰਡਰੀ ਸਕੂਲ, ਕੋਝੀਕੋਡ ਵਿੱਚ ਇੱਕ ਪ੍ਰਦਰਸ਼ਨੀ ਦਾ ਆਯੋਜਨ ਕਰ ਰਿਹਾ ਹਾਂ। ਅੱਜ ਦੇ ਦਿਨ 40 ਸਾਲ ਪਹਿਲਾਂ ਕਪਿਲ ਦੇਵ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਨੇ ਵਿਸ਼ਵ ਕੱਪ ਫਾਈਨਲ ਵਿੱਚ ਤਾਕਤਵਰ ਵੈਸਟਇੰਡੀਜ਼ ਨੂੰ ਹਰਾਇਆ ਸੀ। 25 ਜੂਨ 1983 ਨੂੰ ਭਾਰਤੀ ਟੀਮ ਨੇ ਪਹਿਲੀ ਵਾਰ ਵਿਸ਼ਵ ਕੱਪ ਟਰਾਫੀ ਜਿੱਤੀ। ਉਸ ਦੌਰਾਨ ਭਾਰਤ ਨੇ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਵੈਸਟਇੰਡੀਜ਼ ਨੂੰ 43 ਦੌੜਾਂ ਨਾਲ ਹਰਾਇਆ ਸੀ।