ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ 2023 ਦਾ 16ਵਾਂ ਸੀਜ਼ਨ ਹੁਣ ਆਪਣੇ ਆਖਰੀ ਪੜਾਅ 'ਤੇ ਹੋਰ ਵੀ ਰੋਮਾਂਚਕ ਹੋ ਗਿਆ ਹੈ। IPL ਦਾ ਐਲੀਮੀਨੇਟਰ ਮੈਚ 24 ਮਈ ਬੁੱਧਵਾਰ ਨੂੰ ਚੇਨਈ ਵਿੱਚ ਮੁੰਬਈ ਇੰਡੀਅਨਜ਼ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਾਲੇ ਖੇਡਿਆ ਜਾਵੇਗਾ। ਦੋਵਾਂ ਟੀਮਾਂ ਵਿਚਾਲੇ ਮੈਚ ਸ਼ਾਮ 7.30 ਵਜੇ ਚੇਨਈ ਦੇ ਐੱਮਏ ਚਿਦੰਬਰਮ ਸਟੇਡੀਅਮ 'ਚ ਸ਼ੁਰੂ ਹੋਵੇਗਾ। ਕੁਆਲੀਫਾਇਰ 2 'ਚ ਆਪਣੀ ਜਗ੍ਹਾ ਪੱਕੀ ਕਰਨ ਲਈ ਦੋਵੇਂ ਟੀਮਾਂ ਇਸ ਮੈਚ ਨੂੰ ਜਿੱਤਣਾ ਚਾਹੁਣਗੀਆਂ। ਇਸ ਕਾਰਨ ਅੱਜ ਦਾ ਮੈਚ ਕਾਫੀ ਰੋਮਾਂਚਕ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਮੁੰਬਈ ਅਤੇ ਲਖਨਊ ਦੀ ਪਲੇਇੰਗ ਇਲੈਵਨ ਵਿੱਚ ਕਿਸ ਖਿਡਾਰੀ ਨੂੰ ਮੌਕਾ ਮਿਲੇਗਾ ਅਤੇ ਕਿਸ ਨੂੰ ਬਾਹਰ ਬੈਠੇਗਾ।

ਐਲੀਮੀਨੇਟਰਜ਼ ਦੀ ਲੜਾਈ ਹੋਵੇਗੀ ਖਾਸ : ਮੁੰਬਈ ਇੰਡੀਅਨਜ਼ ਅਤੇ ਲਖਨਊ ਸੁਪਰਜਾਇੰਟਸ ਵਿਚਕਾਰ, ਸਖ਼ਤ ਐਲੀਮੀਨੇਟਰ ਮੈਚ ਦੇਖਣ ਨੂੰ ਮਿਲੇਗਾ। ਇਸ ਮੈਚ 'ਚ ਮੁੰਬਈ ਇੰਡੀਅਨਜ਼ 5 ਵਾਰ ਦੀ ਚੈਂਪੀਅਨ ਅਤੇ ਆਈਪੀਐੱਲ ਦੀ ਸਭ ਤੋਂ ਸਫਲ ਟੀਮ ਹੈ। ਦੂਜੇ ਪਾਸੇ, ਲਖਨਊ ਸੁਪਰ ਜਾਇੰਟਸ, ਜੋ ਆਈਪੀਐਲ 2022 ਵਿੱਚ ਡੈਬਿਊ ਕਰੇਗੀ। ਇਹ ਮੈਚ ਦੋਵਾਂ ਟੀਮਾਂ ਲਈ ਖਾਸ ਹੋਣ ਵਾਲਾ ਹੈ। ਕਿਉਂਕਿ ਇਹ ਮੈਚ ਹਾਰਨ ਵਾਲੀ ਟੀਮ IPL 2023 ਤੋਂ ਬਾਹਰ ਹੋ ਜਾਵੇਗੀ, ਇਸ ਮੈਚ ਨੂੰ ਜਿੱਤਣ ਵਾਲੀ ਟੀਮ ਸ਼ੁੱਕਰਵਾਰ, 26 ਮਈ ਨੂੰ ਕੁਆਲੀਫਾਇਰ 2 ਵਿੱਚ ਹਾਰਦਿਕ ਪੰਡਯਾ ਦੀ ਗੁਜਰਾਤ ਟਾਈਟਨਸ ਨਾਲ ਭਿੜੇਗੀ।

1. CSK vs GT Qualifier 1: ਗੁਜਰਾਤ ਟਾਈਟਨਜ਼ 15 ਦੌੜਾਂ ਨਾਲ ਹਾਰੀ, ਚੇਨੱਈ ਸੁਪਰ ਕਿੰਗਜ਼ ਰਿਕਾਰਡ 10ਵੀਂ ਵਾਰ ਫਾਈਨਲ 'ਚ ਪਹੁੰਚੀ
2. WTC Final 2023: ਭਾਰਤੀ ਟੀਮ ਦਾ ਪਹਿਲਾ ਜੱਥਾ ਇੰਗਲੈਂਡ ਲਈ ਰਵਾਨਾ, ਦੇਖੋ ਵੀਡੀਓ
3. ਲਖਨਊ ਲਈ ਮੁੰਬਈ ਦੀ ਪਲਟਨ ਨੂੰ ਪਾਰ ਕਰਨਾ ਨਹੀਂ ਹੋਵੇਗਾ ਆਸਾਨ, ਅੰਕੜੇ ਲਖਨਊ ਦੇ ਪੱਖ 'ਚ

ਫਾਈਨਲ ਵਿੱਚ ਕਿਹੜੀ ਟੀਮ ਸੀਐਸਕੇ ਦਾ ਕਰੇਗੀ ਸਾਹਮਣਾ ?: ਇਸ ਟੂਰਨਾਮੈਂਟ 'ਚ ਕੁਆਲੀਫਾਇਰ ਮੈਚ ਜਿੱਤਣ ਵਾਲੀ ਟੀਮ ਨਰਿੰਦਰ ਮੋਦੀ ਸਟੇਡੀਅਮ 'ਚ 4 ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਨਾਲ ਭਿੜੇਗੀ। IPL 2023 ਦਾ ਫਾਈਨਲ ਮੈਚ 28 ਮਈ ਨੂੰ ਖੇਡਿਆ ਜਾਵੇਗਾ। ਅਜਿਹੇ 'ਚ ਰੋਹਿਤ ਸ਼ਰਮਾ ਦੀ ਕਪਤਾਨੀ 'ਚ ਮੁੰਬਈ ਇੰਡੀਅਨਜ਼ ਆਪਣੀ ਛੇਵੀਂ ਟਰਾਫੀ ਲਈ ਕ੍ਰੁਣਾਲ ਪੰਡਯਾ ਦੀ ਲਖਨਊ ਸੁਪਰ ਜਾਇੰਟਸ ਨਾਲ ਆਪਣੇ ਪਹਿਲੇ ਖਿਤਾਬ ਲਈ ਲੜੇਗੀ। ਇਸ ਦੇ ਨਾਲ ਹੀ ਐਮਐਸ ਧੋਨੀ ਦੀ ਸੀਐਸਕੇ 5ਵੀਂ ਵਾਰ ਚੈਂਪੀਅਨ ਬਣਨ ਦੀ ਪੂਰੀ ਕੋਸ਼ਿਸ਼ ਕਰੇਗੀ। ਅੱਜ ਦੇ ਮੈਚ ਲਈ ਮੁੰਬਈ ਅਤੇ ਲਖਨਊ ਆਪਣੇ ਬਿਹਤਰ ਖਿਡਾਰੀਆਂ ਨੂੰ ਜਗ੍ਹਾ ਦੇਣਗੇ ਤਾਂ ਜੋ ਉਹ ਇਹ ਮੈਚ ਜਿੱਤ ਸਕਣ।

ਮੁੰਬਈ ਇੰਡੀਅਨਜ਼ ਪੋਸੀਬਲ ਪਲੇਇੰਗ ਇਲੈਵਨ : ਰੋਹਿਤ ਸ਼ਰਮਾ (ਕਪਤਾਨ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਕੈਮਰਨ ਗ੍ਰੀਨ, ਸੂਰਿਆਕੁਮਾਰ ਯਾਦਵ, ਟਿਮ ਡੇਵਿਡ, ਨੇਹਲ ਵਢੇਰਾ, ਕ੍ਰਿਸ ਜਾਰਡਨ, ਪੀਯੂਸ਼ ਚਾਵਲਾ, ਜੇਸਨ ਬੇਹਰਨਡੋਰਫ, ਕੁਮਾਰ ਕਾਰਤੀਕੇਯ, ਆਕਾਸ਼ ਮਧਵਾਲ।

ਲਖਨਊ ਸਪੁਰ ਜਾਇੰਟਸ ਦੀ ਸੰਭਾਵਿਤ ਪਲੇਇੰਗ ਇਲੈਵਨ: ਕਵਿੰਟਨ ਡੀ ਕਾਕ (ਵਿਕਟਕੀਪਰ), ਕਰਨ ਸ਼ਰਮਾ, ਪ੍ਰੇਰਕ ਮਾਂਕਡ, ਮਾਰਕਸ ਸਟੋਇਨਿਸ, ਨਿਕੋਲਸ ਪੂਰਨ, ਕਰੁਣਾਲ ਪੰਡਯਾ (ਕਪਤਾਨ), ਆਯੂਸ਼ ਬਦੋਨੀ, ਨਵੀਨ-ਉਲ-ਹੱਕ, ਕ੍ਰਿਸ਼ਨੱਪਾ ਗੌਤਮ, ਰਵੀ ਬਿਸ਼ਨੋਈ, ਮੋਹਸਿਨ ਖਾਨ।