IIFA Awards 2023: ਅਬੂ ਧਾਬੀ 'ਚ ਬੀ-ਟਾਊਨ ਦੇ ਸਿਤਾਰਿਆਂ ਦੀ ਮਹਿਫ਼ਲ, ਵੱਖਰੇ ਸਵੈਗ 'ਚ ਨਜ਼ਰ ਆਏ ਸਲਮਾਨ ਸਮੇਤ ਇਹ ਸਿਤਾਰੇ

ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ (ਆਈਫਾ) ਅਵਾਰਡਸ ਸ਼ੁੱਕਰਵਾਰ (26 ਮਈ) ਅਤੇ ਸ਼ਨੀਵਾਰ (27 ਮਈ) ਨੂੰ ਅਬੂ ਧਾਬੀ ਦੇ ਯਾਸ ਆਈਲੈਂਡ ਵਿਖੇ ਆਯੋਜਿਤ ਹੋਣ ਜਾ ਰਹੇ ਹਨ। ਇਸ ਐਵਾਰਡ ਫੰਕਸ਼ਨ ਲਈ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ, ਅਭਿਸ਼ੇਕ ਬੱਚਨ, ਵਿੱਕੀ ਕੌਸ਼ਲ, ਨੋਰਾ ਫਤੇਹੀ, ਫਰਾਹ ਖਾਨ, ਰਕੁਲ ਪ੍ਰੀਤ ਸਿੰਘ ਸਮੇਤ ਕਈ ਮਸ਼ਹੂਰ ਹਸਤੀਆਂ ਅਬੂ ਧਾਬੀ ਪਹੁੰਚੀਆਂ ਹਨ। ਆਈਫਾ ਰੌਕਸ ਈਵੈਂਟ ਦੀ ਮੇਜ਼ਬਾਨੀ ਫਰਾਹ ਖਾਨ ਅਤੇ ਰਾਜਕੁਮਾਰ ਰਾਓ ਕਰਨਗੇ, ਜਦੋਂ ਕਿ ਮੁੱਖ ਪੁਰਸਕਾਰ ਅਭਿਸ਼ੇਕ ਬੱਚਨ ਅਤੇ ਵਿੱਕੀ ਕੌਸ਼ਲ ਹੋਸਟ ਕਰਨਗੇ। ਦੂਜੇ ਪਾਸੇ ਬਾਲੀਵੁੱਡ ਦੇ 'ਭਾਈਜਾਨ' ਸਲਮਾਨ ਖਾਨ ਐਵਾਰਡ ਨਾਈਟ 'ਚ ਆਪਣੀ ਦਮਦਾਰ ਪਰਫਾਰਮੈਂਸ ਦੇਣਗੇ। ਦੂਜੇ ਪਾਸੇ ਬਾਦਸ਼ਾਹ ਸੁਨਿਧੀ ਚੌਹਾਨ ਅਤੇ ਸੁਖਬੀਰ ਸਿੰਘ ਵਰਗੇ ਨਾਮਵਰ ਗਾਇਕ ਆਪਣੀ ਸੁਰੀਲੀ ਗਾਇਕੀ ਨਾਲ ਦਰਸ਼ਕਾਂ ਦਾ ਮਨ ਮੋਹ ਲੈਣਗੇ।