ਮੁੰਬਈ: ਸੁਪਰਸਟਾਰ ਸਲਮਾਨ ਖਾਨ ਦੇ ਸਭ ਤੋਂ ਮਸ਼ਹੂਰ ਟੀਵੀ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦਾ 17ਵਾਂ ਸੀਜ਼ਨ ਚੱਲ ਰਿਹਾ ਹੈ। ਬਿੱਗ ਬੌਸ 17 ਨੂੰ ਸ਼ੁਰੂ ਹੋਏ ਇੱਕ ਮਹੀਨੇ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਇਸ ਦੌਰਾਨ ਆਪਣੇ ਪਤੀ ਵਿੱਕੀ ਜੈਨ ਨਾਲ ਸ਼ੋਅ 'ਚ ਪਹੁੰਚੀ ਮਸ਼ਹੂਰ ਟੀਵੀ ਅਤੇ ਬਾਲੀਵੁੱਡ ਅਦਾਕਾਰਾ ਅੰਕਿਤਾ ਲੋਖੰਡੇ ਆਪਣੇ ਮਰਹੂਮ ਐਕਸ ਬੁਆਏਫ੍ਰੈਂਡ ਅਤੇ ਬਾਲੀਵੁੱਡ ਸਟਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਵਾਰ-ਵਾਰ ਯਾਦ ਕਰ ਰਹੀ ਹੈ।

ਹੁਣ ਅੰਕਿਤਾ ਨੇ ਪਿਛਲੇ ਐਪੀਸੋਡ 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਨਾਲ ਜੁੜਿਆ ਅਜਿਹਾ ਖੁਲਾਸਾ ਕੀਤਾ ਹੈ, ਜੋ ਸੁਸ਼ਾਂਤ ਦੇ ਪ੍ਰਸ਼ੰਸਕਾਂ ਲਈ ਹੈਰਾਨ ਕਰਨ ਵਾਲਾ ਹੋ ਸਕਦਾ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅੰਕਿਤਾ ਨੇ ਸ਼ੋਅ 'ਚ ਆਪਣੇ ਪਤੀ ਦੇ ਸਾਹਮਣੇ ਸੁਸ਼ਾਂਤ ਦੀ ਕਹਾਣੀ ਨੂੰ ਛੇੜਿਆ ਹੋਵੇ। ਆਓ ਜਾਣਦੇ ਹਾਂ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਅੰਤਿਮ ਸੰਸਕਾਰ 'ਚ ਅਕਿੰਤਾ ਲੋਖੰਡੇ ਦੇ ਨਾ ਜਾਣ ਦਾ ਕੀ ਕਾਰਨ ਸੀ?

ਬੀਤੀ ਰਾਤ ਦੇ ਐਪੀਸੋਡ ਦੀ ਇੱਕ ਕਲਿੱਪ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਹੈ, ਜਿਸ ਵਿੱਚ ਅੰਕਿਤਾ ਲੋਖੰਡੇ ਪੂਲ ਕੋਲ ਬੈਠੀ ਆਪਣੇ ਸਹਿ-ਪ੍ਰਤੀਯੋਗੀ ਮੁੰਨਵਰ ਫਾਰੂਕੀ ਨਾਲ ਗੱਲ ਕਰਦੀ ਨਜ਼ਰ ਆ ਰਹੀ ਹੈ। ਪਹਿਲਾਂ ਅੰਕਿਤਾ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਫਿਲਮ 'ਐਮਐਸ ਧੋਨੀ - ਦ ਅਨਟੋਲਡ ਸਟੋਰੀ' ਦੇ ਪਿਆਰ ਭਰੇ ਗੀਤ 'ਕੌਨ ਤੁਝੇ ਯੂ ਪਿਆਰ ਕਰੇਗਾ' ਨੂੰ ਗਾਉਂਦੀ ਦਿਖਾਈ ਦਿੰਦੀ ਹੈ ਅਤੇ ਇਸ ਤੋਂ ਬਾਅਦ ਉਹ ਕਹਿੰਦੀ ਹੈ ਕਿ ਸੁਸ਼ਾਂਤ ਬਹੁਤ ਚੰਗਾ ਵਿਅਕਤੀ ਸੀ।

• Ankita Lokhande: Bigg Boss 17 ਵਿੱਚ ਅੰਕਿਤਾ ਨੂੰ ਫਿਰ ਆਈ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਯਾਦ, ਬੋਲੀ- ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਵਿੱਕੀ...
• ਕਿਸੇ ਵੀ ਸੱਪ 'ਚ ਨਹੀਂ ਮਿਲੀ ਜ਼ਹਿਰ ਦੀ ਗ੍ਰੰਥੀ, ਐਲਵਿਸ਼ ਯਾਦਵ ਮਾਮਲੇ 'ਚ ਮੈਡੀਕਲ ਰਿਪੋਰਟ ਆਈ ਸਾਹਮਣੇ
• ਸੱਪ ਮਾਮਲੇ 'ਚ ਫਸੇ ਬਿੱਗ ਬੌਸ ਵਿਜੇਤਾ ਐਲਵਿਸ਼ ਯਾਦਵ ਨੇ ਸਲਮਾਨ ਖਾਨ ਨਾਲ ਸ਼ੇਅਰ ਕੀਤੀ ਫੋਟੋ, ਕਿਹਾ-ਬਹੁਤ ਬਦਲ ਗਏ...

ਅੰਕਿਤਾ ਕਹਿੰਦੀ ਹੈ, 'ਉਹ ਬਹੁਤ ਮਹਾਨ ਸੀ...ਹੁਣ ਮੇਰੇ ਮੂੰਹੋਂ ਨਿਕਲਦਾ ਹੈ ਕਿ ਉਹ ਸੀ, ਪਰ ਉਹ ਬਹੁਤ ਵਧੀਆ ਸੀ, ਮੈਂ ਸੁਸ਼ਾਂਤ ਵਰਗਾ ਵਿਅਕਤੀ ਕਦੇ ਨਹੀਂ ਦੇਖਿਆ। ਮੈਂ ਉਸ ਦੇ ਜੀਵਨ ਵਿੱਚੋਂ ਗੁਜ਼ਰੀ ਹਾਂ, ਮੈਂ ਜਾਣਦੀ ਹਾਂ ਕਿ ਉਹ ਕਿਹੋ ਜਿਹਾ ਸੀ।' ਇਸ ਤੋਂ ਬਾਅਦ ਅੰਕਿਤਾ ਰੋਂਦੀ ਹੈ ਅਤੇ ਕਹਿੰਦੀ ਹੈ ਕਿ 'ਮੈਂ ਉਨ੍ਹਾਂ ਦੇ ਅੰਤਿਮ ਸੰਸਕਾਰ 'ਤੇ ਵੀ ਨਹੀਂ ਜਾ ਸਕੀ। ਅੰਕਿਤਾ ਨੇ ਸੁਸ਼ਾਂਤ ਦੇ ਅੰਤਿਮ ਸੰਸਕਾਰ 'ਤੇ ਨਾ ਜਾਣ ਦੇ ਕਾਰਨ ਬਾਰੇ ਕਿਹਾ, 'ਮੈਂ ਇੰਨੀ ਹਿੰਮਤ ਨਹੀਂ ਰੱਖ ਸਕਦੀ ਸੀ, ਮੈਂ ਇਹ ਸਭ ਨਹੀਂ ਦੇਖ ਸਕਦੀ ਸੀ, ਇਸ ਲਈ ਮੈਂ ਨਹੀਂ ਜਾ ਸਕਦੀ ਸੀ।'

ਅੰਕਿਤਾ ਨੇ ਅੱਗੇ ਕੀਤਾ ਖੁਲਾਸਾ ਕਿ ਵਿੱਕੀ ਨੇ ਮੈਨੂੰ ਜਾਣ ਲਈ ਕਿਹਾ, 'ਮੈਂ ਕਿਹਾ ਨਹੀਂ, ਮੈਂ ਕਿਵੇਂ ਦੇਖ ਸਕਦੀ ਹਾਂ, ਮੈਂ ਆਪਣੀ ਜ਼ਿੰਦਗੀ ਵਿੱਚ ਕਦੇ ਅਨੁਭਵ ਨਹੀਂ ਕੀਤਾ ਸੀ।'