ਕੈਸੀਨੋ ਮਾਮਲਾ: ਦੂਜੇ ਦਿਨ ਵੀ ED ਵੱਲੋਂ ਚਿਕੋਟੀ ਪ੍ਰਵੀਨ ਤੋਂ ਪੁੱਛਗਿੱਛ

author img

By

Published : Aug 3, 2022, 5:01 PM IST

ED INVESTIGATE Chikoti Praveen on the second day CASINO CASE

ਚਿਕੋਟੀ ਪ੍ਰਵੀਨ ਅਤੇ ਦਾਸਾਰੀ ਮਾਧਵ ਰੈੱਡੀ ਕੋਲੋਂ ਲਗਾਤਾਰ ਦੂਜੇ ਦਿਨ ਵੀ ਈਡੀ ਵੱਲੋਂ ਜਾਂਚ ਜਾਰੀ ਹੈ। ਈਡੀ ਵੱਲੋਂ ਲਗਾਤਾਰ ਇਸ ਮਾਮਲੇ ਵਿੱਚ ਜਾਂਚ ਤੇਜ ਕੀਤੀ ਜਾ ਰਹੀ ਹੈ।

ਹੈਦਰਾਬਾਦ: ਵਿਦੇਸ਼ੀ ਕੈਸੀਨੋ ਮਾਮਲੇ 'ਚ ਏਜੰਟ ਚਿਕੋਟੀ ਪ੍ਰਵੀਨ ਅਤੇ ਦਾਸਾਰੀ ਮਾਧਵ ਰੈੱਡੀ ਤੋਂ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਨੇ ਲਗਾਤਾਰ ਦੂਜੇ ਦਿਨ ਪੁੱਛਗਿੱਛ ਕੀਤੀ। ਪਹਿਲੇ ਦਿਨ ਦੋਵਾਂ ਨੇ ਕਰੀਬ 11 ਘੰਟੇ ਈਡੀ ਦਫ਼ਤਰ ਵਿੱਚ ਬਿਤਾਏ। ਉਹ ਮੰਗਲਵਾਰ ਸਵੇਰੇ ਦੁਬਾਰਾ ਜਾਂਚ ਵਿੱਚ ਸ਼ਾਮਲ ਹੋਏ। ਕਰੀਬ 10 ਘੰਟੇ ਦੀ ਪੁੱਛਗਿੱਛ ਤੋਂ ਬਾਅਦ ਮਾਧਵ ਰੈੱਡੀ ਉੱਥੋਂ ਚਲੇ ਗਏ, ਜਦਕਿ ਪ੍ਰਵੀਨ ਤੋਂ ਪੁੱਛਗਿੱਛ ਜਾਰੀ ਹੈ। ਦੂਜੇ ਦਿਨ ਈਡੀ ਅਧਿਕਾਰੀਆਂ ਨੇ ਮੁੱਖ ਤੌਰ 'ਤੇ ਹਵਾਲਾ ਲੈਣ-ਦੇਣ 'ਤੇ ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ। ਦੱਸਿਆ ਜਾਂਦਾ ਹੈ ਕਿ ਕੈਸੀਨੋ ਵਿੱਚ ਪੰਟਰਾਂ ਨੂੰ ਦਿੱਤੇ ਗਏ ਟੋਕਨਾਂ ਨਾਲ ਸਬੰਧਤ ਪੈਸਿਆਂ ਦਾ ਆਦਾਨ-ਪ੍ਰਦਾਨ ਕਿਵੇਂ ਕੀਤਾ ਜਾਂਦਾ ਹੈ, ਇਸ ਬਾਰੇ ਸਵਾਲ-ਜਵਾਬ ਕੀਤੇ ਗਏ ਹਨ।

ਈਡੀ ਨੂੰ ਸ਼ੱਕ ਹੈ ਕਿ ਤੇਲਗੂ ਰਾਜਾਂ ਦੇ ਪੰਟਰਾਂ ਨੇ ਕੈਸੀਨੋ ਵਿੱਚ ਕਰੋੜਾਂ ਰੁਪਏ ਦਾ ਜੂਆ ਖੇਡਿਆ ਹੈ। ਮੁੱਢਲੇ ਸਬੂਤ ਇਕੱਠੇ ਕੀਤੇ ਗਏ ਹਨ ਕਿ ਇਨ੍ਹਾਂ ਵਿਚ ਪ੍ਰਮੁੱਖ ਜਨਤਕ ਨੁਮਾਇੰਦੇ ਅਤੇ ਧਨਾਢ ਕਾਰੋਬਾਰੀ ਸ਼ਾਮਲ ਹਨ। ਉਨ੍ਹਾਂ ਲੈਣ-ਦੇਣ ਦੀ ਜਾਂਚ ਦੇ ਹਿੱਸੇ ਵਜੋਂ, ਈਡੀ ਦੀਆਂ ਟੀਮਾਂ ਨੇ ਪ੍ਰਵੀਨ ਅਤੇ ਮਾਧਵ ਰੈੱਡੀ ਦੇ ਬੈਂਕ ਖਾਤਿਆਂ ਦੇ ਨਾਲ-ਨਾਲ ਪੰਟਰਾਂ ਨੂੰ ਲਿਜਾਣ ਲਈ ਪ੍ਰਬੰਧਿਤ ਵਿਸ਼ੇਸ਼ ਉਡਾਣਾਂ ਦੇ ਖਰਚਿਆਂ ਬਾਰੇ ਵੀ ਪੁੱਛਗਿੱਛ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਈਡੀ ਵੱਲੋਂ ਇਨ੍ਹਾਂ ਮਾਮਲਿਆਂ ਬਾਰੇ ਪੁੱਛੇ ਜਾਣ 'ਤੇ ਦੋਵੇਂ ਕਈ ਵਾਰ ਝਿਜਕਦੇ ਰਹੇ। ਦੂਜੇ ਪਾਸੇ ਪਤਾ ਲੱਗਾ ਹੈ ਕਿ ਜਦੋਂ ਪ੍ਰਵੀਨ ਤੋਂ ਫਿਲਮੀ ਸਿਤਾਰਿਆਂ ਨੂੰ ਕੈਸੀਨੋ ਦੇ ਪ੍ਰਚਾਰ ਲਈ ਦਿੱਤੇ ਜਾਣ ਵਾਲੇ ਪੈਸਿਆਂ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਬੇਤੁਕੇ ਜਵਾਬ ਦਿੱਤੇ।

ਅਜਿਹਾ ਲੱਗਦਾ ਹੈ ਕਿ ਇਹ ਸਵਾਲ ਪ੍ਰਵੀਨ ਲਈ ਮੁਸ਼ਕਲਾਂ ਖੜ੍ਹੀਆਂ ਕਰ ਰਹੇ ਹਨ, ਜੋ ਕਿ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਜੀਅ ਰਹੇ ਹਨ ਅਤੇ ਉਨ੍ਹਾਂ ਦ੍ਰਿਸ਼ਾਂ ਨੂੰ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰ ਰਹੇ ਹਨ। ਈਡੀ ਦੇ ਸੂਤਰਾਂ ਨੇ ਸਵਾਲ ਖੜ੍ਹੇ ਕੀਤੇ ਹਨ ਕਿ ਉਨ੍ਹਾਂ 'ਤੇ ਖਰਚ ਕਰਨ ਲਈ ਵਰਤੇ ਗਏ ਪੈਸੇ ਕਿਵੇਂ ਮਿਲੇ। ਪਤਾ ਲੱਗਾ ਹੈ ਕਿ ਜਦੋਂ ਪ੍ਰਵੀਨ ਨੇ ਆਪਣੇ ਨਾਲ ਲਿਆਂਦੇ ਬੈਂਕ ਖਾਤਿਆਂ ਦੇ ਵੇਰਵੇ ਅਧਿਕਾਰੀਆਂ ਨੂੰ ਦਿਖਾਏ ਤਾਂ ਉਨ੍ਹਾਂ ਨੇ ਇਨ੍ਹਾਂ 'ਚ ਅੰਤਰ ਹੋਣ 'ਤੇ ਸਵਾਲ ਉਠਾਏ।

ਸਾਂਝੇ ਕਰੀਮਨਗਰ ਜ਼ਿਲ੍ਹੇ ਦੇ ਇੱਕ ਸਾਬਕਾ ਵਿਧਾਇਕ ਵੱਲੋਂ ਸੋਸ਼ਲ ਮੀਡੀਆ 'ਤੇ ਇਹ ਗੱਲ ਵੱਡੇ ਪੱਧਰ 'ਤੇ ਫੈਲਾਈ ਗਈ ਹੈ ਕਿ ਉਸ ਦੇ ਚਿਕੋਟੀ ਪ੍ਰਵੀਨ ਨਾਲ ਆਰਥਿਕ ਸਬੰਧ ਹਨ। ਸਾਬਕਾ ਵਿਧਾਇਕ ਦਾ ਵਾਰੰਗਲ ਜ਼ਿਲ੍ਹੇ ਵਿੱਚ ਇੱਕ ਚਿੱਟ ਫੰਡ ਕੰਪਨੀ ਵਿੱਚ ਹਿੱਸਾ ਸੀ। ਪੋਸਟਾਂ ਚੱਲ ਰਹੀਆਂ ਸਨ ਕਿ ਕੰਪਨੀ ਦੇ ਪੈਸੇ ਹਵਾਲਾ ਰਾਹੀਂ ਪ੍ਰਵੀਨ ਰਾਹੀਂ ਟਰਾਂਸਫਰ ਕੀਤੇ ਗਏ ਸਨ। ਇਸ ਪਿਛੋਕੜ ਵਿੱਚ ਪਤਾ ਲੱਗਾ ਹੈ ਕਿ ਇਸ ਮਾਮਲੇ ਸਬੰਧੀ ਈ.ਡੀ.ਪ੍ਰਵੀਨ ਤੋਂ ਪੁੱਛਗਿੱਛ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ: IGI ਕਸਟਮ ਵੱਲੋਂ ਫੜ੍ਹੀ ਗਈ 58 ਲੱਖ ਰੁਪਏ ਦੀ ਵਿਦੇਸ਼ੀ ਕਰੰਸੀ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.