ਪਟਨਾ: ਰਾਜਧਾਨੀ ਪਟਨਾ ਦੇ ਫੁਲਵਾਰੀਸ਼ਰੀਫ 'ਚ ਵਿਆਹ ਦੇ 24 ਸਾਲ ਬਾਅਦ ਪਤੀ ਵਲੋਂ ਮੋਬਾਇਲ 'ਤੇ ਤਿੰਨ ਤਲਾਕ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਔਰਤ ਨੇ ਫੁਲਵਾੜੀਸ਼ਰੀਫ਼ ਥਾਣੇ ਵਿੱਚ ਆਪਣੇ ਪਤੀ ਵੱਲੋਂ ਮੋਬਾਈਲ ਰਾਹੀਂ ਤਿੰਨ ਤਲਾਕ ਦੇਣ ਦੀ ਸ਼ਿਕਾਇਤ ਦਰਜ ਕਰਵਾ ਕੇ ਇਨਸਾਫ਼ ਦੀ ਗੁਹਾਰ ਲਗਾਈ ਹੈ। ਦਰਅਸਲ ਪੀੜਤ ਔਰਤ ਨੂੰ ਉਸ ਦੇ ਪਤੀ ਨੇ ਕਈ ਵਾਰ ਕੁੱਟਿਆ ਅਤੇ ਆਖਰਕਾਰ ਹੁਣ ਗੱਲ ਤਲਾਕ ਤੱਕ ਪਹੁੰਚ ਗਈ ਹੈ।
ਲੜਦਾ ਰਹਿੰਦਾ ਸੀ ਪਤੀ : ਘਟਨਾ ਦੇ ਸਬੰਧ ਵਿਚ ਦੱਸਿਆ ਜਾ ਰਿਹਾ ਹੈ ਕਿ ਫੁਲਵਾੜੀ ਸ਼ਰੀਫ, ਪਟਨਾ ਦੀ ਰਹਿਣ ਵਾਲੀ ਇਕ ਔਰਤ ਦਾ ਵਿਆਹ 24 ਸਾਲ ਪਹਿਲਾਂ ਆਰਾ ਕੋਇਲਵਾੜ ਦੇ ਇਕ ਲੜਕੇ ਨਾਲ ਹੋਇਆ ਸੀ। ਵਿਆਹ ਤੋਂ ਬਾਅਦ ਸਭ ਕੁਝ ਠੀਕ ਚੱਲ ਰਿਹਾ ਸੀ, ਉਸ ਨੇ ਦੋ ਬੇਟੇ ਅਤੇ ਇਕ ਬੇਟੀ ਨੂੰ ਜਨਮ ਦਿੱਤਾ ਪਰ ਵਿਆਹ ਦੇ ਕੁਝ ਦਿਨਾਂ ਬਾਅਦ ਹੀ ਪਤੀ ਨੇ ਉਸ ਨੂੰ ਲਗਾਤਾਰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਜਿਸ ਨੂੰ ਲੈ ਕੇ ਦੋਵਾਂ ਵਿਚਾਲੇ ਕਾਫੀ ਸਮੇਂ ਤੋਂ ਝਗੜਾ ਚੱਲ ਰਿਹਾ ਸੀ। ਔਰਤ ਨੇ ਦੱਸਿਆ ਕਿ ਉਸ ਦੇ ਪਤੀ ਨੇ ਕੁਝ ਸਮਾਂ ਪਹਿਲਾਂ ਹੀ ਉਸ ਨੂੰ ਤਲਾਕ ਦੇ ਕੇ ਦੂਜਾ ਵਿਆਹ ਕੀਤਾ ਸੀ।
ਪੀੜਤ ਪਤਨੀ ਦਾ ਬਿਆਨ: ਪੀੜਤਾ ਨੇ ਕਿਹਾ ਕਿ ਪਤੀ ਉਸ ਨੂੰ ਹਰ ਰੋਜ਼ ਕੁੱਟਦਾ ਸੀ ਅਤੇ ਮੇਰੇ ਤੋਂ ਇਲਾਵਾ ਮੇਰੇ ਪਤੀ ਨੇ ਵੀ ਦੋ ਹੋਰ ਵਿਆਹ ਕੀਤੇ ਹਨ। ਪੀੜਤਾ ਨੇ ਦੱਸਿਆ ਕਿ ਵਿਆਹ ਤੋਂ ਮਗਰੋਂ ਪਤੀ ਦਾ ਦੂਜੀਆਂ ਮਹਿਲਾਵਾਂ ਨਾਲ ਤਲਾਕ ਵੀ ਹੋ ਚੁੱਕਾ ਹੈ ਅਤੇ ਥੋੜ੍ਹਾ ਸਮਾਂ ਪਹਿਲਾਂ ਹੀ ਵਿਆਹ ਹੋਇਆ ਹੈ। ਪੀੜਤਾ ਨੇ ਕਿਹਾ ਜਦੋਂ ਉਸ ਨੇ ਬੱਚੇ ਦੇ ਪਾਲਣ-ਪੋਸ਼ਣ ਲਈ ਖਰਚਾ ਮੰਗਿਆ ਤਾਂ ਉਸ ਨੇ ਮੋਬਾਈਲ 'ਤੇ ਤਿੰਨ ਵਾਰ ਤਲਾਕ ਤਲਾਕ ਕਹਿ ਕੇ ਮੈਨੂੰ ਤਲਾਕ ਦੇ ਦਿੱਤਾ ਅਤੇ ਕਿਹਾ ਕਿ ਮੈਂ ਆਜ਼ਾਦ ਹਾਂ। ਪਤਨੀ ਨੇ ਕਿਹਾ ਕਿ ਹੁਣ ਅਸੀਂ ਉਸਦੇ ਖਿਲਾਫ ਥਾਣਾ ਫੁਲਵਾੜੀਸ਼ਰੀਫ ਵਿਖੇ ਦਰਖਾਸਤ ਦੇ ਕੇ ਇਨਸਾਫ਼ ਦੀ ਗੁਹਾਰ ਲਗਾਈ ਹੈ।'' ਦੱਸ ਦਈਏ ਖ਼ਾਸ ਧਰਮ ਨਾਲ ਸਬੰਧਿਤ ਲੋਕਾਂ ਵਿੱਚ ਤਿਨ ਤਲਾਕ ਦਾ ਵਿਸ਼ਾ ਬਹੁਤ ਪੁਰਾਣਾ ਹੈ ਅਤੇ ਇਹ ਮਸਲਾ ਕਈ ਵਾਰ ਦੇਸ਼ ਦੀਆਂ ਅਦਾਲਤਾਂ ਵਿੱਚ ਵੀ ਜਾ ਚੁੱਕਾ ਹੈ। ਮਾਮਲੇ ਉੱਤੇ ਅਦਾਲਤ ਨੇ ਫੈਸਲਾ ਵੀ ਦਿੱਤਾ ਸੀ ਕਿ ਦੁਨੀਆਂ ਦਾ ਕੋਈ ਵੀ ਸ਼ਖ਼ਸ ਪਤਨੀ ਨੂੰ ਤਿੰਨ ਵਾਰ ਤਲਾਕ ਕਹਿ ਕੇ ਆਪਣੀਆਂ ਜ਼ਿੰਮੇਵਾਰੀਆਂ ਤੋਂ ਭੱਜ ਨਹੀਂ ਸਕਦਾ। ਉਨ੍ਹਾਂ ਕਿਹਾ ਕਿ ਜੇਕਰ ਪਤੀ ਨੇ ਪਤਨੀ ਨੂੰ ਵਿਆਹ ਕੇ ਲਿਆਂਦਾ ਹੈ ਤਾਂ ਉਸ ਦੀ ਜ਼ਿੰਮੇਵਾਰੀ ਵੀ ਘਰ ਨੂੰ ਸੰਭਾਲਣ ਦੀ ਬਣਦੀ ਹੈ।
ਇਹ ਵੀ ਪੜ੍ਹੋ: Rahul Gandhi PC : ਰਾਹੁਲ ਬੋਲੇ, 'ਅਡਾਨੀ ਮੁੱਦੇ 'ਤੇ ਪੀਐਮ ਡਰੇ ਹੋਏ, ਮੈਨੂੰ ਨਹੀਂ ਲੱਗਦਾ ਸਦਨ 'ਚ ਮੈਨੂੰ ਬੋਲਣ ਦਿੱਤਾ ਜਾਵੇਗਾ
