ਰਾਏਪੁਰ: ਛੱਤੀਸਗੜ੍ਹ ਵਿੱਚ ਦੂਜੇ ਪੜਾਅ ਦੀ ਜੰਗ ਸ਼ੁਰੂ ਹੋ ਗਈ ਹੈ। ਇਸ ਪੜਾਅ 'ਚ ਸੂਬੇ ਦੀਆਂ 70 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ ਹੋ ਰਹੀ ਹੈ। ਇਸ ਗੇੜ ਵਿੱਚ 51 ਪਾਰਟੀਆਂ ਦੇ 958 ਉਮੀਦਵਾਰ ਮੈਦਾਨ ਵਿੱਚ ਹਨ। ਜਿਸ ਵਿੱਚ 130 ਮਹਿਲਾ ਉਮੀਦਵਾਰ, 827 ਪੁਰਸ਼ ਉਮੀਦਵਾਰ ਅਤੇ 1 ਥਰਡ ਜੈਂਡਰ ਉਮੀਦਵਾਰ ਚੋਣ ਲੜ ਰਹੇ ਹਨ।

ਅੱਜ ਦਿੱਗਜਾਂ ਵਿਚਾਲੇ ਮੁਕਾਬਲਾ: ਦੂਜੇ ਪੜਾਅ ਦੀਆਂ ਚੋਣਾਂ ਲਈ ਪਾਟਨ, ਅੰਬਿਕਾਪੁਰ, ਰਾਏਪੁਰ ਸਿਟੀ ਦੱਖਣੀ, ਕੋਰਬਾ, ਸ਼ਕਤੀ, ਦੁਰਗ ਗ੍ਰਾਮੀਣ, ਲੋਰਮੀ, ਭਰਤਪੁਰ ਸੋਨਹਟ ਪ੍ਰਮੁੱਖ ਸੀਟਾਂ ਹਨ। ਪਾਟਨ 'ਚ ਮੁੱਖ ਮੁਕਾਬਲਾ ਸੀਐੱਮ ਭੁਪੇਸ਼ ਬਘੇਲ, ਦੁਰਗ ਦੇ ਸੰਸਦ ਮੈਂਬਰ ਵਿਜੇ ਬਘੇਲ ਅਤੇ ਜੇਸੀਸੀਜੀ ਦੇ ਸੂਬਾ ਪ੍ਰਧਾਨ ਅਮਿਤ ਜੋਗੀ ਵਿਚਕਾਰ ਹੈ। ਗੜੀਆਬੰਦ ਜ਼ਿਲ੍ਹੇ ਦੇ ਬਿੰਦਰਾਵਾਗੜ੍ਹ ਵਿਧਾਨ ਸਭਾ ਹਲਕੇ ਦੇ 9 ਪੋਲਿੰਗ ਸਟੇਸ਼ਨਾਂ 'ਤੇ ਸਵੇਰੇ 7 ਵਜੇ ਵੋਟਿੰਗ ਸ਼ੁਰੂ ਹੋ ਗਈ ਹੈ। ਇਨ੍ਹਾਂ ਕੇਂਦਰਾਂ ਵਿੱਚ ਦੁਪਹਿਰ 3 ਵਜੇ ਤੱਕ ਵੋਟਿੰਗ ਹੋਵੇਗੀ। ਬਾਕੀ 69 ਸੀਟਾਂ 'ਤੇ ਸਵੇਰੇ 8 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਵੋਟਿੰਗ ਹੋਵੇਗੀ। ਵੋਟਾਂ ਦੀ ਗਿਣਤੀ 3 ਦਸੰਬਰ ਨੂੰ ਹੋਵੇਗੀ।

ਅੱਜ ਹੋਵੇਗਾ 958 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ: ਇਸ ਪੜਾਅ ਵਿੱਚ ਭਾਜਪਾ, ਕਾਂਗਰਸ, ਜੇਸੀਸੀਜੇ, ਆਪ, ਬਸਪਾ ਸਮੇਤ 51 ਪਾਰਟੀਆਂ ਦੇ ਉਮੀਦਵਾਰ ਚੋਣ ਲੜ ਰਹੇ ਹਨ। ਸਭ ਤੋਂ ਵੱਧ 122 ਉਮੀਦਵਾਰ ਰਾਏਪੁਰ ਵਿੱਚ ਹਨ। ਜਦੋਂਕਿ ਦੌਂਡੀਲੋਹਾਰਾ ਵਿਧਾਨ ਸਭਾ ਸੀਟ 'ਤੇ ਸਭ ਤੋਂ ਘੱਟ ਉਮੀਦਵਾਰ ਸਿਰਫ 4 ਹਨ। ਸੂਰਜਪੁਰ ਜ਼ਿਲ੍ਹੇ ਦੀ ਪ੍ਰਤਾਪਪੁਰ ਵਿਧਾਨ ਸਭਾ ਵਿੱਚ ਸਭ ਤੋਂ ਵੱਧ 7 ਮਹਿਲਾ ਉਮੀਦਵਾਰ ਹਨ। ਕੋਰਿਆ ਜ਼ਿਲ੍ਹੇ ਦੇ ਭਰਤਪੁਰ ਸੋਨਹਟ ਵਿਧਾਨ ਸਭਾ ਦੇ ਸ਼ੇਰਦੰਦ ਪੋਲਿੰਗ ਸਟੇਸ਼ਨ 'ਤੇ ਸਿਰਫ਼ 5 ਵੋਟਰ ਹਨ।

• Road Accident: ਕਾਰ ਦੀ ਟੱਕਰ ਨਾਲ ਮੋਟਰਸਾਈਕਲ ਸਵਾਰ ਤਿੰਨ ਗੰਭੀਰ ਜ਼ਖ਼ਮੀ, ਕਾਰ ਵਿੱਚੋਂ ਨਜਾਇਜ਼ ਸ਼ਰਾਬ ਬਰਾਮਦ
• ਮਨਪ੍ਰੀਤ ਬਾਦਲ ਦੀ ਕਰੀਬੀ ਮੇਅਰ ਰਮਨ ਗੋਇਲ ਖਿਲਾਫ਼ ਬੇਭਰੋਸਗੀ ਮਤਾ ਪਾਸ ਕਰਨ ਤੋਂ ਬਾਅਦ ਨਵੇਂ ਮੇਅਰ ਦੀ ਚੋਣ ਕਾਂਗਰਸ ਲਈ ਚੁਣੌਤੀ
• ਸਰਕਾਰੀ ਮੈਡੀਕਲ ਕਾਲਜ ਦੀ ਸ਼ਤਾਬਦੀ ਸਮਾਗਮ ਮੌਕੇ ਅੰਮ੍ਰਿਤਸਰ ਪੁੱਜਣਗੇ ਮੁੱਖ ਮੰਤਰੀ ਭਗਵੰਤ ਮਾਨ, ਸਿਹਤ ਸੇਵਾਵਾਂ ਨੂੰ ਲੈਕੇ ਕਰ ਸਕਦੇ ਨੇ ਵੱਡਾ ਐਲਾਨ

ਛੱਤੀਸਗੜ੍ਹ ਵਿੱਚ ਦੂਜੇ ਪੜਾਅ ਲਈ ਕਿੰਨੇ ਵੋਟਰ?: ਛੱਤੀਸਗੜ੍ਹ ਵਿੱਚ ਦੂਜੇ ਪੜਾਅ ਦੀਆਂ ਚੋਣਾਂ ਵਿੱਚ 16314479 ਵੋਟਰ ਆਪਣੀ ਵੋਟ ਦੀ ਵਰਤੋਂ ਕਰਨਗੇ। ਜਿਸ ਵਿੱਚ ਪੁਰਸ਼ ਵੋਟਰ 8141624 ਅਤੇ ਮਹਿਲਾ ਵੋਟਰ 8172171 ਹਨ ਅਤੇ 684 ਟਰਾਂਸਜੈਂਡਰ ਵੋਟਰ ਹਨ। ਦੂਜੇ ਪੜਾਅ ਦੀ ਵੋਟਿੰਗ ਲਈ 18800 ਤੋਂ ਵੱਧ ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ।