ਹੈਦਰਾਬਾਦ: ਪਿਛਲੇ ਕੁਝ ਦਿਨਾਂ ਤੋਂ ਵਟਸਐਪ ਨੇ ਆਪਣੇ ਯੂਜ਼ਰਸ ਲਈ ਕਈ ਨਵੇਂ ਫੀਚਰਸ ਪੇਸ਼ ਕੀਤੇ ਹਨ। ਆਪਣੇ ਉਪਭੋਗਤਾਵਾਂ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਵਟਸਐਪ ਹਮੇਸ਼ਾ ਕਿਸੇ ਨਾ ਕਿਸੇ ਨਵੇਂ ਫੀਚਰ 'ਤੇ ਕੰਮ ਕਰਦਾ ਰਹਿੰਦਾ ਹੈ ਅਤੇ ਇਸਨੂੰ ਰੋਲ ਆਊਟ ਵੀ ਕਰਦਾ ਰਹਿੰਦਾ ਹੈ। ਇਸ ਵਾਰ ਵਟਸਐਪ ਵਿੱਚ ਚੈਟ, ਕਾਲ, ਅਪਡੇਟ ਟੈਬ, ਨੋਟੀਫਿਕੇਸ਼ਨ ਹਾਈਲਾਈਟਸ ਸਮੇਤ ਕਈ ਖਾਸ ਫੀਚਰ ਪੇਸ਼ ਕੀਤੇ ਗਏ ਹਨ।
ਵਟਸਐਪ ਚੈਟ ਲਈ ਨਵੇਂ ਫੀਚਰ
- ਗਰੁੱਪ ਚੈਟ 'ਚ ਔਨਲਾਈਨ ਇੰਡੀਕੇਟਰ: ਇਸ ਫੀਚਰ ਰਾਹੀਂ ਉਪਭੋਗਤਾ ਅਸਲ ਸਮੇਂ ਵਿੱਚ ਜਾਣ ਸਕਣਗੇ ਕਿ ਇੱਕ ਵਟਸਐਪ ਗਰੁੱਪ ਵਿੱਚ ਕਿੰਨੇ ਲੋਕ ਸਰਗਰਮ ਹਨ।
- ਗਰੁੱਪਾਂ ਵਿੱਚ ਨੋਟੀਫਿਕੇਸ਼ਨ ਹਾਈਲਾਈਟਸ: ਇਸ ਨਵੀਂ ਵਿਸ਼ੇਸ਼ਤਾ ਦੀ ਮਦਦ ਨਾਲ ਉਪਭੋਗਤਾ ਗਰੁੱਪ ਨੋਟੀਫਿਕੇਸ਼ਨਸ ਦੀ ਤਰਜੀਹ ਸੈੱਟ ਕਰ ਸਕਦੇ ਹਨ। ਇਸ ਲਈ ਤੁਹਾਨੂੰ ਗਰੁੱਪ ਦੇ ਨਾਮ 'ਤੇ ਟੈਪ ਕਰਨਾ ਹੋਵੇਗਾ, ਫਿਰ 'Notifications' 'ਤੇ ਜਾਣਾ ਹੋਵੇਗਾ। ਇਸ ਤੋਂ ਬਾਅਦ 'Notify For' ਭਾਗ ਵਿੱਚ ਜਾਓ ਅਤੇ 'Highlights' ਚੁਣੋ। ਇਸ ਤੋਂ ਬਾਅਦ ਤੁਸੀਂ ਉਸ ਗਰੁੱਪ ਵਿੱਚ ਸੇਵ ਕੀਤੇ ਕੰਟੈਕਟ ਦੁਆਰਾ ਕੀਤੇ ਗਏ ਸਾਰੇ ਜ਼ਿਕਰਾਂ, ਜਵਾਬਾਂ ਅਤੇ ਮੈਸੇਜਾਂ ਦੇ ਨੋਟੀਫਿਕੇਸ਼ਨ ਹਾਈਲਾਈਟਸ ਦੇਖ ਸਕੋਗੇ।
- ਇਵੈਂਟ ਅੱਪਡੇਟ: ਵਟਸਐਪ ਗਰੁੱਪ ਵਿੱਚ ਇਵੈਂਟ ਕ੍ਰਿਏਟ ਕਰਨ ਤੋਂ ਇਲਾਵਾ ਹੁਣ ਤੁਸੀਂ ਵਨ ਆਨ ਵਨ ਚੈਟ ਵਿੱਚ ਵੀ ਇਵੈਂਟ ਕ੍ਰਿਏਟ ਕਰ ਸਕਦੇ ਹੋ। ਇਸ ਮੈਸੇਜਿੰਗ ਪਲੇਟਫਾਰਮ 'ਤੇ RSVP ਜੋੜਨ ਦਾ ਵਿਕਲਪ ਹੈ, ਜਿਸ ਵਿੱਚ 'May Be' ਵਜੋਂ ਜਵਾਬ ਦੇਣ ਦਾ ਵਿਕਲਪ ਵੀ ਸ਼ਾਮਲ ਹੈ। ਤੁਸੀਂ ਪਲੱਸ ਵਨ ਨੂੰ ਸੱਦਾ ਦੇ ਸਕਦੇ ਹੋ, ਲੰਬੇ ਇਵੈਂਟਾਂ ਲਈ ਸਮਾਪਤੀ ਮਿਤੀ ਅਤੇ ਸਮਾਂ ਜੋੜ ਸਕਦੇ ਹੋ ਅਤੇ ਉਨ੍ਹਾਂ ਚੈਟਾਂ ਵਿੱਚ ਪਿੰਨ ਵੀ ਕਰ ਸਕਦੇ ਹੋ।
- ਆਈਫੋਨ 'ਤੇ ਦਸਤਾਵੇਜ਼ ਸਕੈਨ ਕਰਨਾ: ਆਈਫੋਨ 'ਤੇ ਵਟਸਐਪ ਤੋਂ ਦਸਤਾਵੇਜ਼ ਸਕੈਨ ਕਰਨ ਲਈ ਅਟੈਚਮੈਂਟ ਟ੍ਰੇ ਤੋਂ 'Scan Document' ਚੁਣੋ ਅਤੇ ਦਿੱਤੇ ਗਏ ਸਟੈਪਸ ਨੂੰ ਫਾਲੋ ਕਰਕੇ ਦਸਤਾਵੇਜ਼ ਨੂੰ ਸਕੈਨ ਕਰੋ ਅਤੇ ਭੇਜੋ।
- ਆਈਫੋਨ ਲਈ ਡਿਫਾਲਟ ਮੈਸੇਜਿੰਗ ਅਤੇ ਕਾਲਿੰਗ ਐਪ: ਜੇਕਰ ਤੁਸੀਂ ਇੱਕ ਆਈਫੋਨ ਉਪਭੋਗਤਾ ਹੋ ਅਤੇ ਵਟਸਐਪ ਨੂੰ ਆਪਣੀ ਡਿਫਾਲਟ ਮੈਸੇਜਿੰਗ ਅਤੇ ਕਾਲਿੰਗ ਐਪ ਬਣਾਉਣਾ ਚਾਹੁੰਦੇ ਹੋ, ਤਾਂ ਸੈਟਿੰਗਾਂ > ਡਿਫਾਲਟ ਐਪਸ 'ਤੇ ਜਾਓ ਅਤੇ ਫਿਰ ਵਟਸਐਪ ਚੁਣੋ। ਇਹ ਵਿਸ਼ੇਸ਼ਤਾ iOS ਦੇ ਨਵੀਨਤਮ ਅਪਡੇਟ ਨਾਲ ਉਪਲਬਧ ਕਰਵਾਈ ਗਈ ਹੈ।
ਵਟਸਐਪ ਕਾਲਾਂ ਲਈ ਨਵੇਂ ਫੀਚਰ
- ਜ਼ੂਮ ਕਰਨਾ ਆਸਾਨ: ਜੇਕਰ ਤੁਸੀਂ ਆਈਫੋਨ ਵਰਤ ਰਹੇ ਹੋ ਅਤੇ ਵੀਡੀਓ ਕਾਲ 'ਤੇ ਹੋ, ਤਾਂ ਕਿਸੇ ਦੇ ਵੀਡੀਓ ਨੂੰ ਨੇੜਿਓਂ ਦੇਖਣ ਲਈ ਦੋ ਉਂਗਲਾਂ ਨਾਲ ਸਕ੍ਰੀਨ ਨੂੰ ਜ਼ੂਮ ਕਰ ਸਕਦੇ ਹੋ। ਇਸ ਨਾਲ ਤੁਸੀਂ ਆਪਣਾ ਚਿਹਰਾ ਜਾਂ ਦੂਜੇ ਵਿਅਕਤੀ ਦਾ ਚਿਹਰਾ ਨੇੜਿਓਂ ਦੇਖ ਸਕਦੇ ਹੋ।
- ਕਾਲ ਵਿੱਚ ਕਿਸੇ ਨੂੰ ਜੋੜਨਾ: ਜੇਕਰ ਤੁਸੀਂ ਕਿਸੇ ਨਾਲ ਕਾਲ 'ਤੇ ਹੋ ਅਤੇ ਉਸ ਕਾਲ ਵਿੱਚ ਕਿਸੇ ਹੋਰ ਨੂੰ ਸ਼ਾਮਲ ਕਰਨਾ ਚਾਹੁੰਦੇ ਹੋ, ਤਾਂ ਚੈਟ ਦੇ ਸਿਖਰ 'ਤੇ ਕਾਲ ਆਈਕਨ 'ਤੇ ਟੈਪ ਕਰੋ ਅਤੇ ਫਿਰ 'Add to Call' ਵਿਕਲਪ 'ਤੇ ਟੈਪ ਕਰੋ। ਇਸ ਨਾਲ ਤੁਸੀਂ ਕਿਸੇ ਨੂੰ ਚੱਲ ਰਹੀ ਕਾਲ ਵਿੱਚ ਆਸਾਨੀ ਨਾਲ ਜੋੜ ਸਕਦੇ ਹੋ।
- ਵੀਡੀਓ ਕਾਲ ਹੋਰ ਬਿਹਤਰ: ਵਟਸਐਪ ਨੇ ਵੀਡੀਓ ਕਾਲਿੰਗ ਵਿਸ਼ੇਸ਼ਤਾ ਨੂੰ ਪਹਿਲਾਂ ਨਾਲੋਂ ਬਿਹਤਰ ਬਣਾ ਦਿੱਤਾ ਹੈ। ਹੁਣ ਵਟਸਐਪ ਕਾਲਾਂ ਵਧੇਰੇ ਸਾਫ਼ ਅਤੇ ਸੁਚਾਰੂ ਹੋਣਗੀਆਂ। ਦਰਅਸਲ, ਵਟਸਐਪ ਸਭ ਤੋਂ ਆਸਾਨ ਤਰੀਕੇ ਨਾਲ ਇੰਟਰਨੈੱਟ ਲੱਭਦਾ ਹੈ ਅਤੇ ਉਸ ਨਾਲ ਜੁੜਦਾ ਹੈ। ਇਸ ਕਰਕੇ ਵਟਸਐਪ ਕਾਲਾਂ ਦੌਰਾਨ ਉਪਭੋਗਤਾਵਾਂ ਦੇ ਫ਼ੋਨ 'ਤੇ ਇੰਟਰਨੈੱਟ ਦੀ ਗਤੀ ਚੰਗੀ ਹੁੰਦੀ ਹੈ। ਇਸ ਕਾਰਨ ਯੂਜ਼ਰਸ ਨੂੰ ਵਟਸਐਪ 'ਤੇ ਐਚਡੀ ਕੁਆਲਿਟੀ ਵਿੱਚ ਵੀਡੀਓ ਕਾਲ ਕਰਨ ਦੀ ਸਹੂਲਤ ਮਿਲੇਗੀ।
ਇਹ ਵੀ ਪੜ੍ਹੋ:-
