HERBAL TEA FOR MOOD SWINGS : ਲੋਕ ਚਾਹ ਪੀਣਾ ਬਹੁਤ ਪਸੰਦ ਕਰਦੇ ਹਨ। ਕਈ ਲੋਕਾਂ ਦੀ ਚਾਹ ਤੋਂ ਬਿਨ੍ਹਾਂ ਸਵੇਰ ਹੀ ਨਹੀਂ ਹੁੰਦੀ। ਪਰ ਕੀ ਤੁਹਾਨੂੰ ਪਤਾ ਹੈ ਨਾਰਮਲ ਚਾਹ ਪੀਣਾ ਸਿਹਤ ਲਈ ਨੁਕਸਾਨਦੇਹ ਵੀ ਹੋ ਸਕਦਾ ਹੈ। ਇਸ ਲਈ ਡਾਕਟਰ ਚੈਤਾਲੀ ਰਾਠੌੜ ਨੇ ਇੱਕ ਅਜਿਹੀ ਚਾਹ ਬਣਾਉਣ ਦੇ ਤਰੀਕੇ ਬਾਰੇ ਦੱਸਿਆ ਹੈ, ਜਿਸਨੂੰ ਪੀ ਕੇ ਤੁਸੀਂ ਕਈ ਸਮੱਸਿਆਵਾਂ ਤੋਂ ਰਾਹਤ ਪਾ ਸਕਦੇ ਹੋ। ਜੀ ਹਾਂ... ਇਹ ਹਰਬਲ ਚਾਹ ਸਿਹਤਮੰਦ ਪੀਰੀਅਡਸ, ਚਿੰਤਾ ਅਤੇ ਮੂਡ ਸਵਿੰਗ ਲਈ ਇੱਕ ਵਧੀਆ ਘਰੇਲੂ ਉਪਾਅ ਹੈ। ਇਹ ਹਰਬਲ ਚਾਹ ਤੁਹਾਨੂੰ ਬਹੁਤ ਸਾਰੇ ਸਿਹਤ ਲਾਭ ਪ੍ਰਦਾਨ ਕਰ ਸਕਦੀ ਹੈ।
ਹਰਬਲ ਚਾਹ ਪੀਣ ਦੇ ਲਾਭ
ਡਾਕਟਰ ਚੈਤਾਲੀ ਰਾਠੌੜ ਦਾ ਕਹਿਣਾ ਹੈ ਕਿ ਜੇਕਰ ਤੁਹਾਨੂੰ ਪੁਰਾਣੀ ਪੀਐਮਐਸ, ਮੂਡ ਸਵਿੰਗ, ਪੀਸੀਓਐਸ, ਦਰਦਨਾਕ ਪੀਰੀਅਡਸ ਅਤੇ ਗੈਸਟ੍ਰਿਕ ਸਮੱਸਿਆਵਾਂ ਹਨ, ਤਾਂ ਤੁਸੀਂ ਇਸ ਹਰਬਲ ਚਾਹ ਨੂੰ ਪੀਣਾ ਸ਼ੁਰੂ ਕਰ ਦਿਓ। ਅਜਿਹਾ ਕਰਨ ਨਾਲ ਤੁਹਾਨੂੰ ਰਾਹਤ ਮਿਲੇਗੀ। ਇਸ ਚਾਹ ਨੂੰ ਬਣਾਉਣ ਲਈ ਰਸੋਈ 'ਚ ਵਰਤੇ ਜਾਂਦੇ ਮਸਾਲੇ ਤੁਹਾਡੇ ਕੰਮ ਆ ਸਕਦੇ ਹਨ।- ਡਾਕਟਰ ਚੈਤਾਲੀ ਰਾਠੌੜ
ਰਸੋਈ 'ਚ ਮੌਜ਼ੂਦ ਇਹ ਮਸਾਲੇ ਆਉਣਗੇ ਕੰਮ
ਇਸ ਚਾਹ ਨੂੰ ਬਣਾਉਣ ਲਈ ਜੀਰਾ, ਸੌਂਫ ਦੇ ਬੀਜ, ਅਜਵਾਈਨ ਦੇ ਬੀਜ, ਗੁਲਾਬ ਦੀਆਂ ਪੱਤੀਆਂ ਅਤੇ ਅਪਰਾਜਿਤਾ ਫੁੱਲ ਵਰਗੇ ਮਸਾਲਿਆਂ ਦੀ ਲੋੜ ਹੁੰਦੀ ਹੈ। ਇਹ ਮਸਾਲੇ ਸਾੜ ਵਿਰੋਧੀ ਗੁਣਾ ਨਾਲ ਭਰਪੂਰ ਹੁੰਦੇ ਹਨ। ਇਨ੍ਹਾਂ ਮਸਾਲਿਆਂ ਤੋਂ ਬਣੀ ਚਾਹ ਪੀਣ ਨਾਲ ਮੂਡ ਨੂੰ ਨਿਯਮਤ ਕਰਨ, ਭਾਰ ਘਟਾਉਣ, ਪੀਰੀਅਡਸ ਨੂੰ ਨਿਯਮਤ ਕਰਨ ਵਿੱਚ ਮਦਦ ਮਿਲ ਸਕਦੀ ਹੈ ਅਤੇ ਹੋਰ ਵੀ ਬਹੁਤ ਸਾਰੇ ਲਾਭ ਮਿਲ ਸਕਦੇ ਹਨ।
ਹਰਬਲ ਚਾਹ ਨੂੰ ਬਣਾਉਣ ਦਾ ਤਰੀਕਾ
ਇਸ ਚਾਹ ਨੂੰ ਬਣਾਉਣ ਲਈ ਸਭ ਤੋਂ ਪਹਿਲਾ 1 ਕੱਪ ਪਾਣੀ ਲਓ ਅਤੇ ਫਿਰ 1 ਚਮਚ ਮਸਾਲੇ (ਧਨੀਆ ਦੇ ਬੀਜ, ਜੀਰਾ, ਅਜਵਾਈਨ ਦੇ ਬੀਜ) ਪਾਓ ਅਤੇ ਮੁੱਠੀ ਭਰ ਗੁਲਾਬ ਦੀਆਂ ਪੱਤੀਆਂ ਅਤੇ ਅਪਰਾਜਿਤਾ ਦੇ ਫੁੱਲ ਪਾਓ ਅਤੇ ਇਸਨੂੰ 5 ਮਿੰਟ ਲਈ ਉਬਾਲੋ। ਇਸ ਤਰ੍ਹਾਂ ਤੁਹਾਡੀ ਚਾਹ ਤਿਆਰ ਹੈ। ਫਿਰ ਇਸਨੂੰ ਛਾਣ ਕੇ ਪੀ ਲਓ।
ਚਾਹ ਪੀਣ ਦਾ ਸਹੀਂ ਸਮੇਂ
ਬਿਹਤਰ ਨਤੀਜਿਆਂ ਲਈ ਤੁਸੀਂ ਇਸ ਚਾਹ ਨੂੰ ਸਵੇਰੇ ਨਾਸ਼ਤੇ ਤੋਂ ਪਹਿਲਾਂ ਅਤੇ ਰਾਤ ਦੇ ਖਾਣੇ ਤੋਂ ਬਾਅਦ ਪੀ ਸਕਦੇ ਹੋ। ਦੱਸ ਦੇਈਏ ਕਿ ਇਸਨੂੰ 12 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਨਾ ਦਿਓ।
ਇਹ ਵੀ ਪੜ੍ਹੋ:-
