ਗਰਮੀਆਂ ਦੇ ਮੌਸਮ ਸ਼ੁਰੂ ਹੁੰਦੇ ਹੀ ਏਸੀ ਦੀ ਵਰਤੋ ਵੀ ਵੱਧ ਜਾਂਦੀ ਹੈ। ਪਰ ਏਸੀ ਦੀ ਵਰਤੋ ਕਰਦੇ ਸਮੇਂ ਤੁਹਾਨੂੰ ਬਹੁਤ ਸਾਵਧਾਨ ਰਹਿਣ ਦੀ ਲੋੜ ਹੈ। ਜ਼ਿਆਦਾ ਗਰਮੀ ਕਾਰਨ ਏਸੀ ਨੂੰ ਅੱਗ ਲੱਗਣ ਦੀ ਖ਼ਬਰ ਤੁਸੀਂ ਜ਼ਰੂਰ ਸੁਣੀ ਹੋਵੇਗੀ। ਪਿਛਲੇ ਸਾਲ 2024 ਵਿੱਚ ਗਰਮੀਆਂ ਦੇ ਮਹੀਨਿਆਂ ਵਿੱਚ ਏਸੀ ਧਮਾਕੇ ਦੀ ਖ਼ਬਰ ਨੇ ਸਾਰਿਆਂ ਨੂੰ ਡਰਾ ਦਿੱਤਾ ਸੀ। ਗਰਮੀ ਇੰਨੀ ਜ਼ਿਆਦਾ ਸੀ ਕਿ ਏਸੀ 'ਤੇ ਭਾਰ ਵੱਧ ਗਿਆ ਅਤੇ ਏਸੀ ਫਟਣ ਦੀਆਂ ਘਟਨਾਵਾਂ ਵਾਪਰਨ ਲੱਗੀਆਂ। ਲੋਕਾਂ ਨੂੰ ਠੰਢੀ ਹਵਾ ਦੇ ਕੇ ਗਰਮੀ ਤੋਂ ਰਾਹਤ ਦੇਣ ਵਾਲੇ ਏਸੀ ਵੀ ਅੱਗ ਦੇ ਗੋਲੇ ਬਣ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ ਮਾਹਿਰਾਂ ਦਾ ਕਹਿਣਾ ਹੈ ਕਿ ਏਸੀ ਨੂੰ ਹਰ ਦੋ ਘੰਟਿਆਂ ਬਾਅਦ 5-7 ਮਿੰਟ ਲਈ ਬੰਦ ਕਰ ਦੇਣਾ ਚਾਹੀਦਾ ਹੈ, ਤਾਂ ਜੋ ਏਸੀ ਨੂੰ ਥੋੜ੍ਹਾ ਆਰਾਮ ਮਿਲੇ ਅਤੇ ਅੱਗ ਲੱਗਣ ਦੀਆਂ ਘਟਨਾਵਾਂ ਘੱਟ ਹੋਣ। ਇਸ ਤੋਂ ਇਲਾਵਾ, ਏਸੀ ਕਮਰਿਆਂ ਵਿੱਚ ਸਿਗਰਟ ਪੀਣਾ ਵੀ ਖਤਰਨਾਕ ਹੋ ਸਕਦਾ ਹੈ।
ਏਸੀ ਕਮਰੇ ਵਿੱਚ ਸਿਗਰਟ ਪੀਣਾ ਖ਼ਤਰਨਾਕ
ਗਰਮੀ ਵਿੱਚ ਏਸੀ ਤੋਂ ਬਿਨ੍ਹਾਂ ਜ਼ਿਆਦਾ ਦੇਰ ਰਹਿਣਾ ਮੁਸ਼ਕਲ ਹੈ। ਪਰ ਸਿਗਰਟ ਵਾਲੇ ਲੋਕ ਕਿਸੇ ਵੀ ਜਗ੍ਹਾਂ ਸਿਗਰਟ ਪੀਣਾ ਸ਼ੁਰੂ ਕਰ ਦਿੰਦੇ ਹਨ। ਸਿਗਰਟਨੋਸ਼ੀ ਕਰਨ ਵਾਲਿਆਂ ਨੂੰ ਨਾ ਤਾਂ ਸਮੇਂ ਦੀ ਪਰਵਾਹ ਹੁੰਦੀ ਹੈ ਅਤੇ ਨਾ ਹੀ ਸਥਾਨ ਦੀ। ਇਸ ਕਰਕੇ ਉਹ ਠੰਢੇ ਏਸੀ ਕਮਰਿਆਂ ਵਿੱਚ ਵੀ ਸਿਗਰਟ ਪੀਂਦੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਏਸੀ ਕਮਰਿਆਂ ਵਿੱਚ ਵਾਰ-ਵਾਰ ਸਿਗਰਟਨੋਸ਼ੀ ਕਰਨਾ ਸਿਹਤ ਲਈ ਹਾਨੀਕਾਰਕ ਹੈ। ਏਸੀ ਵਿੱਚ ਬੈਠਣਾ ਅਤੇ ਏਸੀ ਵਾਲੇ ਕਮਰੇ ਵਿੱਚ ਇੱਕ ਤੋਂ ਬਾਅਦ ਇੱਕ ਸਿਗਰਟ ਪੀਣਾ ਤੁਹਾਡੀ ਸਿਹਤ ਲਈ ਬਿਲਕੁਲ ਵੀ ਚੰਗਾ ਨਹੀਂ ਹੈ। ਇਸ ਨਾਲ ਤੁਹਾਡਾ ਏਸੀ ਕਿਸੇ ਵੀ ਸਮੇਂ ਫਟ ਸਕਦਾ ਹੈ ਅਤੇ ਸਿਹਤ ਨੂੰ ਖਤਰਾ ਹੋ ਸਕਦਾ ਹੈ।
ਸਿਗਰਟ ਪੀਣ ਦੇ ਨੁਕਸਾਨ
ਕਈ ਵੱਖ-ਵੱਖ ਅਧਿਐਨਾਂ ਅਤੇ pubmed.nlm ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਨੇ ਦਿਖਾਇਆ ਹੈ ਕਿ ਏਸੀ ਕਮਰੇ ਵਿੱਚ ਸਿਗਰਟਨੋਸ਼ੀ ਸਰੀਰ ਦੀ 'ਗਰਮੀ ਅਸਹਿਣਸ਼ੀਲਤਾ' ਜਾਂ 'ਠੰਢਾ ਕਰਨ ਦੀ ਪ੍ਰਕਿਰਿਆ' ਨੂੰ ਕਮਜ਼ੋਰ ਕਰਦੀ ਹੈ। ਨਤੀਜੇ ਵਜੋਂ ਸਿਗਰਟ ਦੇ ਧੂੰਏਂ ਤੋਂ ਨਿਕਲਣ ਵਾਲੀ ਗਰਮੀ ਸਰੀਰ ਦੇ ਅੰਦਰ ਹੀ ਰਹਿੰਦੀ ਹੈ। ਇਹ ਦਿਲ, ਦਿਮਾਗ, ਫੇਫੜਿਆਂ ਅਤੇ ਗੁਰਦਿਆਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਨਤੀਜੇ ਵਜੋਂ ਹੀਟ ਸਟ੍ਰੋਕ ਨਾਲ ਸਬੰਧਤ ਸਮੱਸਿਆਵਾਂ ਵੱਧ ਸਕਦੀਆਂ ਹਨ। ਇਹ ਆਦਤ ਉਨ੍ਹਾਂ ਲੋਕਾਂ ਲਈ ਵੀ ਘਾਤਕ ਹੋ ਸਕਦੀ ਹੈ ਜੋ ਅਸਿੱਧੇ ਤੌਰ 'ਤੇ ਸਿਗਰਟ ਦੇ ਧੂੰਏਂ ਦੇ ਸੰਪਰਕ ਵਿੱਚ ਆਉਂਦੇ ਹਨ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਜ਼ਿਆਦਾ ਸਿਗਰਟਨੋਸ਼ੀ ਫੇਫੜਿਆਂ, ਗਲੇ ਅਤੇ ਮੂੰਹ ਦੇ ਕੈਂਸਰ ਦਾ ਖ਼ਤਰਾ ਵਧਾਉਂਦੀ ਹੈ। ਜੇਕਰ ਤੁਹਾਨੂੰ ਦਿਲ ਦੀਆਂ ਸਮੱਸਿਆਵਾਂ ਹਨ ਤਾਂ ਇਹ ਹੋਰ ਵੀ ਗੁੰਝਲਦਾਰ ਹੋ ਜਾਂਦਾ ਹੈ।
ਏਸੀ ਦੇ ਫਿਲਟਰਾਂ ਨੂੰ ਬਦਲਣਾ ਜ਼ਰੂਰੀ
ਏਅਰ ਕੰਡੀਸ਼ਨਰਾਂ ਵਿੱਚ ਫਿਲਟਰ ਹੁੰਦੇ ਹਨ ਜੋ ਘਰ ਦੇ ਅੰਦਰ ਹਵਾ ਦੀ ਗੁਣਵੱਤਾ ਨੂੰ ਬਿਹਤਰ ਬਣਾਉਣ ਲਈ ਤਿਆਰ ਕੀਤੇ ਜਾਂਦੇ ਹਨ। ਸਿਗਰਟਾਂ ਤੋਂ ਨਿਕਲਣ ਵਾਲੇ ਪ੍ਰਦੂਸ਼ਕਾਂ ਦੀ ਮਾਤਰਾ ਇੰਨੀ ਜ਼ਿਆਦਾ ਹੁੰਦੀ ਹੈ ਕਿ ਇਹ ਜਲਦੀ ਹੀ AC ਫਿਲਟਰ 'ਤੇ ਰਹਿੰਦ-ਖੂੰਹਦ ਦੀ ਇੱਕ ਪਰਤ ਬਣਾ ਲੈਂਦੀ ਹੈ। ਅਜਿਹੀ ਸਥਿਤੀ ਵਿੱਚ ਫਿਲਟਰ ਨੂੰ ਮਹੀਨੇ ਵਿੱਚ ਘੱਟੋ-ਘੱਟ ਇੱਕ ਵਾਰ ਬਦਲਣਾ ਚਾਹੀਦਾ ਹੈ। ਫਿਲਟਰ ਬਦਲਣਾ ਉਸ ਕਮਰੇ ਵਿੱਚ ਇੱਕ ਦਿਨ ਵਿੱਚ ਪੀਤੀਆਂ ਗਈਆਂ ਸਿਗਰਟਾਂ ਦੀ ਗਿਣਤੀ ਜਾਂ ਘਰ ਵਿੱਚ ਰਹਿਣ ਵਾਲੇ ਸਿਗਰਟਨੋਸ਼ੀ ਕਰਨ ਵਾਲਿਆਂ ਦੀ ਗਿਣਤੀ 'ਤੇ ਨਿਰਭਰ ਕਰਦਾ ਹੈ।
ਸਿਗਰਟ ਕਾਰਨ ਏਸੀ 'ਚ ਲੱਗ ਸਕਦੀ ਅੱਗ
ਏਸੀ ਕਮਰੇ ਵਿੱਚ ਸਿਗਰਟਨੋਸ਼ੀ ਕਰਨ ਨਾਲ ਏਸੀ ਸਿੱਧੇ ਤੌਰ 'ਤੇ ਫਟਦਾ ਨਹੀਂ ਹੈ ਪਰ ਇਹ ਏਸੀ ਵਿੱਚ ਅੱਗ ਲੱਗਣ ਦੀ ਸੰਭਾਵਨਾ ਨੂੰ ਵਧਾ ਸਕਦਾ ਹੈ। ਸਿਗਰਟਨੋਸ਼ੀ ਤੋਂ ਨਿਕਲਣ ਵਾਲਾ ਧੂੰਆਂ ਅਤੇ ਹਾਨੀਕਾਰਕ ਰਸਾਇਣ ਏਸੀ ਵਿੱਚ ਧੂੜ ਅਤੇ ਗੰਦਗੀ ਨਾਲ ਮਿਲ ਕੇ ਜਲਣਸ਼ੀਲ ਪਦਾਰਥ ਬਣਾਉਂਦੇ ਹਨ। ਜੇਕਰ ਏਸੀ ਵਿੱਚ ਕੋਈ ਨੁਕਸ ਹੈ, ਜਿਵੇਂ ਕਿ ਸ਼ਾਰਟ ਸਰਕਟ ਜਾਂ ਗੈਸ ਲੀਕ, ਤਾਂ ਇਹ ਜਲਣਸ਼ੀਲ ਪਦਾਰਥ ਅੱਗ ਦਾ ਕਾਰਨ ਬਣ ਸਕਦੇ ਹਨ।
https://pubmed.ncbi.nlm.nih.gov/35862623/
ਇਹ ਵੀ ਪੜ੍ਹੋ:-
- ਕੀ ਸਿਰਫ਼ ਔਰਤਾਂ ਨੂੰ ਹੋਣ ਵਾਲੀ ਇਹ ਸਮੱਸਿਆ ਮਰਦਾਂ ਨੂੰ ਵੀ ਹੁੰਦੀ ਹੈ? ਇਨ੍ਹਾਂ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਕਰਨ ਦੀ ਨਾ ਕਰੋ ਗਲਤੀ
- ਕੀ ਤੁਹਾਡੀਆਂ ਅੱਖਾਂ ਅਕਸਰ ਸੁੱਕੀਆਂ ਰਹਿੰਦੀਆਂ ਹਨ? ਇਸ ਪਿੱਛੇ ਹੋ ਸਕਦੇ ਨੇ ਇਹ ਕਾਰਨ, ਇੱਥੇ ਦੇਖੋ ਕਿਵੇਂ ਕੀਤਾ ਜਾ ਸਕਦਾ ਹੈ ਇਲਾਜ?
- ਬਿਨ੍ਹਾਂ ਦਵਾਈ ਦੇ ਬਲੱਡ ਪ੍ਰੈਸ਼ਰ ਨੂੰ ਕਿਵੇਂ ਕੀਤਾ ਜਾ ਸਕਦਾ ਹੈ ਕੰਟਰੋਲ? ਅਪਣਾ ਲਓ ਇਹ 4 ਆਦਤਾਂ ਅਤੇ ਫਿਰ ਦੇਖੋ ਸੁਧਾਰ!
