ਬਹੁਤ ਸਾਰੇ ਲੋਕਾਂ ਨੂੰ ਆਪਣੀਆਂ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਦੀ ਆਦਤ ਹੁੰਦੀ ਹੈ। ਇਸ ਦੇ ਨਾਲ ਹੀ ਕੁਝ ਲੋਕ ਜਦੋਂ ਆਪਣਾ ਕੰਮ ਖਤਮ ਕਰਕੇ ਆਰਾਮ ਨਾਲ ਬੈਠਦੇ ਹਨ, ਤਾਂ ਉਹ ਆਪਣੀਆਂ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਲੱਗਦੇ ਹਨ। ਇਸ ਨਾਲ ਉਨ੍ਹਾਂ ਨੂੰ ਮਹਿਸੂਸ ਹੁੰਦਾ ਹੈ ਕਿ ਉਨ੍ਹਾਂ ਦੀਆਂ ਉਂਗਲਾਂ ਨੂੰ ਆਰਾਮ ਮਿਲ ਗਿਆ ਹੈ। ਪਰ ਇਸ ਦੇ ਉਲਟ ਜਦੋਂ ਵੀ ਘਰ ਦੇ ਬਜ਼ੁਰਗ ਕਿਸੇ ਨੂੰ ਆਪਣੀਆਂ ਉਂਗਲੀਆਂ ਦੇ ਪਟਾਕੇ ਵਜਾਉਂਦੇ ਹੋਏ ਦੇਖਦੇ ਹਨ, ਤਾਂ ਉਹ ਇਹ ਕਹਿ ਕੇ ਇਨਕਾਰ ਕਰ ਦਿੰਦੇ ਹਨ ਕਿ ਉਨ੍ਹਾਂ ਦੀਆਂ ਉਂਗਲਾਂ ਨੂੰ ਗਠੀਏ ਦਾ ਰੋਗ ਹੋ ਸਕਦਾ ਹੈ। ਉਸ ਸਮੇਂ ਕੁਝ ਲੋਕਾਂ ਨੂੰ ਡਰ ਹੁੰਦਾ ਹੈ ਕਿ ਉਂਗਲੀਆਂ ਦੇ ਪਟਾਕੇ ਵਜਾਉਂਣਾ ਗਠੀਏ ਦੇ ਰੋਗ ਦਾ ਕਾਰਨ ਬਣ ਸਕਦਾ ਹੈ।
ਕੀ ਉਂਗਲੀਆਂ ਦੇ ਪਟਾਕੇ ਵਜਾਉਂਣਾ ਗਠੀਏ ਦਾ ਕਾਰਨ ਬਣ ਸਕਦਾ ਹੈ?
ਬਹੁਤ ਸਾਰੇ ਅਧਿਐਨਾਂ ਤੋਂ ਪਤਾ ਲੱਗਦਾ ਹੈ ਕਿ ਉਂਗਲੀਆਂ ਦੇ ਪਟਾਕੇ ਅਤੇ ਗਠੀਏ ਵਿਚਕਾਰ ਕੋਈ ਸਬੰਧ ਨਹੀਂ ਹੈ। ਹਾਰਵਰਡ ਯੂਨੀਵਰਸਿਟੀ ਹਾਰਵਰਡ ਮੈਡੀਕਲ ਸਕੂਲ ਦੀ ਇੱਕ ਰਿਪੋਰਟ ਅਨੁਸਾਰ, ਉਂਗਲੀਆਂ ਦੇ ਪਟਾਕੇ ਵਜਾਉਂਣਾ ਤੁਹਾਡੇ ਆਲੇ ਦੁਆਲੇ ਦੇ ਲੋਕਾਂ ਨੂੰ ਪਰੇਸ਼ਾਨ ਕਰ ਸਕਦਾ ਹੈ, ਪਰ ਇਹ ਤੁਹਾਨੂੰ ਗਠੀਏ ਦੇ ਖਤਰੇ ਵਿੱਚ ਨਹੀਂ ਪਾਵੇਗਾ।
ਜੌਨਸ ਹੌਪਕਿੰਸ ਆਰਥਰਾਈਟਿਸ ਸੈਂਟਰ ਦੇ ਅਨੁਸਾਰ, ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਨਾਲ ਗਠੀਏ ਵਰਗੇ ਜੋੜਾਂ ਨੂੰ ਕੋਈ ਨੁਕਸਾਨ ਹੁੰਦਾ ਹੈ। ਹਾਲਾਂਕਿ, ਡਾਕਟਰੀ ਸਾਹਿਤ ਵਿੱਚ ਕੁਝ ਰਿਪੋਰਟਾਂ ਉਪਲਬਧ ਹਨ ਜੋ ਜੋੜਾਂ ਦੇ ਆਲੇ ਦੁਆਲੇ ਦੇ ਲਿਗਾਮੈਂਟਾਂ ਵਿੱਚ ਸੱਟ ਜਾਂ ਨਸਾਂ ਦੇ ਵਿਗਾੜ, ਜੋ ਕਿ ਰੂੜ੍ਹੀਵਾਦੀ ਇਲਾਜ ਨਾਲ ਹੱਲ ਹੁੰਦੀਆਂ ਹਨ, ਨਾਲ ਉਂਗਲੀਆਂ ਦੇ ਪਟਾਕੇ ਨੂੰ ਜੋੜਦੀਆਂ ਹਨ।-ਜੌਨਸ ਹੌਪਕਿੰਸ ਆਰਥਰਾਈਟਿਸ ਸੈਂਟਰ
ਕਈ ਅਧਿਐਨਾਂ ਦੇ ਸਿੱਟਿਆਂ ਅਨੁਸਾਰ, ਜੇਕਰ ਤੁਸੀਂ ਸੋਚਦੇ ਹੋ ਕਿ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਨਾਲ ਗਠੀਏ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ, ਤਾਂ ਇਹ ਪੂਰੀ ਤਰ੍ਹਾਂ ਗਲਤ ਹੈ। ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਦਾ ਗਠੀਏ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।
ਕੀ ਹੁੰਦਾ ਹੈ ਉਂਗਲੀਆਂ ਦੇ ਪਟਾਕੇ ਵਜਾਉਂਣਾ?
ਆਰਥੋਪੈਡਿਕਸ ਵਿਭਾਗ ਨੇ ਕਿਹਾ ਕਿ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਨਾਲ ਗਠੀਏ ਦਾ ਦਰਦ ਹੁੰਦਾ ਹੈ। ਹਾਲਾਂਕਿ, ਵਾਰ-ਵਾਰ ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਨਾਲ ਜੋੜਾਂ ਵਿੱਚ ਅਸਥਾਈ ਦਰਦ ਹੋ ਸਕਦਾ ਹੈ। ਜਦੋਂ ਤੁਸੀਂ ਆਪਣੀਆਂ ਉਂਗਲੀਆਂ ਦੇ ਪਟਾਕੇ ਵਜਾਉਂਦੇ ਹੋ, ਤਾਂ ਤੁਸੀਂ ਜੋੜਾਂ ਦੀਆਂ ਹੱਡੀਆਂ ਨੂੰ ਵੱਖ ਕਰਦੇ ਹੋ। ਫਿਰ ਇਨ੍ਹਾਂ ਜੋੜਾਂ ਵਿੱਚ ਇੱਕ ਗੈਸ ਦਾ ਬੁਲਬੁਲਾ ਬਣ ਜਾਂਦਾ ਹੈ ਅਤੇ ਜੋ ਆਵਾਜ਼ ਤੁਸੀਂ ਸੁਣਦੇ ਹੋ, ਇਹ ਜੋੜ ਵਿੱਚ ਚਿਪਕਣ ਵਾਲੀ ਸੀਲ ਟੁੱਟਣ ਦੀ ਆਵਾਜ਼ ਹੁੰਦੀ ਹੈ।-ਆਰਥੋਪੈਡਿਕਸ ਵਿਭਾਗ
ਉਂਗਲੀਆਂ ਦੇ ਪਟਾਕੇ ਵਜਾਉਂਣ ਨਾਲ ਜੋੜਾਂ ਅਤੇ ਉਨ੍ਹਾਂ ਦੀ ਸੁਰੱਖਿਆ ਵਾਲੀ ਗਤੀ ਕਮਜ਼ੋਰ ਹੋ ਜਾਂਦੀ ਹੈ। ਇਸਦਾ ਮਤਲਬ ਇਹ ਹੈ ਕਿ ਜਿਨ੍ਹਾਂ ਲੋਕਾਂ ਨੂੰ ਵਰਤਮਾਨ ਵਿੱਚ ਗਠੀਆਂ ਹੈ, ਉਨ੍ਹਾਂ ਲਈ ਉਂਗਲੀਆਂ ਦੇ ਵਾਰ-ਵਾਰ ਪਟਾਕੇ ਵਜਾਉਂਣ ਨਾਲ ਸਮੱਸਿਆ ਹੋਰ ਵੱਧ ਸਕਦੀ ਹੈ।
ਇਹ ਖਬਰ ਇਸ ਵੈੱਬਸਾਈਟ ਤੋਂ ਲਈ ਗਈ ਹੈ।
ਇਹ ਵੀ ਪੜ੍ਹੋ:-
