ସିଡନୀରେ ପ୍ରଧାନମନ୍ତ୍ରୀଙ୍କୁ ଭବ୍ୟ ସ୍ବାଗତ, ଆକାଶରୁ ଛୁଟିଲା Welcome Modi

ସିଡନୀ: 6 ଦିନିଆ ବିଦେଶ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଥମେ ଜାପାନ ପରେ ପପୁଆ ନ୍ୟୁଗିନି ଗସ୍ତ ପରେ ଗତକାଲି(ସୋମବାର) ଆଷ୍ଟ୍ରେଲିଆ ଗସ୍ତ କରିଛନ୍ତି । ଆଜି (ମଙ୍ଗଳବାର) ସିଡନୀରେ ପ୍ରବାସୀ ଭାରତୀୟଙ୍କୁ ସମ୍ବୋଧନ କରିବେ ପ୍ରଧାନମନ୍ତ୍ରୀ । ଏହାସହ ଅଷ୍ଟ୍ରେଲିଆରେ ମୋଦିଙ୍କର ବ୍ୟାପକ କାର୍ଯ୍ୟକ୍ରମ ରହିଛି । ଏନେଇ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବାକୁ ପ୍ରସ୍ତୁତ ହୋଇଛି ସିଡନୀ । ପ୍ରଧାନମନ୍ତ୍ରୀଙ୍କୁ ସିଡନୀରେ ନିଆରା ଢଙ୍ଗରେ ସ୍ବାଗତ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ସିଡନୀ ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ହରହର ମୋଦି ଘରଘର ମୋଦି ନାରାରେ କମ୍ପିଥିଲା ସିଡନୀ । ଆକାଶରେ ୱେଲକମ ମୋଦି ଲେଖି ପ୍ରଧାନମନ୍ତ୍ରୀଙ୍କୁ ଭବ୍ୟ ସ୍ବାଗତ କରାଯାଇଛି । ଯାହାର ଭିଡିଓ ସାମ୍ନାକୁ ଆସିଛି । ଭିଡିଓରେ ମ୍ୟୁଜିକ ସହ ଆକାଶରେ Welcome Modi ଲେଖାଯିବ ଦୃଶ୍ୟ ଦେଖିବାକୁ ମିଳିଛି । ଦେଖନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସିଡନୀରେ କିପରି ନିଆରା ଢଙ୍ଗରେ ସ୍ବାଗତ କରାଯାଇଛି ।