ହାଇଦ୍ରାବାଦ: ଆଜିକାଲି ମହିଳାମାନେ ଗ୍ଲାମରସ୍ ଲୁକ୍ ପାଇଁ ଡ୍ରେସ୍ ସହ ହାଇ ହିଲ୍ ପିନ୍ଧିବାକୁ ପସନ୍ଦ କରନ୍ତି । ମହିଳାମାନେ ବିଶ୍ବାସ କରନ୍ତି ଯେ, ହାଇ ହିଲ୍ ସେମାନଙ୍କୁ ଆତ୍ମବିଶ୍ୱାସ ଦେଇଥାଏ । ଫ୍ୟାଶନ୍ ଏବଂ ଲୁକ୍ ପାଇଁ ମହିଳାମାନେ ହାଇ ହିଲ୍ ପିନ୍ଧନ୍ତି । କିନ୍ତୁ ଏପରି ପରିସ୍ଥିତିରେ ଏହାର ଅତ୍ୟଧିକ ବ୍ୟବହାର କିନ୍ତୁ ଅନେକ ରୋଗର ଶିକାର କରିପାରେ । ନିୟମିତ ଭାବରେ ହାଇ ହିଲ୍ ପିନ୍ଧିବା ମେରୁଦଣ୍ଡ ଏବଂ ଆଣ୍ଠୁ ଉପରେ ପ୍ରଭାବ ପକାଇପାରେ ।

ହାଇ ହିଲ୍ ହେତୁ ଆଣ୍ଠୁରେ ସବୁବେଳେ ଯନ୍ତ୍ରଣା ହେବ ଏବଂ ଏହା ଗଣ୍ଠି ଏବଂ ହାଡ ଉପରେ ମଧ୍ୟ ପ୍ରଭାବ ପକାଇବ । ଅତ୍ୟଧିକ ହାଇ ହିଲ୍ ପିନ୍ଧିବା ଦ୍ୱାରା ପାଦରେ ସମସ୍ୟା ସୃଷ୍ଟି ହୋଇପାରେ । ଏହା ବ୍ୟତୀତ ଭବିଷ୍ୟତରେ ଏହା ପିଡିଆଟ୍ରି ସମସ୍ୟା ସୃଷ୍ଟି କରିପାରେ । ତେବେ ଏହାର ପାର୍ଶ୍ୱ ପ୍ରତିକ୍ରିୟା ବିଷୟରେ ଜାଣନ୍ତୁ...

ହାଇ ହିଲ୍ ପିଠି ଯନ୍ତ୍ରଣା ଦେଇପାରେ:

ହାଇ ହିଲ୍ ପିନ୍ଧିବା ନିଶ୍ଚିତ ଭାବରେ ଆପଣଙ୍କୁ ଆତ୍ମବିଶ୍ବାସୀ କରାଏ, କିନ୍ତୁ ଏହା ଆପଣଙ୍କ ପାଦରେ ଯନ୍ତ୍ରଣା ମଧ୍ୟ ଦିଏ । ଏହାକୁ ପିନ୍ଧିବା ଦ୍ୱାରା ପିଠି ଯନ୍ତ୍ରଣା, ଫୁଲା ଏବଂ ବ୍ୟଥାର କାରଣ ହୋଇଥାଏ ।

ଏହା ମଧ୍ୟ ପଢନ୍ତୁ: ଗର୍ଭାବସ୍ଥାରେ ହାଇ ହିଲ୍‌ ବିଗାଡିପାରେ ସ୍ବାସ୍ଥ୍ୟ

ଗୋଡ଼ରେ ଯନ୍ତ୍ରଣା ଏବଂ ଫୁଲା ବା ବ୍ୟଥା:

ପ୍ରତିଦିନ ହାଇ ହିଲ୍ ପିନ୍ଧିବା ଦ୍ୱାରା ପାଦରେ ଫୁଲା ଏବଂ ଆଙ୍ଗୁଠି, ପାଦ, ଗୋଇଠିରେ ପ୍ରବଳ ଯନ୍ତ୍ରଣା ହୋଇପାରେ ।

ଆଣ୍ଠୁ ଏବଂ ମାଂସପେଶୀରେ ଯନ୍ତ୍ରଣା ହୋଇପାରେ:

ହାଇ ହିଲ୍ ଚପଲ ପିନ୍ଧିବା ଦ୍ୱାରା ଆଣ୍ଠୁ ଉପରେ ବହୁତ ଚାପ ପଡ଼ିଥାଏ, ଯେଉଁଥିପାଇଁ ଆଣ୍ଠୁ ଏବଂ ମାଂସପେଶୀରେ ଯନ୍ତ୍ରଣା ହୁଏ ।

ଏହା ମଧ୍ୟ ପଢନ୍ତୁ: ମାଇଗ୍ରେନ ପାଇଁ ମାର୍କେଟକୁ ଆସିଲା ଡିଭାଇସ, ଆଉ ଆବଶ୍ୟକ ନୁହେଁ ଔଷଧ

ରକ୍ତବାହୀ ଅବରୋଧିତ କରିପାରେ:

ଉଚ୍ଚ ହିଲ୍ ପିନ୍ଧିବା ଦ୍ୱାରା ପାଦର ଆଙ୍ଗୁଠି ଏବଂ ହାଡ଼ରେ ସମସ୍ୟା ସୃଷ୍ଟି ହୁଏ, ଯାହା ରକ୍ତ ନଳୀକୁ ଅବରୋଧ କରିପାରେ । ବେଳେବେଳେ, ସମସ୍ୟା ବଢ଼ିବା ସହ ଏହି ରକ୍ତବାହୀଗୁଡ଼ିକ ଭାଙ୍ଗି ଯାଇପାରେ, ଯାହାଦ୍ୱାରା ଗୋଡ଼ରେ ଅତ୍ୟଧିକ ଯନ୍ତ୍ରଣା ହୁଏ ।

ଆଣ୍ଠୁଗଣ୍ଠି ସ୍ପ୍ରେନ୍ ହୋଇପାରେ:

ହାଇ ହିଲ୍ ପିନ୍ଧି କିଛି ପାଦ ଚାଲିବା ମଧ୍ୟ କଷ୍ଟକର । ଯଦି ଚାଲି ଚାଲି ବଜାରରେ ସପିଂ କରିବାକୁ ଯାଉଛନ୍ତି, ତେବେ ହାଇ ହିଲ୍ ପିନ୍ଧନ୍ତୁ ନାହିଁ କାରଣ ଏହା ଆପଣଙ୍କ ଆଣ୍ଠୁରେ ସ୍ପ୍ରେନ୍ ସୃଷ୍ଟି କରିପାରେ ।