ହାଇଦ୍ରାବାଦ: କଥାରେ ଅଛି, ଯଦି ପେଟ ସଫା ଥିବ ତେବେ ଅନ୍ୟାନ୍ୟ ଶାରୀରିକ ସମସ୍ୟା ଆସିବ ନାହିଁ ! ମାତ୍ର ପରିବର୍ତ୍ତିତ ଜୀବନଶୈଳୀ ମଧ୍ୟରେ ଅଧିକାଂଶ ବ୍ୟକ୍ତିଙ୍କ ପେଟଗତ ସମସ୍ୟା ଦେଖାଦେଉଛି । ସେଥିମଧ୍ୟରୁ କୋଷ୍ଠକାଠିନ୍ୟ(constipation problem) ଏକ ସାଧାରଣ ସମସ୍ୟା ହୋଇଗଲାଣି । ଏହି ସମସ୍ୟାରୁ ମୁକ୍ତି ପାଇବା ପାଇଁ ଆପଣ ଅନେକ ଘରୋଇ ଉପଚାର କରିପାରିବେ ।
ଏହି ଘରୋଇ ଉପଚାରଗୁଡ଼ିକ ଆପଣଙ୍କୁ ଅମ୍ଳତା ଏବଂ ପେଟ ଫୁଲିବା ଭଳି ସମସ୍ୟାରୁ ମୁକ୍ତି ଦେଇଥାଏ । କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ପାଇବା ପାଇଁ କେଉଁ ଘରୋଇ ଉପଚାର କରିପାରିବେ ସେ ବାବଦରେ ନିମ୍ନରେ ଆଲୋଚନା କରାଯାଇଛି ।
ଶୁଖିଲା ପ୍ଲମ୍(Dry Plum)- ଶୁଖିଲା ପ୍ଲମ୍ରେ ଉଭୟ ଦ୍ରବୀଭୂତ ଏବଂ ଅମଳକ୍ଷମ ଫାଇବର ଥାଏ । କୋଷ୍ଠକାଠିନ୍ୟ ସମସ୍ୟା ଦୂର କରିବା ପାଇଁ ଏହା ସର୍ବୋତ୍ତମ ଉପାୟ । ଏଥିରେ ସୋର୍ବିଟୋଲ ଏବଂ ଫେନୋଲିକ୍ ପୋଷକ ତତ୍ତ୍ୱ ଥାଏ । କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ଦେବା ପାଇଁ ସେମାନେ କାର୍ଯ୍ୟ କରିଥାନ୍ତି ।
ଅଞ୍ଜିର(Anjir) - ଅଞ୍ଜିର ଫାଇବରରେ ଭରପୂର । ଏଥିରେ ଫିସିନ୍ ନାମକ ଏକ ଏନଜାଇମ୍ ମଧ୍ୟ ଥାଏ । କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ପାଇଁ ଏହା କାମ କରେ । କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ପାଇବା ପାଇଁ ଆପଣ ଖାଦ୍ୟରେ ଅଞ୍ଜିର ମଧ୍ୟ ଅନ୍ତର୍ଭୁକ୍ତ କରିପାରିବେ ।
ସବୁଜ ପନିପରିବା - ସବୁଜ ପନିପରିବାରେ ପାଳଙ୍ଗ, ବ୍ରୋକୋଲି ଏବଂ ଅନ୍ୟାନ୍ୟ ସବୁଜ ପନିପରିବା ଅନ୍ତର୍ଭୁକ୍ତ । ଏହି ପନିପରିବାରେ ମଧ୍ୟ ଫାଇବର ଭରପୂର ଥାଏ । ସେଗୁଡ଼ିକରେ ଭିଟାମିନ୍ ଏବଂ ମିନେରାଲ୍ସ ମଧ୍ୟ ଥାଏ । ଅନ୍ତନଳୀକୁ ସୁସ୍ଥ ରଖିବାରେ ଏହି ପନିପନିବା ବିଶେଷ ଲାଭଦାୟକ । କୋଷ୍ଠକାଠିନ୍ୟ ସମସ୍ୟା ଦୂର କରିବାରେ ଏଗୁଡିକ ସାହୟ ହୋଇଥାଏ ।
ଚିଆ ସିଡ୍ସ- ଚିଆ ସିଡ୍ସରେ ପ୍ରଚୁର ପରିମାଣରେ ଫାଇବର ଥାଏ । କୋଷ୍ଠକାଠିନ୍ୟରୁ ମୁକ୍ତି ପାଇଁ ଏମାନେ ସାହାଯ୍ୟ କରିଥାନ୍ତି । ଅନେକ ଉପାୟରେ ଆପଣଙ୍କ ଖାଦ୍ୟରେ ଚିଆ ସିଡ୍ସ ଅନ୍ତର୍ଭୁକ୍ତ କରିପାରିବେ । ଆପଣ ଜୁସ୍ ଏବଂ ସାଲାଡରେ ଚିଆ ସିଡ୍ସ ମଧ୍ୟ ବ୍ୟବହାର କରିପାରିବେ ।
Disclaimer: ଏହିସବୁ ଘରୋଇ ଉପଚାର ସାଧାରଣ ଚିକିତ୍ସା ନିମନ୍ତେ । ଆପଣଙ୍କ ତ୍ବଚାରେ ଯଦି କୌଣସି ଜଟିଳ ସମସ୍ୟା ଥାଏ କିମ୍ବା ଏଲର୍ଜି ଥାଏ, ତେବେ କୌଣସି ବି ଉପାଦାନ ବ୍ୟବହାର ପୂର୍ବରୁ ଡାକ୍ତରୀ ପରୀକ୍ଷା କରାଇ ନିଅନ୍ତୁ ।
