ସୁନ୍ଦରଗଡ: ଆଜି (ଶୁକ୍ରବାର) ହେଉଛି ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନକୁ ଜିଲ୍ଲା ଯୁବ କଂଗ୍ରେସ ବିତୃଷ୍ଣା ହୋଇ ସୁନ୍ଦରଗଡ ଡିଆରଡିଏ (DRDA) ଛକରେ ପାଳିଛି ହାଲ୍ଲାବୋଲ – ବେରୋଜଗାର ଦିବସ । ମୋଦି କ୍ଷମତାକୁ ଆସିବା ପୂର୍ବରୁ ଦେଇଥିବା ପ୍ରତିଶ୍ରୁତି ଓ କ୍ଷମତାରେ ଥାଇ କରୁଥିବା କାମକୁ ରାଷ୍ଟ୍ରୀୟ କଂଗ୍ରେସ ଦଳ ଆଜି (ଶୁକ୍ରବାର) ବିଦ୍ରୁପ କରିବା ସହ ଭେଟି ସ୍ୱରୂପ ତାଙ୍କ ଜନ୍ମଦିନରେ ପକୁଡି ଓ ଚା' ବିକ୍ରି କରି ଅଭିନବ ପ୍ରତିବାଦ କରିଛି ।
ସମାଜରେ ବେକାରୀ ଯେ କେତ କଷ୍ଟ ଦେଇଥାଏ, ତାହା ଏମାନେ ଦେଖାଇଛନ୍ତି । ଏହି ଅବସରରେ ସେମାନେ ପୁଣି ଥରେ ପ୍ରଧାନମନ୍ତ୍ରୀ ଦେଇଥିବା ପ୍ରତିଶ୍ରୁତିକୁ ଦୋହରାଇଛନ୍ତି ।
ତେବେ ପ୍ରଧାନମନ୍ତ୍ରୀ ବେକାରୀ ଦୂର କରିବା ପରିବର୍ତ୍ତେ ଅଧିକ ବେକାରୀ ସୃଷ୍ଟି କରିଥିବା ନେଇ ଅଭିଯୋଗ କରିଛି କଂଗ୍ରେସ ଦଳ । ମୋଦି ଏହି ସମସ୍ୟା ଦୂର କରନ୍ତୁ ନ ହେଲେ ଏହା ଆଗାମୀ ଭବିଷ୍ୟତରେ ତାଙ୍କୁ ଗାଦିଚ୍ୟୁତ କରିବ ବୋଲି ସେମାନେ କହିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
