ନୟାଗଡ଼: 2008 ଫେବୃଆରୀ 15ର ବହୁଚର୍ଚ୍ଚିତ ନୟାଗଡ଼ ମାଓ ହମଲା ଘଟଣା । ଆଇନ ଜାଲରେ ବନ୍ଧା ହୋଇଥିଲେ 2 ମାଓନେତା । ଦଶପଲ୍ଲା ଥାନା ପୋଡି ଓ ଦଶପଲ୍ଲା ଥାନା ଅଧିକାରୀଙ୍କ ବାସଗୃହରେ ନିଆଁ ଲଗାଇ ଆତଙ୍କ ସୃଷ୍ଟି କରିବା ଆଦି ୨ଟି ପୃଥକ ମାମଲାରେ ଉପଯୁକ୍ତ ସାକ୍ଷୀ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ ହୋଇଛନ୍ତି ମାଓନେତା ଆଜାଦ ଓ ସବ୍ୟସାଚୀ ପଣ୍ଡା ।
ନୟାଗଡ଼ ଟାଉନ ଥାନା ଆକ୍ରମଣ, ନୂଆଗାଁ ଥାନା ପୋଡି ଓ ଦଶପଲ୍ଲା ଥାନା ପୋଡ଼ି ସହ ଅସ୍ତ୍ରଗାର ଲୁଟ ଭଳି ନଅଟି ପୃଥକ ମାମଲା ମଧ୍ୟରୁ ଆଜି ଦଶପଲ୍ଲା ଥାନା ପୋଡି ଓ ଦଶପଲ୍ଲା ଥାନା ଅଧିକାରୀଙ୍କ ବାସଗୃହରେ ନିଆଁ ଲଗାଇ ଆତଙ୍କ ସୃଷ୍ଟି କରିବା ଆଦି ଦୁଇଟି ମାମଲାରେ ନୟାଗଡ଼ ଜିଲ୍ଲା କୋର୍ଟରେ ଶୁଣାଣି ହୋଇଥିଲା । ମାତ୍ର ପ୍ରମାଣ ଅଭାବରୁ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ଜିଲ୍ଲା ଜଜ l
ତେବେ ଆଜି ମାଓବାଦୀଙ୍କ ଦ୍ବାରା ବଳପୂର୍ବକ ଭାବେ ଦଶପଲ୍ଲାରେ ନଡ଼ିଆ ବୋଝେଇ ଟ୍ରକ ଅପହରଣ ମାମଲାର ପରବର୍ତ୍ତୀ ଶୁଣାଣି ଶେଷ କରାଯିବ ବୋଲି ସୂଚନା ମିଳିଛି l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
