ମାଲକାନଗିରି: ରାଜ୍ୟରେ ସ୍ବାସ୍ଥ୍ୟ ସେବା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ସୁଦ୍ଧା କୌଣସି ସୁଫଳ ମିଳିପାରି ନାହିଁ । ଦୀର୍ଘ ଦିନ ଧରି ଅବ୍ୟବସ୍ଥା ଘେରରେ ରହିଛି ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟ । ସାତ ମହଲା ବିଶିଷ୍ଟ ହସ୍ପିଟାଲଟି ବାହାରୁ ସୁନ୍ଦର ଦେଖାଯାଉଥିଲେ ସୁଦ୍ଧା ରୋଗୀ ମାନଙ୍କର ଚିକିତ୍ସା କ୍ଷେତ୍ରରେ ବାଧକ ସାଜିଛି । ତେବେ ହସ୍ପିଟାଲରେ ସବୁକିଛି କାଗଜ କଲମରେ ଚାଲିଥିବା ବେଳେ ଅବ୍ୟବସ୍ଥା ଘେରରେ ପଡି ରହିଛି ଜିଲ୍ଲା ମୁଖ୍ୟ ଚିକିତ୍ସାଳୟ । ରୋଗୀ ଚିକିତ୍ସା ପାଇଁ ନାଁ ଅଛି ଆବଶ୍ୟକୀୟ ଯନ୍ତ୍ରାଂସ ନାଁ ଅଛନ୍ତି ଚିକିତ୍ସା ପାଇଁ ଆବଶ୍ୟକ ସଂଖ୍ୟକ ଡାକ୍ତର ।
ସେପଟେ ଏହି ହସ୍ପିଟାଲ ଉପରେ ଦୈନିକ ଜିଲ୍ଲା ତଥା ପଡୋଶୀ ଜିଲ୍ଲାର ୫୦୦ରୁ ୭୦୦ ରୋଗୀ ନିର୍ଭର କରୁଥିବା ବେଳେ ଆବଶ୍ୟକୀୟ ଭିତ୍ତିଭୂମି ଅଭାବରୁ ସ୍ବାସ୍ଥ୍ୟ ସେବାରୁ ଅନେକ ରୋଗୀ ବଞ୍ଚିତ ଦେଉଛନ୍ତି । ଏପଟେ ସିଡିଏମଓଙ୍କ କହିବାନୁସାରେ ହସ୍ପିଟାଲରେ ୫୯ଜଣ ଡାକ୍ତରଙ୍କ ଆବଶ୍ୟକତା ରହିଥିବା ବେଳେ ୩୭ ଜଣ ଡାକ୍ତର ଅଛନ୍ତି । ଏମାନଙ୍କ ମଧ୍ୟରୁ ୨୪ ଜଣ ସ୍ପେଶାଲିଷ୍ଟଙ୍କ ପରିବର୍ତ୍ତେ ଅଛନ୍ତି ୧୯ ଜଣ । ଆଉ ୩୫ MBBS ଡାକ୍ତର ଆବଶ୍ୟକତା ଥିବାବେଳେ ଅଛନ୍ତି ମାତ୍ର ୧୭ । ହସ୍ପିଟାଲକୁ ପ୍ରତ୍ୟେକ ଦିନ ନାନାଦି ସମସ୍ୟା ନେଇ ବିଭିନ୍ନ ରୋଗୀ ଚିକିତ୍ସା ପାଇଁ ଆସୁଛନ୍ତି ହେଲେ ଆବଶ୍ୟକୀୟ ଚିକିତ୍ସା ସୁବିଧା ସହ ସିଟିସ୍କାନ ଓ MRI ଭଳି ପରୀକ୍ଷା ଆବଶ୍ୟକ ପଡୁ ଥିବାରୁ ଆନ୍ୟ ରାଜ୍ୟକୁ ଯାଇ ବହୁ ମାତ୍ରାରେ ଖର୍ଚ୍ଚାନ୍ତ ହେଉଛନ୍ତି ।
ସେପଟେ ଏନେଇ ହସ୍ପିଟାଲ ସିଡିଏମଓ କହିଛନ୍ତି, ପ୍ରଧାନମନ୍ତ୍ରୀ ସ୍ବାସ୍ଥ୍ୟ ଯୋଜନା ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆରମ୍ଭ ହେବାକୁ ଯାଉଛି ଆଉ ଏହା ମାଧ୍ୟମରେ ଜିଲ୍ଲାବାସୀ ଉନ୍ନତ ମାନର ଚିକିତ୍ସା ସୁବିଧା ପାଇପାରିବେ । ତେବେ ଦେଖିବାକୁ ବାକି ରହିଲା କେବେ ବ୍ୟବସ୍ଥିତ ହେଉଛି ମେଡାକାଲ ସ୍ବାସ୍ଥ୍ୟ ସେବା ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
