ମାଲକାନଗିରି: ରାଜ୍ୟରେ ଦିନକୁ ଦିନ ଆକାଶ ଛୁଆଁ ହେଉଛି ପେଟ୍ରୋଲ, ଡିଜେଲ ଦର । ଏଭଳି ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲାରେ । ତେବେ ପେଟ୍ରୋଲ ଓ ଡିଜେଲ ଦର ଦିଲ୍ଲୀ ଓ ମୁମ୍ବାଇକୁ ଟପିଯାଇଛି । ଏନେଇ ଆଜି (ରବିବାର) ପେଟ୍ରୋଲ ଲିଟର ପିଛା ୧୧୦ ଓ ଡିଜେଲ ୧୦୫ ଟଙ୍କାରେ ପହଞ୍ଚିଛି ।
ତେବେ ଏହା ସାଙ୍ଗକୁ ଜିଲ୍ଲାରେ ଅତ୍ୟାବଶ୍ୟକ ସାମଗ୍ରୀର ଦର ମଧ୍ୟ ଧିରେ ଧିରେ ବଢିବାରେ ଲାଗିଛି । ଜିଲ୍ଲା ସଦର ମହକୁମାରେ ପେଟ୍ରୋଲ ଲିଟର ପିଛା ୧୦୯ ଟଙ୍କା ୬୪ ପଇସା ରହିଥିବା ବେଳେ ଡିଜେଲ ଲିଟର ୧୦୫ ଟଙ୍କା ହୋଇଛି ।
ସେପଟେ ମାଲକାନଗିରି ଜିଲ୍ଲାର ପଡୋଶୀ ରାଜ୍ୟ ଛତିଶଗଡର ସୁକୁମା ଜିଲ୍ଲାରେ ପେଟ୍ରୋଲ ଲିଟର ପିଛା ୧୦୫ଟଙ୍କା ଯାହାକି ମାଲକାନଗିରି ଦରଠାରୁ ୫ଟଙ୍କା ଅଧିକ । ତେବେ ଜିଲ୍ଲାର ପଡିଆ ବ୍ଲକର ସଦର ମହକୁମା ଠାରୁ 3 କିଲୋମିଟର ଛତିଶଗଡ ସୁକୁମା ଜିଲ୍ଲାର ଦୋରନାପାଲ ଠାରେ ଡିଜେଲ ଓ ପେଟ୍ରୋଲ ଲିଟର ପିଛା ୫ଟଙ୍କା କମ୍ ଥିବାରୁ ଲୋକେ ମାଲକାନଗିରିରେ ତେଲ ପକାଇ ଫେରୁଥିବା ଦେଖିବାକୁ ମିଳିଛି ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
